Nuntii Latini Italici
 
Nuntii Latini Italici
Iosephus Marcellinus Alexandraque Iacono nuntios recitantes.
.
.
.
.
Qui puoi inserire una descrizione per la tua pagina.
Qui puoi inserire una descrizione per la tua pagina.




NUNTII LATINI ITALICI 9.05.2008

1)Italica societas studiis provehendis “TreeLLLe” nomine inquisivit qui et quales essent fructus rationis linguas Latinam Graecamque docendi in Europa et in Civitatibus Americae Foederatis. Nusquam gentium numero frequentiores esse linguae Latinae discentes quam in Italia ex hac indagatione innotuit. Sed paene dimidia discipulorum Italicorum pars, qui huic linguae student, valde imperiti esse videntur! (Iosephus Marcellinus)

L’associazione culturale “TreeLLLe” ha fatto una ricerca sui frutti dell’insegnamento delle lingue classiche in Europa e Usa. E’ emerso che in nessuna altra parte del mondo il numero di studenti che apprendono il latino è maggiore che in Italia. Ma circa la metà dei ragazzi italiani che studiano questa lingua risultano essere di molto al di sotto della sufficienza.

2) Villelmus ,britannicus princeps, viginti quinque annos natus, instituti R.A.F nomine subcenturio, in horto sponsae cui nomen est Catharina Middleton, militari helicoptero terram attigit. Ministerium rei publicae tuendae his verbis eum defendit:’Hoc ad exercitationem pertinet.’De hac re acerbe disputatur.(De Sanctis)

Il principe inglese William, 25 anni, tenente della R.A.F., è atterrato nel giardino della fidanzata con un elicottero militare.Il Ministero della Difesa lo difende con queste parole: ‘Fa parte dell’ addestramento’ E’ aspra polemica.

3)Asisii urbis praefectus edictum edidit quo pauperes apud templa, monumenta, plateas et publicas domus stipem emendicare prohibentur.Fieri potest igitur ut posthac mendici poena afficiantur. At cardinalis Renatus Martino qui Papae mandatu pauperibus auxilium fert non idem ac urbis praefectus sentit et hoc inceptum Sancti Francisci praeceptis et christianae doctrinae repugnare affirmat.(Carciotto)

Il sindaco di Assisi ha emanato un’ ordinanza colla quale si proibisce ai poveri di chiedere l’elemosina presso le chiese,i monumenti, le piazze e i pubblici edifici.I mendicanti rischiano sanzioni.Il cardinale Renato Martino che per incarico del Papa si occupa dell’ assistenza ai poveri non la pensa come il sindaco e afferma che questa iniziativa contrasta con gli insegnamenti di S.Francesco e colla dottrina cristiana.

4)Multae totius mundi gentes, maxime pauperrimae, pretii ciborum incredibili ac repentino aucto sollicitantur. Ab anni initio enim orizae pretium paene triplex factum est, frumenti duplex, zeae autem quinquaginta centesimis partibus auctum est. Multis in regionibus, Africae praesertim sed etiam Indiae et Americae meridionalis, tumultus fiunt quia plebes fame vexatae reclamitant timentes ne inedia mortem obeant atrocius quam pro dolor iam accidere soleat. (C. Consoli)

Molte popolazioni in tutto il mondo, soprattutto le più povere, sono angosciate dall'incredibile quanto repentino aumento del prezzo del cibo. Infatti dall'inizio dell'anno il prezzo del riso è quasi triplicato, quello del grano raddoppiato, quello del mais è aumentato del cinquanta per cento. In molte regioni, dell'Africa soprattutto, ma anche dell'India e dell'America meridionale, scoppiano tumulti perché la gente, tormentata dalla fame, teme di dover morire di fame più crudelmente di quanto purtroppo già non accada.

5)Malleolorum series ( Anglice KEIBOARDS)nostrorum instrumentorum computatorum copiosiores bacteriis sunt quam opercula nostrarum latrinarum. Ergo facilius est bacteriis vitiari in malleolis pulsandis quam in balneo. Causae huius rei sunt cibi in sede operaria sumpti et minima valetudinis tuendae cura. (Aexandra Iacono)

Una tastiere di computer è più ricca di batteri che una tavoletta del wc. Quindi ci si infetta più facilmente scrivendo al pc che andando in bagno. I principali colpevoli di questa situazione sono lo spuntino consumato nella postazione di lavoro e la scarsa igiene.

....................................................................................................................

NUNTII LATINI ITALICI 18.04.2008

1)Consociatio “Gruppo Storico Romano” nomine in deversorio quodam Romano peregrinatoribus variis et taedio affectis breves scholas per duas horas offert ad artem docendam qua gladiatores utebantur. Auditis scholis discipuli se exercent. Si quis ex iis pergere vult, scholas longiores frequentare potest. (Franciscus Carciotto)

Il Gruppo Storico Romano, in un albergo romano, offre ai turisti bizzarri e annoiati brevi corsi di due ore con cui vengono insegnate le tecniche in uso presso i gladiatori. Dopo le lezioni si svolge la pratica. Se qualcuno vuole continuare su questa strada, ci sono corsi avanzati.

2)Non longe ab urbe Gaza mirae magnitudinis testudo, cuius species in eo est ut exstinguatur, a quibusdam piscatoribus Palestinis capta est. Iugulo testudineo perfosso sanguinem in unum collectum biberunt carnemque voraverunt praesentes. Religionisne an famis causa hoc fecerint diiudicari non potest; vos autem laudine an vitio factum duci oporteat ipsi eritis iudices. Hunc, vos amabo, adite situm retialem: http://www.youtube.com/watch?v=GaWRhek3fp0 (Iosephus Marcellinus)

3)Iulia Hill, mulier Californiana 33 annos nata, Parmae praemium accepit quod loci naturam defendisset. Nam ab anno 1997 ad annum 2000 super sequoniam giganteam vixit ne silva Californiana a societate quadam, quae in multis civitatibus sedem habet, caederetur. His annis “papilio supra arborem”plurimos et maxime arduos labores, e quibus maximam nivis tempestatem passa est.In tanto discrimine periculi se esse mundi partem, quamvis minimam, animadvertit et dulcem sensum cepit. (Aelius De Santis)

.....................................................................................................................................

NUNTII LATINI ITALICI

1)In Italia ferme quadringenti ad laborem infirmi qui per annos beneficia iniuste acceperant, deprehensi sunt. Ex eis septuaginta quattuor oculis capti. Horum caecorum nonnulli in possessione diplomae vehiculis ducendis vel armis gerendis licentiae erant. Ex his ‘miraculo quodam sanatis’ unus in tusco ‘spatio protecto’ venabatur. Ad postremum fictus caecus in autocineto ab ipso vecto vim feminae intulit.(De Santis)

In Italia sono stati scoperti quasi 400 falsi invalidi che per anni avevano indebitamente percepito assegni.Tra essi 74 ciechi.Alcuni di questi avevano la patente di guida o il porto d’ armi.Tra i miracolati un bracconiere che in Toscana andava a caccia in un’area protetta.E per finire un falso cieco ha violentato una donna all’interno di un’auto da lui stesso guidata.

2)Sodalis consociationis ad iura civilia defendenda ‘Reportes sans frontieres’ nomine die vicesimo quinto mensis Martii, inter ritum quo, Olympiae, taeda accenditur, quomodo Sinae erga Tibetanos se gesserint, in publico impugnavit. Nam, dum LIU QI; qui delegatis ad olympia sinensia instituenda praeest, orationem habet,, tibetanus quidam, custodes frustratus, vexillum agitavit in quo, pro cyrculis olympicis manicae et verba Sinis infesta impressa erant. Die tricesimo mensis Martii quoque, Athenis, inter ritum quo olympica taeda legatis sinensibus tradita est, quidam intercessores vexillum tibetanum tollere conati, a publicis custodibus comprehensi sunt.(Carciotto)

Un membro dell’ associazione per i diritti umani ‘Reportes sans frontieres’ ,ha manifestato, il 25 marzo, durante la cerimonia per l’accensione della fiaccola ad Olimpia, contro il comportamento della Cina nei confronti dei Tibetani. Infatti, mentre LIU QI, presidente del comitato organizzatore delle Olimpiadi cinesi parlava, un tibetano, eludendo i poliziotti, si è portato alle spalle dell’oratore e ha sventolato una bandiera su cui, al posto dei cerchi olimpici erano state stampate delle manette e parole ostili alla Cina. Anche il 30 marzo, ad Atene, durante la cerimonia colla quale la fiaccola è stata consegnata ai cinesi, alcuni contestatori hanno cercato di sollevare una bandiera tibetana e sono stati arrestati dai poliziotti.

3)Belgicum regimen, cui satis cellarum ad suos cives in carceribus includendos non sit, a regimine Batavo petivit ut sibi mille et sescentas cellas Batavorum carcerum sibi locaret; Bataviae enim carceres tria milia cellarum vacuarum habent et aliqout civibus Scottis ad vincula a suis damnatis hospitium iam praebent. (C. Consoli)

Il governo belga, non avendo sufficienti celle per i propri carcerati, ha chiesto al governo olandese di affittargli milleseicento celle delle loro carceri; infatti le carceri olandesi hanno tremila celle libere e già ospitano alcuni detenuti condannati in Scozia.

--------------------------------------------------------------------------------

NUNTII LATINI 28.03.2008

1. In civitatibus Americae foederatis cives candidatum ex democraticis partibus eligentes, qui ut foederationis praeses creetur proximo mense Novembri contendat, senatori homini nigro Barak Obama magis magisque favent. Admirationem movet quod non modo cives nigri sed etiam mulieres iuvenesque albi Hillary Clinton senatrici nigrum Obama praeponant. Profecto dicas cives Americanos ab nomine novo regi velle.

In the United States the choice of the candidate of the Democratic Party for the November presidential elections seems to be more and more favourable to the black senator Barak Obama. What a surprise that not only the black America citizens but also women and young white people prefer the black Obama to Hillary Clinton. One may say that the American citizens want to be lead by new persons.

