GOCCIUS
DE
 Santa Caterina Virgini e Martiri
 
Nobilissima eroina
In su Xelu collocada
Pura e Martiri Caterina
Siesta nostra abogàda.
  
Filla de pagana genti
Nascis tui virgini e pia,
De Deus ses arrichia
De grazia risplendenti,
In Alessandria crescis ardenti
De santu amori dottàda.

Pura e Martiri ecc.

Sa divina fortalesa
Ti sustenit in is turmentus,
In is cruelis momentus
Cunbservas santa puresa,
De is angelus po difesa
Ti ses bista circundada.

Pura e Martiri ecc.

 Dezidit su presidenti
E subitu hat ordinau,
Chi trunchit ferru potenti
Su zugu tuu delicau,
Ma su spiritu est cunfortau
In sa patria suspiràda.

Pura e Martiri ecc.
In s'edadis prus florida
De solu dexiott'annus,
Ottenis triunfus mannus
Corona d'eterna vida,
De is angelus ses assistida
De Gesus ses premiada.

Pura e Martiri ecc.

 Su tirannu imperatori
Disprezzat sa vera fidi,
Po Caterina si bidi
Portau de fintu amori,
Usendi pagu rigori
Amanti si dimostràda.

Pura e Martiri ecc.

 Sa morti tua diciosa
Cun prodigiu evidenti,
Si rendit sensibilimenti
A totus miraculosa,
Ses, martiri vittoriosa
In su Xelu coronada.

Pura e Martiri ecc.
Massiminu su governanti
Plenu de crudeli intentu,
Ti preparat po turmentu
Roda de ferru pesanti,
Ma de Deus, ses, amanti
Prontamenti liberada.

Pura e Martiri ecc.

 Cunvertit Caterina
A Porfiriu presidenti,
E medea atera genti
A sa celesti dottrina,
Ses, virgini Alessandrina
De is giustus veneràda.

Pura e Martiri ecc.

 Su corpus tuu gloriosu
De is angelus trasportau,
In su Sinai est collocau
Cun prodigiu strepitosu,
Veru sloi luminosu
De Alessandria invocàda.

Pura e Martiri ecc.
Cinquanta cun Caterina
Filosofus disputanta,
Ma cun amori abbrazzanta
Sa dulci lei divina,
Cunvertius de sa dottrina
Chi sa Santa predicada.

Pura e Martiri ecc.

 Sa profunda passienzia
Movit a cumpassioni;
Senz'alimentu in prexoni
Dexi dis de astinenzia,
De sa divina clemenzia
Ses stetia consolada.

Pura e Martiri ecc.

 Su martiriu tuu potenti
Surprendit menti umana:
Cunvertit genti pagana
E s'omini non credenti:
Prega a Deus clementi
Po s'anima tribulàda.

Pura e Martiri ecc.