GOCCIUS
DE Santa Caterina Virgini e Martiri |
||
Nobilissima eroina
In su Xelu collocada Pura e Martiri Caterina Siesta nostra abogàda. |
||
Filla de pagana genti Nascis tui virgini e pia, De Deus ses arrichia De grazia risplendenti, In Alessandria crescis ardenti De santu amori dottàda. Pura e Martiri ecc. |
Sa divina fortalesa
Ti sustenit in is turmentus, In is cruelis momentus Cunbservas santa puresa, De is angelus po difesa Ti ses bista circundada. Pura e Martiri ecc. |
Dezidit su presidenti E subitu hat ordinau, Chi trunchit ferru potenti Su zugu tuu delicau, Ma su spiritu est cunfortau In sa patria suspiràda. Pura e Martiri ecc. |
In s'edadis prus florida De solu dexiott'annus, Ottenis triunfus mannus Corona d'eterna vida, De is angelus ses assistida De Gesus ses premiada. Pura e Martiri ecc. |
Su tirannu imperatori Disprezzat sa vera fidi, Po Caterina si bidi Portau de fintu amori, Usendi pagu rigori Amanti si dimostràda. Pura e Martiri ecc. |
Sa morti tua diciosa Cun prodigiu evidenti, Si rendit sensibilimenti A totus miraculosa, Ses, martiri vittoriosa In su Xelu coronada. Pura e Martiri ecc. |
Massiminu su governanti Plenu de crudeli intentu, Ti preparat po turmentu Roda de ferru pesanti, Ma de Deus, ses, amanti Prontamenti liberada. Pura e Martiri ecc. |
Cunvertit Caterina A Porfiriu presidenti, E medea atera genti A sa celesti dottrina, Ses, virgini Alessandrina De is giustus veneràda. Pura e Martiri ecc. |
Su corpus tuu gloriosu De is angelus trasportau, In su Sinai est collocau Cun prodigiu strepitosu, Veru sloi luminosu De Alessandria invocàda. Pura e Martiri ecc. |
Cinquanta cun Caterina Filosofus disputanta, Ma cun amori abbrazzanta Sa dulci lei divina, Cunvertius de sa dottrina Chi sa Santa predicada. Pura e Martiri ecc. |
Sa profunda passienzia Movit a cumpassioni; Senz'alimentu in prexoni Dexi dis de astinenzia, De sa divina clemenzia Ses stetia consolada. Pura e Martiri ecc. |
Su martiriu tuu potenti Surprendit menti umana: Cunvertit genti pagana E s'omini non credenti: Prega a Deus clementi Po s'anima tribulàda. Pura e Martiri ecc. |