2. In pago Castelbuono nomine prope Panornum, fraxini, media aestate, e cortice sucum emittunt qui ‘manna’ vocatur et similis est cibo quo Iudaei ,ex Aegypto fugientes, vescebantur.Qui hunc sucum exprimunt ‘mannari’ nuncupantur et iam perpauci sunt.Eo suavissima dulcia et genus quoddam panis natalicii, clari in toto orbe terrarum, coquuntur.(Carciotto)

In the town of Castelbuono, near Palermo, in the summer, the ash trees produce a liquid which is called manna and is similar to the food that nourished the Jewish while escaping from Egypt. Those who extract this juice are called mannari and are very few. With manna you can prepare delicious cakes and a kind of panettone known all over the world.

3. Per tres dies asinus oppidi siculi Castelbuono nomine rex fuit.In hoc oppido praeteritis annis tres asellae scopariae ad purgamenta colligenda adhibitae erant.De asini usu salutari et ad artem pueros educandi pertinenti in conventu dissertum est.Praeterea actum est quomodo lactis asinini usus corporis cutem pulchriorem reddat.Poppaea docuit.(De Santis)

For three days the donkey has been the king of Castelbuono. In this town in the past three donkeys where used to collect the garbage. During a meeting the therapeutic use of the donkey related to children’s education has been discussed. Moreover they affirmed that donkey milk makes the skin beautiful. Poppea taught it.

..............................................................................................

NUNTII LATINI ITALICI 23.02.08

1) Publicus legumlatorum coetus Serviae provinciae Kossovo nomine, cuius incolae maxima ex parte Epyrotarum genere sunt, spectans ab una tantum parte edixit Kossovo deinde a Servis liberum esse, quamvis hi obstent. Cum Unio Europea Kossovo discessioni faveat, Russia se profecto obstare monet; omnes itaque timent ne Kossovo discessio novae perniciosae dissentionis toti illi regioni initium fiat. Unio Europea tamen duo milia missura est legatorum, qui omnes Eulex nominantur, ut Kossovo cives ad novam rem publicam firme constituendam adiuvent.

The Kosovo parliament, a province of Serbia mostly inhabited by Albanians , has declared its independence despite the Serbian opposition ; everyone is worried about the Kosovo separation that might be for that area the beginning of a series of troubles. The European Union is anyway ready to send a mission of two thousands people called Eulex in order to help the citizens of the new born state to organize in a solid political structure.

2) Florentiae quattuor puellae quae nudae se movent in mensis “Rubrae dalmaticae” nomine cauponae, quo olim conveniebant ii qui ineunte vigesimo saeculo futuristae nominabantur: hoc est spectaculum quod Gratianus Cecchini excogitavit adversus consilium transviariae viae raedis vi electrica actis faciendae Florentiae. Romae Cecchini iam infecit colore rubro Fontem Trebiae et deiecit complura milia globulorum de scalis ecclesiae quae “Trinitatis Montium” nominatur.

In Florence four naked girls moving on the coffee tables “Le giubbe rosse” of the gathering place of the futurists ant the beginning of 900: this performance of Graziano Cecchini against the project of the tramway in Florence. In Rome Cecchini has already coloured in red the Trevi fountain and thrown down the Trinità dei Monti stair thousands of coloured balls.

3 ) Magnae argentariae ‘Goldman Sachs’ nomine impensa eius argentarii sexum mutare possunt.Hoc est unum ex multis commodis ac opportunitatibus quibus mensarii, quos supra diximus, utuntur.Actorum periodicorum ‘Fortune’ nomine situs inerretialis hoc divulgat.(De Santis)

Paid by the big bank “Goldman Sachs” its employees can change sex. This is one of the advantages and opportunities of the employees we talked about. It was reported by the Fortune

4) Investigatio instituti IREF nomine advenas quae in Italia operam dant male de Italis existimare ostendit.Pueros difficiles et ad iram promptos esse, senes parum observari ,se neglegenter a mercedariis tractari affirmant.(Carciotto)

A research of IREF institute reveals that foreigners who work in Italy judge Italians badly. They in fact say that children are spoiled, old people are not respected and they are treated with sufficiency by their employers

5) Michael Pennisi, urbis Gelae episcopo iam diem duodecimum mensis februarii corporis custodes tributi sunt quorum est eum protegere.Factiosi homines enim epistula ei mortem minitati sunt quod impediverat quominus factiosorum hominum duci Daniel Emmanuello nomine funus in ecclesia duceretur. Animosus praesul autem iam diu fenerationi repugnat. (Carciotto)

Monsignore Michele Pennisi, bishop of Gela, has been given an escort to protect him. Some Mafiosi with a letter have threatened him as he refused to make religious funerals to the boss Daniele Emanuello . Moreover, the brave priest is since long time involved in fighting the illegal borrows



.............................................................................................................................................. NUNTII LATINI ITALICI 08.02.2008

1) Clemens Mastella, iustitiae administer, de quo eiusque uxore a S. Mariae Capuae veteris iudicibus quaeritur, suum munus abdicavit nec eius partes, Udeur nomine, regimen iam sustinebit. Romanus Prodi itaque, cum in senatu prevalere deinde non posset, abdicavit. Dexterae partes comitia statim haberi volunt, complures sinistrae partes contra postulant nova de suffragiis lex fiat quo firmiores in legatorum publicorum concillis maiores partes reddantur, priusquam comitia habeantur. Georgi us Napolitano, rei publicae praeses, Franco Marini senatus principi mandavit ut exploret num hoc fieri possit. (C. Consoli).

The Minister of Justice Clemente Mastella, inquired together with his wife by the magistrates of S.Maria Capua Vetere, has resigned and his party UDEUR will not support anymore the government. Romano Prodi had to resign as he lost the majority in the Senate. The right parties want elections as soon as possible while the lefts ask for a new electoral law before going to elections, in order to have more stability with the majorities in the parliament. The President of the republic, Giorgio Napolitano, has charged president Franco Marini to investigate whether this might be possible.

2) Taurinensis curator Marcus Borgione nomine statuit ut trecenti menstrui eurones iis dentur qui unum profugum ex regione Darfur quae vocatur per unum annum hospitio accipiant.Tali modo taurinensis civitas ad horum profugorum nodum expediendum laudabiliter operam dat.(Carciotto)

Turin’s alderman Marco Borgione stated 300€ per month for those people who will host a Darfur refugee for one year. This is a very good way to contribute to the problems of these refugees

3) Duo iudices catinenses octo homines investigant quod nefarii sodalici nomine sanctae Agathae dies festos administraverint.Vulgatum est quod multi suspicabantur.Factiosi homines statuebant quando vehiculo in quo sanctae reliquiae continentur consistendum esset, sponsiones et omnium rerum venditionem quoque administrabant.(Carciotto)

Two magistrates of Catania have inquired eight men for having controlled Sant Agata’s feast on behalf of the mafia. Now everyone knows what many people already suspected. Men connected with the mafia decided when the “fercolo” with the relics of the Saint are kept had to stop and they also controlled the gambles.

4) Iurgiosi amores utiles sunt.Investigatio in universitate Michigan nomine facta altercari utile esse ostendit.Nam qui iracundiam cohibent haud multum vivunt., dimidio minorem vitam degunt quam qui iracundiae indulgent.Ergo virorum doctorum iudicio oportet coniuges , cum in discrimine sint, non iracundiam reprimant sed eadem efferantur.(De Santis)

Quarrelsome loves are useful. A research done by the University of Michigan shows that quarrelling is useful. In fact those who hold anger do not live long but half the time compared to those who abandon themselves to anger. Therefore, husbands and wives, when there is a crisis must not control anger but abandon themselves to it.

5) Iam aliquot dies in Germania peregrinantes expeditiores esse possunt.Nam germanica itinerum procuratio effecit ut qui secundum naturam vivere cupiunt in vehiculo ad hoc ipsum instituto nudi volent.Gubernatores et hospitae aeronauticae vero vestem induent.Id Henricus Hess itinerum procurationis ‘Ossiurlaub’ nomine administrator excogitavit.

Now in Germany travellers can be “lighter” In fact a German travel agency allows naturists to travel naked in a special plane. Pilot and hostess will be dressed. This has been done by Enrico Hess, owner of the travel agency Ossiulaub.



.............................................................................................................................

NUNTII LATINI ITALICI 01.02.2007

1) Postquam tuniculae in quibus cingulum securitatis delineatum erat et vasa aere neapolitano plena venierunt, ecce neapolitana purgamenta veneunt.In situ interretiali ‘e Bay’ nomine prima purgamenta oblata sunt.Neapolitanorum inventio infinita est.(De Santis)

After having sold t-shirts with security belts painted on them and vases full of “air from Naples” now they sell Neapolitan garbage. In the site “E-Bay” there are the first garbage offers. Neapolitan people’s has no limits.

2) Abhinc aliquot dies, Tridenti, inter matutinam missam,senex octoginta sex annorum, ob infarctum, supremum diem obiit.Parochus, quamvis omnes qui aderant obstupescerent, a sacri celebratione non destitit.Postea se excusavit affirmans se, inter missam, pro defuncto oravisse.Multi huius parochi rationem reprehenderunt.(Carciotto).

Some days ago in Trento, during the holy mass an 86 year old man died because of an heart attack. The priest, among the astonishment of the presents, did not interrupt the celebration. Later he apologised declaring that he prayed for the dead man during the mass. Many people criticized his behaviour.

3) Qui rem publicam administrant magis magisque in dies Italorum exspectationem decipiunt.Ex quo Romanus Prodi suum munus deposuit, ex his multi officii conscientia se agere affirmant cum id verum non semper sit.Nam male se gerunt et raro praesentiunt quid ex suis erroribus oriri possit.(Carciotto) Politicians more and more deceive the expectations of Italian people. From the moment when Prodi has left, many declare to behave with responsibility while this is not always true. In fact rarely they realize the consequences of their misbehaving.

4) Callidi anglici fures quidam pumilionibus utuntur ad receptacula sarcinaria expilanda autoraedarum longarum quae per Angliam iter faciunt.Fures hoc modo agunt;pumilio in sarcina se occultat quae in receptaculum a sodale imponitur; in itinere e latebra exit, res pretiosas in sarcinis iter facientium arripit et in sua sarcina ponit ubi delitescit donec eo quo tendit pervenit.

Clever British thieves act with dwarves to steal the luggage in the coaches travelling all over Great Britain. The thieves act like this: a dwarf hides in a luggage which is loaded in the coach; during the journey he comes out and takes all the valuable objects from the passengers’ luggage and puts everything in his own one where he remains hidden until the final destination.

...................................................................................................................

NUNTII LATINI 25.01.1985

1)Salvator Cuffaro, Siciliae prefectus, a iudicibus damnatus est quod cum hominibus illis factiosis "mafiosis" qui vocitantur consuetudines iunxit. At iste flagitiosus vir politicus non modo suum munus non deposuit sed etiam se innocentem et ab omni labe purum esse asseverat! Qui voluerint subsignare documentum, quo iste Cuffaro suum in Siciliam imperium deponere cogeatur, hunc poterunt recta adire situm retialem : www.cuffarodimettiti.org (Iosephus Marcellinus)

Salvatore Cuffaro, Sicily governor was plaid guilty by the magistrates for his cooperation with the Mafiosi. This ruinous politician not only did not resign but says he is innocent and clean. Who wish to subscribe the document to have him resign as Sicily Governor may visit the internet site: www.cuffarodimettiti.org

2) Summum causis dirimendis concilium asvenas homosexuales ab Italia expelli on posse statuit, si leges advenarum civitatis homosexuales puniant. Ex hac sententia Maurus quidam clandestinus in Italia manere poterit.Consociatio Arcigay quae vocatur hanc sentetiam probat quae vexatis quod debetur tribuit.(Carciotto)

The Cassazione established that homosexuals cannot be expelled from Italy if the lows of their country of origin punish homosexuals. According with this low a clandestine from Morocco may stay in Italy. The Arcigay association approves this sentence as it grants justice to persecuted.

3)Benedictus sextus decimus, summus pontifex, dedicationis diei qui quotannis in romano Athenaeo habetur non interfuit.Nam fere sexaginta professores illius Athenaei epistulam scripserant qua rectoris invitationem reprehendebant quod Pontifex cuidam religioni praeesset et priscorum morum studiosus esset. Aliqui discipuli quoque pompam fecerant ad huic invitationi reclamandum.

The pope Benedictus XVI didn��t take part to the inauguration that is kept every year at the University ��La Sapienza�� of Rome. In fact about sixty professors wrote a letter criticizing the invitation of the Rector as the Pope is the chief of a religion and a conservative. Also some students have organized a manifestation against that invitation.

4)Bethlehem, in Nativitatis ecclesia, furiosa rixa inter graecos orthodoxos et armenios erupit.Dum ecclesiam verrunt ad parandum sollemnium nataliciorum ritum, orthodoxi sacerdotes in armeniorum terminos excesserunt.Quattuor sacerdotes vulnerati sunt.Publici ministri palaestinenses intervenerunt.(De Sanctis)

In Betlem, in the Nativity Church a big fray between orthodoxies and Armenians. While they were wiping the church to prepare the holy ceremony of Xmas the orthodox priests entered the Armenians area. Four priests were injured. Palestinians policemen had to intervene. .........................................................................................................................................

NUNTII LATINI ITALICI 18.01.2008



1)Die vicesimo septimo mensis Decembris Benazir Bhutto, factionis pakistanianis moderatoribus adversariae praeses, interfecta est.Vix orationem concluserat et insidiator semel atque iterum contra eam globulos emisit.In Pakistania nunc res turbidae sunt.Insidiatoris nomen nescitur.Alteri sodalicium Al Qaida quod vocatur, alteri Pakistaniae praesidem accusant.Benazir mulier magni animi fuit quae, si in proximis comitiis victrix discessisset, sine dubio suam civitatem populari ratione constituisset.(Carciotto)

Il 27 dicembre Benazir Bhutto, leader del partito di opposizione in Pakistan, è stata uccisa.Aveva appena concluso un comizio quando un attentatore ha sparato ripetutamente contro di lei.In Pakistan ci sono tumulti.Non si sa chi sia l’attentatore.Alcuni accusano l’organizzazione Al Qaida, altri il presidente del Pakistan.Benazir Bhutto è stata una donna di grande coraggio che, se avesse vinto le prossime elezioni, avrebbe avviato il suo Paese sulla via della democrazia.

2)Die tricesimo mensis Decembris in quodam valetudinario taurinensi in quo graves adustiones curantur, Iosephus Demasi, iuvenis viginti sex annorum, septimus opificum qui incendio in officina Thyssen nomine orto implicati erant, mortuus est.Qua de re urbis moderatores kalendas Ianuarias celebrare vetuerunt.Quotannis in Italia ,pro dolor! multi opifices, dum opus faciunt, moriuntur quoniam leges quae ad operariorim columitatem pertinent non observantur nec inspectores suo munere funguntur(Carciotto)

Il 30 dicembre ,in un ospedale torinese dove si curano le gra.ndi ustioni ;Giuseppe Demasi, giovane di ventisei anni, settimo tra gli operai che erano stati coinvolti nell’incendio scoppiato nella fabbrica Thyssen, è morto.Per questo motivo le autorità hanno deciso di non celebrare il capodanno.Ogni anno, in Italia, purtroppo, molti operai muoiono durante il lavoro perché le leggi sulla sicurezza non vengono applicate e i controlli non sono adeguati.

3)Ex sententia investigatorum americanae Universitatis ‘Duke’ quae vocatur, simiae numeros intellegunt et computare possunt.In certamine de simplicissimis summis simiae discipulique ad eundem finem pervenerunt et inter se haud multum distulerunt.Computationis studium simiarum aut… (De Santis)

Secondo i ricercatori dell’ Università americana ‘Duke’, le scimmie sanno riconoscere i numeri e fare dei calcoli.In un confronto tra scimmie e studenti su alcuni piccoli calcoli scimmie e studenti si sono equivalsi e le differenze non sono state grandi.Propensioni delle scimmie al calcolo matematico oppure…

4)Londinii vir et mulier matrimonio coniucti sunt nescientes se esse geminos cum in duabus distinctis familiis educati essent. Matrimonium eorum solutum est. Hoc narravit Lord David Alton in publico consilio senatorum (House of Lords) . Fortasse necesse est operam dare ut filii adoptati possint conoscere parentes suos. (Alexandra Iacono)

A Londra un uomo e una donna si sono sposati non sapendo di essere gemelli , perché cresciuti in due famiglie adottive diverse. Il loro matrimonio è stato reso nullo.Lo ha raccontato Lord David Alton alla Camera dei Lord. Forse è necessario adoperarsi affinchè i figli adottati possano conoscere l’identità dei genitori biologici.

5) Cairi sacri praecones qui quinquies in die de summis quattuor milium mahometanorum templorum turribus ad preces fideles vocabant ab Aegypti moderatoribus missi facti sunt. Voces eorum enim, innumerabilium autocinetorum urbis fragorem vincere conantes, abstonae ac nimis strepentes emittebantur. Regimen itaque decrevit pro eis phonograficum orbem vocis amplificatore de unaquaque turri incitamentum simul emittentem posthac substituere. ( Carmelus Consoli )

Al Cairo i muezzin che dall’alto dei minareti di 4000 moschee richiamano alla preghiera i fedeli cinque volte al giorno sono stati licenziati dal governo egiziano, perchè il loro richiamo cercando di superare il fragore dei numerosissimi autoveicoli della città, risulta stridulo e rumoroso. Il governo ha pertanto deciso di sostituirli con un disco che diffonde contemporaneamente il richiamo da 4000 altoparlanti.

....................................................................................................................................





NUNTII LATINI ITALICI 04.01.2008



1)In Italia statio radiophonica interretialis quae de animalibus tractat orta est.Huius generis inceptum in Foederatis Americae Civitatibus prospere successit.Tali modo qui animalia amant una cum cicuribus bestiis cotidie musicam ad hoc selectam, nuntios et veterinariorum consilia audire poterunt, si cum hoc situ (www.qzlife.it) se coniunxerint.(Carciotto)

In Italy there is a new radio web dealing wih animals: Something similar had a great success in America. In such a way animals’ friends who will connect to the site www.qzlife.it may listen to music, information and veterinary suggestions



2)Hebdomadarium ‘TIME’ nomine Vladimirum Putin’ virum anni bismillesimi septimi delexit.Memoria teneamus anno millesimo nongentesimo duodequadragesimo p.Ch. Adulphum Hitler ‘virum anni’ delectum esse.Memoria teneamus Iosephum Stalin bis ‘virum anni’ delectum esse.Animadvertendum est nonnullos diurnarios ad virum anni eligendum congredi.Nos quoque domi hoc facere possimus.(De Santis)

Time has appointed Vladimir Putin as the man of 2007. Remember that in 1938 Adolf Hitler was appointed the man of the year and that Joseph Stalin as well for two times. Don’t forget that the journalists decide and we could also decide on our own.





3)Circiter mille Itali “Quisnam esset amplissimus anni bismillesimi septimi Italus” interrogati responderunt primas partes tenere Robertum illum Benigni, qui Divinae Comoediae carmina recitans explicansque spectatorum animos inflammaset; secundas vero Beppe Grillo, qui populo favens in nebulones illos politicos pugnasset; tertias pro dolor! Silvium Berlusconi, qui demagogi officium explere non destitisset! (Iosephus Marcellinus)

About one thousand Italians who were asked who on their opinion could be the man of the year have chosen at first Benigni for his beautiful performance of the Divina Comedia, the second was Beppe Grillo for having fought for Italian people against politicians and third Berlusconi unfortunately who as always been a demagogist.



4) Coeli siderumque investigatores sidus, quod Evangelium pastores ad Jesum infantem duxisse narrat, re vera non cometam fuisse contendunt, quia cometae in coelo immobiles aspici solent. Eorum sententia quidem anno sexto vel octavo a. Ch. n. (quo temmpore Jesus ad veritatem natus esse existimatur) Iovis et Saturni stellae ita coniunctae in coelo videbantur ut unum sidus mobile et maxime lucens putares. (C. Consoli)

Astronomists declare that the star which, according with the Gospel has guided the Sheppard to the Holy Infant was not a comet as these are seen as steady in the sky. On their opinion, around the 6th or 8th b.C. (when we think Jesus Christ was born) the planets Jupiter and Saturn were aligned and could be seen as one single bright and moving star



........................................................................................................................................................



NUNTII LATINI ITALICI 21.12.2007



1) Ravennae presbiter quinquaginta ferme annos natus vino indulget et hora secunda eius autocinetum via exit. Presbyter inspectatus vino gravis fuit…fortasse sacerdos missarum nimis celebraverat! (Aelius De Santis)

In Ravenna, a 50 year old priest drinks a lot and his car has an accident at 2am. The priest, was drunk…….maybe too many masses!!!!!!!!



2)Dum Italicae reipublicae moderator Foederatas Americae Civitates visit, acta diurna New York Times nomine de italica civitate acriter scripserunt.Diurnarius quidam omnium Europaeorum Italos esse infelicissimos affirmavit quod res economicae aggravarentur, pecuniae collocationes et mercedes non sufficerent cum rei publicae aes alienum, sumptus et beneficia immodica essent.Communis Italorum sensus putat diurnarium verbis in maius rem extulisse, etsi hac in re vera dixerit.(Carciotto)

While the President of the Republic visited the United States, the New York Times published an article on Italy. A journalist affirmed that Italians are the unhappiest among the Europeans as the economy goes badly, investments and salaries are not sufficient while the national debt expenses and retirements are too high. Italian public opinion think he exaggerated even if he told the truth



3)Ante annum bismillesimum trigesimum Sinenses iam omnibus aquarum copiis illius mundi regionis usi erunt neque ullas habebunt. Hoc nuntiavit regimen Sinense monens municipiorum curatores ut parati ad pessimas condiciones obeundas sint, quoniam caloris totius orbis ex gasorum emissionibus ab opificiis et autocinetis incrementum iam lacus et flumina siccat. (C. Consoli)

Within 2030 China will have exploited all the available water reserves. This was told by the Chinese government in a note. Pechino informs that local administrations must be prepared to cope the worst situation as the global heating and economical increases are draining rivers and lakes



4)Quotannis ferme sexagies centena milia puerulorum epistulas Patri illi Natali accuratissime scribunt. Multis enim in civitatibus sunt epistularum diribitoria ubi tales epistulae colliguntur et servantur. Dum igitur suas exarant litteras pueruli, omnibus vobis, observandi lectores, optimos iucundosque dies festos exoptamus. (Iosephus Marcellinus)

Every year about 6 millions children write carefully letters to Father Xmas. In fact in many countries there are post offices where these letters are kept. And so, while children write their letters we wish you, dear readers, a happy holiday season



.............................................................................................................................................



1) Fere ducenta viginti maria mortua appellata sunt. In eis omnia genera animalium et plantarum exstincta sunt. Maria moriuntur quia totum oxygenum consumitur. Oxygenum laetaminum usu , autocinetorum et sedium primariarum electridi generandae emissionibus consumitur. Mortuum mare vocari potest ea maris superi pars quae ab Ancona usque ad Tergestum extenditur. Ex omnibus animalibus homo certus et solus rerum confector aestimari potest. (De Santis)



About two hundred sea areas have been declared dead . There is no more life there: no fauna, no flora. Oceans die because they are out of oxygen, which get exhausted because of fertilizers and cars and power –stations pollution. We can declare dead area the part of the Adriatic Sea from Ancona to Trieste. Among all the animals, the only one who can be considered the real destroyer of the environment is the human being.



2) Statio televisifica La 7 nomine Danielem Luttazzi comoedum exauctoravit et spectaculum Decameron vocatum intermisit. Huic comoedo praeteritis annis Silvius Berlusconi , cum summo reipublicae consilio praeesset, impedivit quominus spectaculis televisificis operam daret quod in civitate principes aspere irrisisset. In spectaculo abhinc aliquot dies acto Luttazzi quosdam italicos optimates ludificatus est et Papam quoque irridere in animo habebat. In italica civitate ii qui plurimum possunt asperas facetias aegre ferunt. (Carciotto)



The broadcasting station La7 has fired the comic Daniele Luttazzi and has suspended the show “Decameron”. Some years ago, Berlusconi, when he was Prime Minister, didn’t allow this man to participate to certain emissions because he had done satire on popular figures and he intended to do satire on the Pope. In Italy important people don’t like strong satire.



3) Mathematica quaestio curatorum cuiusdam sedis Anglici interretialis Wayn.com nomine nuntiat Germanos pessimos amatores esse, immo optimos Italicos! Curatores eedis illius decem milia mulierum gentium quinquaginta interrogaverunt, hoc responsum fuit Germanos ipsos nimis suae libidinis studiosos, Svetios nimis celeres, Batavos nimis rudes, Americanos nimis imperantes, Vallientes languidi et Caledones sonatores. (A. Iacono)



A public opinion poll run by the English internet site Wain.com declares that German men are the worst lovers, whereas the Italian are the best! The site has interviewed 10,000 women from 50 different countries: the Germans are considered too egoists, the Swedish too fast, the Dutchs too rough, the Americans too dominating, the Walsh too soppy and the Scottish too loud.



4) In monte Palatino inventi sunt, quattuor alii oeci domus Augusti nondum principis; mensis Martii advenientis a secundo die visitatoribus patefient. Effossa sunt atrium, triclinium, cubiculum tabliniumque exquisitissimis imaginibus pictum. Domus inventa erat ad triginta annis abhinc et accuratissime refacta. (C. Consoli)



On Palatino hill four more rooms belonging to Augustus’ house before he became emperor have been found. From 2nd March 2008 it will be open to visitors. They have excavated an atrium (entrance room), a triclinium (dining room) a cubiculum (sleeping room) and a small study room with fine frescos. The house was discovered about 70 years ago and has been carefully restored.



5) Die 2 mensis Decembris a. 1967 Christian Barnard in urbe “Cape Town” primam cordis humani transplantationem fecit. Duobus et viginti post annis in Italia quoque huius membri transplanatio facta est. Hodie vero Patavi chirurgus Gino Gerosa non humanum sed fictum transplantavit cor. Tales medicinae progressus valde miramur, quamvis quemadmodum auticineta a mechanicis sic humana membra a medicis tractari videantur. Viro corde laboranti, qui hanc subiit trasplanationem, prosperam valetudinem praecamur. ( Iosephus Marcellinus)



In 1967 on December the 2nd Christian Barnard did the first hearth transplant on a human being. 22 years later in Italy was done the transplantation of the same organ. Today in Padova the surgeon Gino Gerosa has transplanted an artificial heart, not a human one. We have a great admiration for the progresses made in the field of medicine although we think that human organs are treated by doctors like cars by mechanics. To the patient who sustained this sort of transplantation we wish to get better as soon as possible.



........................................................................................................................................



Nuntii Latini Italici 09.12.2007

1)Laetamini, cives omnes: nuperrime “Libertatis populi partes” natae sunt. Id nuntiavit Silvius Berlusconi, olim primus administer, mutato verisimiliter nomine tantum partium quas “Forza Italia” nominaverat; nemo nostrum enim quid novi in novissimis partibus sit. Ita igitur res in Italia fiunt: nomina mutantur, quaestiones manent! Quo usque tandem? (Carmelus Consoli)

Rejoice citizens, the “freedom people party” has borne. It has been announced by the ex President of the Government Silvio Berlusconi who, it seems has just changed the name of his “Forza Italia”, no one knows in fact which is the difference �in the �new born party. This is the way things go on Italy: names change problems remains. �Well how long will this lasts?

2)In� Ucraina�� cocodrilus� quidem� captus� est qui� fugerat� ex� circo� in� litore� civitatis “Mariupol”� nomine� sito.�� Nam per� sex� menses homines� Civili� Tutelae praepositi eum �venati� erant et tandem� eum� deprehenderunt� dormitantem�� hieme fameque. �(Alexandra Iacono)

In Ukraine a crocodile escaped from a circus on the beach of Mariupol has been captured. The men of the Civil Protection have been looking for it for six monthes and finally found it half asleep for �cold and hunger

3)Patavinus senex octoginta trium annorum autocineto cui nomen est Porsche citissime vehebatur.Autocineti iter ducentorum quinquaginta septem kilometrorum in hora erat. Cum pecunia trecentorum quinquaginta septem euronum multatus esset senex his verbis se excusavit:’Claudus sum, paulo gravior est mihi pes’ ( De Santis)

A man of Padua, 83years old, driving a Porsche has run as fast as 257 km on the highway. Paying the fee of 357 euros has justified himself by saying “I am a lame-man, I have a heavy foot”

4) Numerum Italorum libros legentium in incremento esse indagatione� “Censis” scite peracta modo nuntiatum est. Omnium vero lectorum mulieres senesque utriusque sexus maxime assiduos esse satis constat. (Iosephus Marcellinus)

Once ended the Censis inquiry, they told that the number of Italians who read books is increasing. The result is that those who read most are women and olds.

.........................................................................................................................

NUNTII LATINI ITALICI 23.11.2007

1)Omnium nostrum vehementes affectus excitavit mulieris Johannae Reggiani nomine crudelis nex Romae a quodam nomade Romeno perpetrata. Romeni ipsi in Italia incolentes, quorum plerique probe ac industriose vivunt, nefarium scelus deprecati sunt, timentes ne damna ob externorum odium accipiant. Nam a multis Rumeni nimii iam esse dicuntur et decreta in externos severiora a regimine postulantur. (Consoli)

Great impression was for all of us the cruel murdering of Giovanna Reggiani by a Rumanian gipsy in Rome. All other Rumanians who live in Italy, most of whom work and live honestly, have condemned the horrible murder scared about being involved in a xenophobic reaction. In fact more and more people are asking to the government to act against the foreigners.

2) Romae sub Palatino monte, effosionibus ab archaeologis scite prospereque perductis, Lupercal, fabulosum antrum in quo a lupa Romulum Remumque illos lactatos esse ferunt, tandem nobis redditum est. Walter ille Veltroni Urbis praefectus industrios archaeologos, qui quidem hunc locum Pani Pastorum Deo sacratum e tenebris in lucem nobis protulerunt, in caelum laudibus extulit. (Iosephus Marcellinus)

Ended with success the archaeological excavations in Rome, under the Palatino. The Lupercale was found. It s the mythological cave where, according to the legend, Romolo and Remo were nursed by the she-wolf. T Rome’s Mayor, Walter Veltroni, has greeted the archaeologists who have excavated this sacred place dedicated to Pan, the God of Shepherds

3) Rodulfus, Germaniae amatorum maximus natu, viridis senex septuaginta septem annorum cum puella undeviginti annorum coitum quaesivit.Haec autem condicionem recusavit’Veniam peto-inquit-admodum senex mihi es.’.Rodulfus qui numquam huius generis iniuriam acceperat puellam de seniorum discrimine in iudicium vocavit. (De Santis)

Rodolf, the oldest of the German playboys, a sprightly seventyseven year old man, has made advances to a nineteen year old girl. She refused his offer saying “I am sorry, you are too old for me”. Rodolf, who had never been offended in that way before, has denounced her for discrimination of old people.

4) In urbe Boston nomine praeses quidam imperavit ne septimana exeunte magistri discipulis pensa tribuerent, scholas quibus indicae disciplinae docentur instituit et, quo amplius discipuli dormirent, eos lyceum inire hora nona ante meridiem permisit.Praeses ita se gessit ad iuvenum gravem fatigationem minuendam. Nam ii propter nimia pensa, magistroruim iudicia et parentum exspectationem magna sollicitudine afficiuntur.(Carciotto)

In Boston city a school headmaster has ordered not to give homework to the students for the week ends and organized yoga lessons. To give them a longer rest has allowed to begin the lessons at 9 a.m. This was due to decrease the stress of the students who are under constant pressure for excessive works, judgements and parents’ expectations.

5) “Ryanair” quoque fastos amatorios edidit quibus corpora composuerunt duodecim pulcherrimae aeriae ministratrices illius societatis aëriae. Pecunia eo modo redacta deferetur societati “Angeli Caritatem Quaerentes” nomine quae operam dat familiis in quibus liberi infirmi sunt. Fasti ipsi venum dabuntur quinque nummis anglicis in aeriis vehiculis Rayanair vel in situ interretiali www.ryanair.com. ( Alexandra Iacono)

Also Rayanair has published a sexy calendar with the photos of the twelve nicest hostess of the company. The income will be for the “Angels Quest Charity” association which assists the families with handicapped children. The calendars will be sold for 5 pounds on board or on internet at www.ryanair.com



.............................................................................................................................



NUNTII LATINI ITALICI 09.11.2007



1)A die 27 mensis Octobris ad diem 6 mensis Ianuarii tabularum pictarum expositio “Vade retro. Artes atque homosexualitas a Von Gleden ad Pierre et Gilles” nomine Florentiae habebitur. Initio vero constitutum erat illas tabulas pictas Mediolani spectandas proponere, at tandem expositionis auctores consilium ceperunt sedem mutandi propter severissimos censores Mediolanenses. Illae vero tabulae pictae mense Maio et Tauromenii proponentur spectandae. ( Iosephus Marcellinus )

From the 27th of October until the 6th of January there will be in Florence the exhibition “Vade Retro: homosexuality from Von Gloeden to Pierre and Gilles”. The exhibition should take place in Milan, but the organizers decided to change the place because of the very rigid Milanese censors. Those pictures will be also exposed in Taormina in March.

2)Comunistarum et catholicorum plerique, post ideologicum et politicum multorum annorum iter, nunc demum in unam ingentem factionem se coniunxerunt et Walter Veltroni praefectum creaverunt. Cuius factionis primum opus erit legem de comitiis habendis novam invenire, qua civitatis factionum numerus, qui nimius profecto in Italia nunc est, minui possit. (C. Consoli)

A large number of Italian communists and catholics, after a long ideological and political course, have founded together a new big party and have chosen as their secretary Walter Veltroni. The first task for this new party is the formulation of an electoral reform. The new electoral system should restrict the number of the parties, which are in Italy really too many.

3)In India praefecti urbis Delhi vicarius mortuus est cum de podio cecidisset impetum nonnullarum simiarum, quae ipsum subito oppugnaverant, effugere conans. Vicarii praefecti mors denuo ostendit quaestionem, quae magis magisque gravis fit, de simiis in urbe indica. Cives enim queruntur se cum pueris hortos adire non posse quod impetum simiarum timent. (A. Iacono)

In India the deputy mayor of Delhi died because he fell down from a balcony while he was fighting against some monkeys who had attacked him. They had assailed him suddenly. The deputy mayor’s death shows once more the problem they have in the Indian city with monkeys. The inhabitants say they don’t go to the parks with their children because they fear the monkeys’ attacks.

4)In urbe sicula Caltanissetta nomine iudex quidam non solum tres homines factiosos in carcerem misit sed etiam iussit ut pecuniam siculis societatibus extortam restituerent.Nam machina computatoria usus, rationem duxit et statuit quae summa esset reddenda.Si omnes iudices in Sicilia ita se gererent, nemo unquam pecuniam extorquere posset. (Carciotto)

In Caltanissetta, a Sicilian town, a judge not only sent to jail three mafiosi, but he also obliged them to give back the money gained with extortions. Using a calculator, he was able to say how much money they had to give back. If all Sicilian judges worked in the same way, there were no more extortions.

5) Publicae securitatis Pedemontii assessor magum Alexander nomine mercede conduxit ut publici custodes se exercerent in furunculis cernendis et eorum artificia discendis.Huius magi schola, quae Alexandria facta est, per quattuor dies tenuit. (De Santis)

The police chief in Piemonte has engaged the wizard Alexander. His task is to teach policemen to recognize thieves learning their techniques. The pickpocketing course took place in Alessandria and lasted four days.



...............................................................................................................................................



NUNTII LATINI ITALICI 26.10.2007



1)Catanzarae, iudicibus praepositus quaestionem ‘cur non’ vocatam cui operam dederat De Magistris iudex propter rerum dissensionem ad se avocavit.Abhinc aliquot dies rerum iudiciariarum moderator petiverat ut De Magistris qui de eo quoque investigaverat loco moveretur.Iudex qui praeteritis diebus multorum civium consensum acceperat hoc consilium grave esse adfirmavit quoniam revera impedit quominus civilia munera investigentur. (Francisacus Carciotto)



In Catanzaro the attorney chief has claimed the “Why Not” enquiry previously followed by the judge De Magistris, who was removed for incompatibility. Few days before the Minister of Justice, also inquired by De Magistris, had asked for his transfer. On his side De Magistris, who has the support of many people, declared that this decision avoids the inquiries on the public administration.



2)Innumeri homines Italici cotidie perlegunt documenta quae loco interretiali, quem Beppe Grillo instruxit, continentur. Beppe Grillo enim utriusque factionis politicae, scilicet et sinistrae et dexterae, scelera patefacit. Perlectis enim eius pagellis nemo nostrum se continere potest quominus iure iudicet homines politicos Italiae nihil cum Iustitia habere. Ecce eius locus interretialis: http://www.beppegrillo.it/index.html ( Iosephus Marcellinus )



Many Italian people read every day Beppe Grillo’s blog: in fact he reveals the faults of both the political groups, the left and the right one. Once read the commentaries we cannot avoid to consider that Italan politicians have nothing to do with Justice. Here is his internet site: http://www.beppegrillo.it/index.html



3)In Hungaria Agnes Foeldi, collegii meretricum praeses, nuntiavit decem meretrices consecutas esse “susceptorum privatorum” diplomata: hae primae tale opus suum faciendi genus elegerunt. Ita placuit iudici cuidam qui iudicio aliquot ante menses pronuntiato statuit ut meretrices, quoniam mercedibus continuis fruuntur, tributa constanter ac legitime conferrent. (Alexandra Iacono)



In Hungary Ages Foeldi, president of the prostitutes’ union informed that ten prostitutes have obtained the card as “individual undertaker” : They have been the first ones who have decided to work in this way. This was the decision taken by a magistrate who stated that, having a regular income, they also have to pay taxes regularly.



4) Viri docti fungos e magnis arboribus alimentum absorbere et id in graciles arbores transferre invenerunt. ( Aelius De Santis ) Scientists have discovered that mushrooms absorb the nourishing substances from big trees and transfer it to the feeble ones.



5)Quod in pelliculis cinematographicis horrificis saepe vidimus, id re vera accidere posse nunquam putaveramus. Novi Eburaci, in maxima opulentissimaque urbe, mulier quaedam oprculo sublato e latrinae foramine ingentem boam emergentem ab infima cloaca vidit. Exterrita operculo clauso gravem arcam imposuit maximis clamoribus auxilium petens, nec quisquam, cum mente capta ea haberetur, accurrit. Biduo interiecto, excubiae ad incendia, cum tandem accurrissent et siphones rupissent, serpentem quattuor cubitorum extraxerunt et occisum abstulerunt. (Carmelus Consoli)



We have seen many times in the scary movies such scenes never thinking they might be real. In New York a woman opening the WC cover has seen a great snake coming out from the sewer. She closed the cover with a heavy case and started to scream for help. Nobody helped her, they even thought she was mad. Two days later the firemen broke the pipes and a two meter long snake came out. They killed it and took it away.



.................................................................................................................................................

Nuntii Latini Italici 19.10.2007



1) Thomam Stenico parochum sacerdotale munus deponere Sancta Sedes iussit, quod ipse paucis ante diebus se homosexualem esse affirmaverat. Nunc vero discrepans sibi ea, quae forti animo patefecerat, formidolosus negat, ne ab officio sacerdotali removeatur. Nam Sancta Sedes amorem inter homines eiusdem sexus non modo turpem sed etiam contra naturam esse arroganter iudicat, sicut apud Sanctum Paulum in epistula ad Romanos missa (1,26-27) scriptum legimus. At procul dubio qui suos conatus sexuales coercent illi homines revera “immutaverunt naturalem usum in eum usum, qui est contra naturam”. (Iosephus Marcellinus)



The Holy See decided that the priest Tommaso Scenico must be removed from his office because some days ago he declared to be an homosexual. But now, contradicting himself, he denies his own words because he doesn’t want to be removed from his office. The problem is that any form of homosexual love is considered by the Holy See not only shameful but also against the human nature, as we can read in the Letter to the Romans by Saint Paul (1, 26-27). But there is no doubt that people who “ transform the natural bent into an unnatural one” are actually that people who force back their own sexual bents.



2)Al Gore praemium Nobel nomine de pace tuenda consecutus est. Postquam anno 2000 in suffragiis ad rei publicae principem pertinentibus victus discesserat ad oecologiam se contulit etpraemiumOscar quod vocaur pellicula cinematographica de terra protegenda cepit. In civitatibus Americae unitis multi censentpraemium ei tributum esse ad Bush praesidis consilia reprehendenda qui tamen cursum commutare se in animo non habere dixit. (Franciscus Carciotto)



Al Gore received the Nobel Prize for the peace. After being defeated at the presidential elections of the year 2000, he decided to devote himself to ecology and won the Oscar Prize thanks to a movie about the protection of the environment. In the United States many people think that who gave him that prize intended to criticize President Bush, who declared that he will not change his mind.



3)Iudex quidam Hannover, urbis Germanicae, duobus annis vincula minuit quibus sanxerat homini qui sponsam stupraverat sauciaveratque. Cum hic advena Sardus esset, judex poenam imminutam probavit asseverans Sardes more maiorum mulieres viliores habere. Sententia multorum indignationes et reclamationes excitavit, qui judicem incusaverunt quod opinione in gentem praeiudicata et eius morum ignorantia ductus esset. (Carmelus Consoli)



In Hannover a judge decided to reduce the penalty given to a man who raped and injured his girlfriend. The violent subject immigrated to Germany from Sardinia and the judge justifies the reduction of the penalty saying that Sardinian people use to consider women as inferior beings. The sentence has been strongly criticized by people who think that the judge doesn’t know anything about Sardinian habits.



4)Mulier quaedam cottidie infirmis et pauperibus adiuvandis operam dat in oppido Leuco, sed domi apud gentem suam regina est. Haec regina magnam spem habet, id est administrationem rusticam condere cui operam dare possint quadringenti homines sui vici. Societas quaedam internationalis credidit huic proposito et ei auxilio venit. Huic mulieri nomen est Belinda Comfort Damoha, in Ghana nata est anno millesimo nongentesimo quinquagesimo sexto, operaria quoque fuit atque senes adfuit, numquam autem cives suos curare desiit. (Alexandra Iacono).



There is a woman who works in Lecco as a social-medical assistant in her everyday life. But in her country she is a queen This queen has a wonderful dream: create a farm where the 400 inhabitants of her native village can work. An international organization has believed in her project and has decided to help her. This woman’s name is Belinda Comfort Damoha, she was born in Ghana in 1956. She has also been a worker and an attendant, but she has never stopped to look after her people



5)Tres ex sex asellis scopariis, in oppido siculo Castelbuono nomine ad purgamenta colligenda adhibitis, mortuae sunt cruditate, non veneno, ut multi timebant. Urbis praefectum monemus ut posthac veterinarium diaeteticae peritum conducat. ( Aelius De Santis)



Three of the six female donkeys used in the Sicilian town of Castelbuono as street-cleaner died because of an indigestion, not because they were poisoned as many people thought. We suggest the mayor of that town to engage a veterinary, who must be expert in dietetics as well.



..................................................................................................................................

NUNTII LATINI ITALICI 12.10.2007



1)Claudii Monet nobilissimae tabulae pictae “Le pont d'Argenteuil” quae inscribitur nonnihil detrimenti aliquot furciferos attulisse Francogallus ingeniis et artibus foventibus praepositus patefecit. Isti enim nequam homines, cum “Museum d'Orsay” noctu furtim intrassent, Vandalorum more illam tabulam laniarunt. (Iosephus Marcellinus)



The French minister of Cultural Heritage has revealed that unknown thugs had damaged Claude Monet’s famous painting “Le pont d'Argenteuil”. These people entered into the Orsay Museum during the night and tore the canvas.



2) Iam aliquot menses petitiones contra officinas structorias Andreae Vecchio, conductoris catinensis, factae sunt.Insidiatorum unus, homo factiosus, comprehensus est.Fortis conductor qui pecuniam extorqui non tulerat et ad opem petendam epistulam rei publicae moderatori scripserat, propter bonum exitum publicis ministris gratulatus est. (Franciscus Carciotto)



Many attempts have been made for some months on Andrea Vecchio’s yards. One of the attempters, a “mafioso”, has been finally arrested. The courageous manager, who refused to pay any “pizzo” and sent a letter to the President of the Italian Republic asking for some help, has complimented the Police.



3) Praeses quidam magistram viterbiensem cui medicus quinque dierum otium ad probationes diagnosticas perficiendas praescripserat, ad iudicem detulit quod medicus ad inspiciendum missus eam domi non invenerat.Magistra quae civitatem Bahamas nomine adiverat, crimine absoluta est quod probationes in valetudinario urbis Nassau nomine perfectae a medico ad legem praescriptae essent.Haec pronuntiatio permittit ut ministri publici vel privati valetudini serviant in valetudinarriis quoque peregrinis ubi commodis et oblectamentis frui possint. (Aelius De Santis)



A teacher from Viterbo, whose personal doctor had prescribed a five-day rest for clinical tests, has been denounced by her chief because, when the police doctor went to visit her, she was not at home. The teacher was at the Bahamas! But he judge absolved her, because she had her tests, so as they were prescribed by her doctor, in a clinic in Nassau. Now each private and public worker can have his/her clinical tests even in the most exotic places of the world, where he/she can move from the clinic to the beach or to the disco.



4) Mulier quaedam cottidie infirmariae munere fungitur Leuci, in Italia, sed in patria sua est regina. Quae regina in animo habet instituere fabricam rusticam, qua munus afferre eis quadringentis (400) hominibus eius vici possit. Societas quaedam internationalis credidit huic proposito et ei auxilio venit. Haec mulier, cui nomen est Belinda Comfort Damoha, in Ghana nata est anno millesimo nongentesimo quinquagesimo sexto (1956), etiam operaria fuit numquam autem civibus suis operam dare desiit. (Iacono)



There is a woman who works in Lecco as a social-medical assistant in her everyday life. But in her country she is a queen This queen has a wonderful dream: create a farm where the 400 inhabitants of her native village can work. An international organization has believed in her project and has decided to help her. This woman’s name is Belinda Comfort Damoha, she was born in Ghana in 1956. She has also been a worker but she has never stopped to look after her people.



...................................................................................................................



Nuntii Latini Italici 05.10.2007



1)In Sicilia non modo conductores sed etiam tabernarii ut suo munere tute fungi possint pecuniam maximam factiosis hominibus, qui “mafiosi” vulgo appellantur, repraesentant. At mense Septembri duo conductores Siculi crimen deferentes silentium, quo uti coacti erant, tandem ruperunt. Utinam isti duo viri animosi sint emolumento ceteris Siculis, quibus pecuniam extorquet mafia. (Iosephus Marcellinus)

In Sicily not the undertakers only but the tradesmen as well, to work in security pay the “pizzo” to those criminals that in Italian language we call “Mafiosi”. But in september, two Sicilians undertakers with their denunciation have broken the silence they had observed so far. We hope these two brave men may be the example for those controlled by the mafia.

2)Religio populorum opium non semper est. In Birmania monachi Buddhistae per primarias urbes quiete, canentes et precantes, clamitare coeperunt contra militum dominatum, qui populum vitam pauperrimam degentem iam dimidium saeculum opprimunt. Multa milia civium illos secuta sunt. Militum regimen inhumane repugnavit, milites enim in monasteria irruperunt, permultos et inermes monachos in custodiam coniecerunt, igneis glandibus multitudines petiverubnt. (C. Consoli)

3)“Venit optimo statu locus ubi missilia iacienda olim condebantur quindecies centennis milibus Americanorum nummum”; qui nuntius apparuit in situ interretiali “e-bay” nomine. “Adhuc eo loco usi sumus campo ad nostrorum liberorum et eorum amicorum ferias, nunc velimus novi domini eo ad aliquod bonum utantur. Locus enim fieri potest deversorium vel hortus ad oblectamenta” dicit eius loci dominus in deserto Moysis Lacu nomine apud Vasintoniam siti. (A. Jacono)

Excellent conditions, for sale ex missiles base at 1,5 millions dollars” this advertisement was shown on e-bay. “So far the base has been used as a campus for our kids and their friends, now we wish someone can do something good with it. It might become an hotel or a park” says the owner o the base in Moses Lake desert near Washington

4) Puer americanus duodecim annorum qui flavos capillos et perspicilla gerit, Graeme Frost nomine, emissionibus radiophonicis praesidentem Bush accusat et ei metum inicit.Nam praesidens in animo habet prohibere quominus nummi rursus suppeditentur rationi qua pupilli, quorum parentes parvos habent questus, cautione valetudine tutanda fruantur. (Franciscus Carciotto)

An American boy, 12 years old, fair hair and glasses, from the radio broadcast in America accuses the government for its sanitary policy and puts in trouble President Bush. In fact the President would stop the financing of the public insurance program for minors with a low income.

5) Fieri potest ut apulum coenobium divae Clarae dicatum propter furiosam rixam inter tres monachas claudatur.Litis causas nescimus.Duae ex iis in alia coenobia migrare iussae sunt, una autem ,oboedientiae votum neglegens, coenobio excedere non vult.Seditio quae anno 1968 facta est, post fere 40 annos in coenobia quoque pervenit, pacem et tranquillitatem claustralem funditus tollens. (Aelius De Santis)

S.Chiara, a monastery in Puglia is risking to be closed due to a terrible quarrel among the nuns. We do not know the reasons. Two have been moved to different places while one of then doesn’t want to go not respecting the obedience vow pronounced in her youth. Even if 40 years later, the “68” has arrived as a hurricane in the monastery turning into dreams the cloistral peace and serenity.



............................................................................................................................................





NUNTII LATINI ITALICI 28.09.2007

1) Civibus qui tributa ex censu solvere iniuste nolunt mala tempora currunt. Sed novum est quod inspectores ian non inopes tantum sed Trimalchiones maxime quaerunt. A mense huius anni Ianuario enim usque ad Augustum trecentos quadraginta quinque cives qui suum censum celaverant ab illis detecti sunt et a quingentis milibus vectigalis usque ad quinquies centena milia euronum pendere coacti sunt. Facere non possumus quin (hac re saltem liceat!) praesentis regiminis administratione laetemur: in spem enim ingredimur vectigalibus aequius solutis unumquemque nostrum minus gravari posse. (C. Consoli)

It’s a bad moment for all tax dodgers. What’s new is that inspectors are not only looking for the small ones but also for the scrooge Mc Ducks. This year between January and August the inspectors have found 345 dodgers who finally paid from 500.000 to 5 millions euros. We cannot be but happy for what the Government has done so far: now we hope that a more equal situation may have all of us pay a little bit less than what we pay nowdays.

2) Iam decimum diem, in multis Birmaniae urbibus, reclamatio habetur quae numquam antea facta est.Monachi Buddhae sectatores, imperia quae hanc civitatem regunt lacessentes, pompas ducunt.Reclamant quod cives iuribus civilibus carent et benzini ,oryzae et gasi pretium magis magisque in dies augetur.Die vicesimo altero mensis septembris monachi villam Aung San Suu Kyi ,quae est adversariae factinis moderatrix, adiverunt. Aung, quamvis domi custodia teneatur, ad monachos salutandos exivit. Carciotto

For fifteen days in many cities in Birmania there has been a protest never occurred before. The Buddhist monks demonstrate against the local Government. They protest against the luck of civil rights and the increase of the prices of rice, gas and oil. On Spt. 22nd the monks went to to Aung San Suu Kyi’s villa. She is the leader of the opposition. Even if she is in a condition of house arrest she came out to salute the monks.

3) Marat Safin, totius orbis terrarum tenilusorum princeps, sovietico gregi qui scandere Cho-oyu, omnium montium altitudine sextum in animo habet, pecuniam solvit.Plaudendum est principi qui in alia gymnica exercitatione contendit sed praecipue plaudendum est viro qui, sicut Dantis poetae Ulixes, vitae humanae angustos fines superare conatur. De santis

Mara Safin, champion and ex number one of the world tennis is a paying guest of the Soviet team that will try the conquest of the Cho-oyu, the sixth mountain in the world. A greeting to the champion who is going to experiment another sport but more to the man that like Ulysses of Dante tries to exceed the limits of human life.

4)In Anglia Carolus reginae filius inauguravit hortum Alnwick nomine in quo cannabis Indica et coca colere licet. Is hortus situs est in regione Northumberland nomine ubi etiam quaedam genera cannabis et cocae maxime venenata scientiae causa coluntur. Quam ob rem hortus ille statim cognominatus est “venenorum”. (Alexandra Jacono)

In England, prince Charles has inaugurated the Alwick garden, the only one in which is legal to cultivate marijuana and cocaine plants. The garden is in Northumberlandshire where many varieties of highly toxic cannabis and cocaine are grown for scientific purposes. For this reason the name given is “Garden of poisons”



...............................................................................................................................................




Nuntii Latini Italici 21.09.2007

1)In ipso Catinae sinu plateam a Dante nuncupatam, ubi Academia Catinensis sedem habet suam, nonnulli homines nequam infestant. Isti enim scelesti, qui quidem viarum possessores illicite facti sunt, solum publicum elocant iis qui autoraedas componere volunt. In ipsa vero platea sita est sedes custodum publicorum, qui non modo conivent sed etiam istos scelestos homines quadam cum reverentia salutant. Nam hic in Sicilia tali modo in mafiam pugnatur. (Iosephus Marcellinus)

Nel centro storico di Catania parecchi delinquenti infestano piazza Dante, dove è ubicata la sede dell’Università. Infatti, questi delinquenti, che si sono impadroniti delle strade in maniera del tutto illecita, affittano il suolo pubblico a coloro che devono parcheggiare la propria automobile. Nella medesima piazza si trova la questura dei Carabinieri, i quali non solo fanno finta di non vedere ma anche salutano questi malviventi con un po’di riverenza. Infatti in Sicilia in questo modo si combatte la mafia.

In Catania historical centre many criminals ravage Piazza Dante where the University is located. In fact these criminals, who are illegally controlling the roads, rent the public soil to those who have to park their own cars. In the same square the carabinieri station is located and they not only pretend not to see but more, they even say hallo to these criminals with a sort of reverence. This is in fact the way in Sicily they fight mafia

2) Robertus Calderoli, delegatus populi illarum partium quae Societas Septentrionalis nominantur se obtulit ut, quod iam Laude fecerat, cum sue ambularet in eo loco ubi Mahometani Bononienses petiverunt ut aedem sacram aedificare sibi liceret; tali modi id facere iam non poterunt cum iam locum suis transitu vitiatum esse putent. Calderoli proposuit praeterea suum diem instituendum quo sues pulcherrimi ad hunc usum eligantur; censet enim Mahometanorum aedes terroristarum scholas et latebras saepe fieri. Quid tali homine nostrae reipublicae opus est? (Carmelus Consoli)

Il deputato della Lega Nord Robrto Calderoli si è offerto di passeggiare con il suo maiale, come ha già fatto a Lodi, nel luogo in cui gli islamici di Bologna hanno chiesto di poter costruire la loro moschea; in tal modo non potranno più farlo ritenendo il luogo infetto per il passaggio del maiale. Calderoli ha inoltre proposto l’istituzione di un maiale-day in cui si scelgano le più belle beste da adibire a tale uso; ritiene infatti che le moschee islamiche diventino spesso scuole e covi di terroristi. Che bisogno ha il nostro paese di un tale personaggio?

The deputy of the Lega Nord Roberto Calderoli has offered to walk with his pig, as he already did in Lodi, in the place where the Islamic of Bologna have asked to build a mosque; in such a way it will not be possible to build it any more being the place infected by the passage of the pig. Calderoli has also proposed the institution of a “pig-day” where the best animals are chosen to this purpose; he is convinced that mosques become often schools for terrorists. What need has our country of such a person?

3) Italorum numerus qui birota vehuntur magis magisque in dies augetur.Praeteritis diebus in vico quodam prope Venetias primus birotae dies festus habitus est.Hoc vehiculum locorum naturae damnum non affert, sinit ut ventus percipiatur et loca amoena prospiciantur, ad meditandum invitat et animi iucunditatem excitat.(Franciscus Carciotto)

Aumenta di giorno in giorno il numero degli Italiani che usano la bicicletta.In una località vicino Venezia , nei giorni scorsi, si è tenuto il primo festival della bicicletta.E’ un mezzo di trasporto che rispetta l’ambiente, ti fa vedere il paesaggio, ti fa sentire il vento, ti fa pensare e ti mette allegria.

The number of Italian people riding a bicycle increases more and more. In a place near Venice, some days ago the first bicycle festival was held. It is a mean of conveyance that respects the environment, allows you to enjoy the landscape, lets you feel the wind, think and gives you joy.

4) In Russia hoc anno quoque Serghej Morozov, rector regionis “Ulianovsk” nomine, proposuit diem ad concipiendum. Quisquis enim hodie concipere filium conabitur et eum nasci videbit die duodecimo mensis Iunii, die patrio Russiae, autocineto vel frigidario vel televisorio donabitur. Magistratus novum diem festum appellarunt “Diem familiae cohaerentis” ad incrementum stirpis habendum. ( Alexandra Iacono )

In Russia anche quest’anno Segej Morozev, governatore della regione di Ulianovsk, ha proposto una giornata dedicata al concepimento. Chi infatti tenterà in quel giorno di concepire un figlio e lo vedrà nascere il 12 giugno prossimo, giorno della festa nazionale russa, sarà premiato con un’auto, un frigorifero o un televisore. Le autorità hanno chiamato la nuova festività “Giornata dell’unità familiare”, rivolta a combattere il calo demografico russo.

In Russia also this year Segej Morozev governor of Ulianovsk region has proposed a day dedicated to the conception. Those who will conceive that day a baby and will have his birth on next June 12th the Russian national Day will receive a car, a refrigerator or a television. Authorities have called the new feast the “Unity familiar day” to fight the demographic diminution

5) In Anglia de miris sepulchralibus inscriptionibus certamen habitum est.Ex lepidis inscriptionibus duae praesertim memorandae :’me aegrotum esse vobis dixeram’ et ‘tandem meae uxori laetitiam attuli’. Catinae, cum ad superiorem classem pedilusorum grex promotus est, ante coemeterium magna taenia exposita est in qua scriptum erat: ‘heu miseros! Quid amiseritis nescitis’. (Aelius De Santis)

In Inghilterra si è svolto un concorso sugli epitaffi più bizzarri.Tra i più esilaranti sono da citare:’ve lo avevo detto che ero malato’ e ‘finalmente ho fatto felice mia moglie’.A Catania quando la squadra di calcio venne promossa in serie A dinanzi al cimitero venne esposto un grande striscione con sopra scritto:’cazzo, ragazzi, che cosa vi siete perso!’

In England they had a competition on the strangest epitaphs. Among the fanniest there are the followings: “I told you I was ill” and “I finally made my wife happy”. In Catania when the soccer team passed in the major series (A) in front of the cemetery they showed a big writing: “ Cazzo” Sheet guys what have you missed! ..............................................................................................................................................





Nuntii Latini Italici 14.09.2007

Etsi Italorum leges vetant medicamenta stupefactiva venum ire, tamen permulti sunt qui magnum faciant lucrum ex talium mercium nundinis. In Catinae suburbio, quod "Librino" nuncupatur, ab hora tertia postmeridiana ad multam noctem sub divo haec sordida mercatura non longe a custodum publicorum sede quotidie fit! Quid nobis opus est legibus, si ipsi custodes publici conivent? At haec mala graviora sunt quam ut a diurnariis tractentur... Hisce de causis perturbamur Siciliamne relinquere an in malis conivere praestet. At procul dubio millies praestat talia facinora aperire incipere quam pessimum exemplum ab custodibus publicis capere! ( Iosephus Marcellinus )

Although the Italian laws forbid the selling of drugs, nevertheless there are a lot of people who gain big profits from the sale of such products. Every day, in Librino, a suburban area of Catania, drugs are sold in the open-air and close to a police station from 3 p.m. till late at night. What use are the laws for us if then the same police force turn a blind eye? But these problems are too important to be dealt with by the journalists …… For these reasons we are doubtful if it is better to abandon Sicily or turn a blind eye towards these problems!! But, undoubtedly, it is a hundred times better to start talking about these problems rather than follow the example of the police!

Die octavo mensis septembris, in multis Italiae plateis, Iosepho Grillo auctore, qui comoediarum clarus actor est, dies festus 'in malam crucem abite' nomine celebratus est.Tali modo Itali de lege a civibus ferenda certiores facti sunt qua nomen profiteri non possint qui damnati sint, populares legati non plus quam bis eligantur et cives, non partium moderatores, candidatum eligant cui suffragium ferant. ( Franciscus Carciotto )

“Fuck Off Day” was celebrated on the 8th of September in many Italian squares, initiated by the comedian Beppe Grillo. In this way, the Italians were informed of a popular initiative law by which those people who have been condemned will not be able to present their candidature, MPs will not be able to be re-elected more than twice, and the electors, and not the secretaries of the parties, will be able to choose the candidate they want to vote for.

Novae causae ut ab Europa advenae prohibeantur in dies inveniuntur. Gordon Brown, primus Angliae administer nuntiaturus est aditum in Angliam mox interdici immigrantibus Anglice non bene loquentibus. Ex hac lege ad quinque et triginta milia callidorum opificum, qui sibi licere in Anglia operam dare postulaverunt, id non consequentur. (C. Consoli)

More and more excuses are found to forbid the entrance of immigrants in Europe. The English Prime Minister, Gordon Brown, is about to announce that entrance in England will be forbidden to immigrants who cannot speak English. Following such a measure 35,000 qualified workers who have applied to work in England will not be able to do so.

Superman, Kennedy, Mao, Lenin, Hitler vel Hiroshima: his nominibus iam appellari non poterunt infantes in Venetiola nati. Chavez enim Praeses tulit legem quae vetat nomina ridicula, absurda vel difficiliora dictu in tabulis censoriis praescribi. Multi parentes autem sollicitantur et per ludibrium promittunt suis liberis omnibus nomen Praesidis futurum si vim lex habeat. (Alexandra Jacono)

Superman, Kennedy, Mao, Lenin, Hitler or Hiroshima: the newly born of Venezuela will not be able to have such names. In fact, President Chavez has proposed to issue a law that forbids the registration of such ridiculous, extravagant or difficult names to pronounce. But a lot of parents are worried and declare provocatively: “If the law will be approved our children will be named like the President”.

Pavarotti, praeclarus cantor, non solum violacei coloris, sicut cantorum complures, odium habuit sed ne hoc verbum quidem pronuntiare voluit.Josephi Verdi drama musicum, 'fati vis' nomine numquam cecinit quod male audiebat ob multos mortuos.Quotiens in scaenam prodierat, clavum incurvum in sinu gessit. Ad extremum hoc unum exstat commemorandum quod in suis symphoniis album sudarium manu semper gessit. ( Aelius De santis )

The tenor Pavarotti was very superstitious. Not only did he hate the colour violet like many artists, but he didn’t even want that word to be pronounced. He never wanted to interpret Verdi’s Opera “La Forza del Destino” that has a bad fame because of the many deaths in the manuscript. Every time he was about to go on stage, he made sure of having a curved nail in his pocket. Final note: in his concerts he always had a white handkerchief in his hand.



.............................................................................................................................................................................................
Nuntii Latini Italici
die 15 mensis Iunii anno 2007.



Abhinc 40 annos, dominus Laurentius Milani, sacerdos et educator, mortuus est. In vico ‘Barbiana’ nomine ludum aperuit qui cito praeclarus factus est. Illic agricolarum et opificum filios qui a publicis magistris improbati erant, gratuito docebat. Michael Gesualdi, collegii praefectus, qui apud eum didicit, una cum aliis discipulis queritur quod eius opus ‘Esperienze pastorali’ nomine adhuc ab Ecclesia catholica damnatur et a Benedicto XVI petit ut dominus Milani in integrum restituatur. ( F. Carciotto )

Ensis falcatus, quem Napoleon Bonaparte anno millesimo octingentesimo in pugna apud Marengo pagum gessit, sub hasta veniit quadragies et octingentis centenis milibus (4.800.000)euronum. Nihil quod Francogallorum imperator habuit umquam tam magno pretio venierat. Ensem prognatus quidam Hieronymo, Napoleonis fratre, emit. ( C. Consoli )

Pessima exempla civibus publici delegati aliquando praebent. Gustavus Selva senator, cum viae romanae ob Georgii Bush praesidis adventum interclusae autocinetis essent, ut spectaculo televisifico interesset offensam corporis se sentire simulavit et ad medicum suum prope stationem televisificam vehiculo sauciorum, omnibus autocinetis intercessis, advectus est. Selva senator denique a cunctis vehementer reprehensus, munus suum deposuit. ( C. Consoli )

Tribunalis Malaesiani iudex statuit ut quattuor milibus nummorum Europaeorum resarciretur damnum quod brahamanus quidam passus est. Huic enim viro vegetario, dum aeroplano vehitur, propter aeriae ministratricis neglegentiam allata est cenula ex carne gallinacea facta. Quem propter errorem ille brahamanus animi imminutione est affectus. ( I. Marcellinus )

Genuae incallidi fures ab cuiusdam argentariae ministris decepti sunt. Nam non pecuniam sed peniculum dentarium ac dentifricium furati sunt. His enim iuvenibus furacibus , qui pecuniam tradi iusserant, argentariae ministri thecam dederunt non pecuniam sed instrumenta ad dentes tergendos continentem. Furaces fortuna non iuvat. ( I. Marcellinus )

.............................
Nuntii Latini Italici
die 8 mensis Iunii anno 2007.

.................
Nuntii Latini Italici
die 1 mensis Iunii anno 2007.

Magis magisque in dies Itali ab arte rei publicae administrandae alienantur et culpam in homines in re publica exercitatos conferunt. Primum enim ii magnum lucrum faciunt et privilegia habent. Deinde non semper bene se gerunt. Denique (ut angustiae in quibus urbs Neapolis versatur ostendunt) saepe minime apti sunt ad difficultates solvendas. ( F. Carciotto )

Spectate, parentes, vestrorum puerulorum digitos, si quibus disciplinis in ludo excellere possint scire cupitis. Bath universitatis indagatores, ut Diurna Britannica Psycologiae nuntiaverunt, digitum indicem longiorem in puerulis invenerunt propensionem ad linguas discendas patefacere, digitum anularem autem ad mathematicam. ( C. Consoli )

Moscuae manus, in qua nonnulli populi Italici delegati, civium reclamitantium ut potestates homosexualium ferias fieri permitterent, vehementes plagas et ovorum iactus perpessa est a turba fautorum nimis suae gentis et Orthodoxae Ecclesiae. Quod factum est orthodoxo quodam episcopo eos benedicente et publicis custodibus ridentibus. ( C. Consoli )

In Sinis Siamkiamense collegium, quod statuit qui nuntii quaeque imagines programmatis radiophonicis et televisificis sint edenda, non prohibebit quominus Biblia divulgentur. Circa enim 2000 libellorum subscripta sunt a privatis civibus, quibus Biblia textus obscaenus esse videntur. Quod quidem asseverant, cum Bibliorum argumenta ad sexum, violentiam, stuprum atque incestum pertineant. Censorum vero collegium illis civibus pudibundis respondit "Biblia esse textum sacrum atque humani cultus fundamentum". ( I. Marcellinus )

Amici Italici, qui nos audire consuevistis, spectate Mercurii die sexto mensis Iunii spectaculum primi retis televisifici "Unomattina" nominatum. Josephus Marcellinus enim noster de Nuntiis Latinis et Circulo Latino Catinensi toti Italiae loquetur. ( C. Consoli )

....................................
Nuntii Latini Italici
die 25 mensis Mai anno 2007.
Caeli mutatio et venena quibus agricolae utuntur ad insecta noxia necanda apes totius orbis terrarum vastant. Investigatio quam consociatio Legambiente nomine fecit apes triginta fere centesimis decrescere in Europa et in Unitis Americae Civitatibus ostendit. Quam ob rem periculum est ne fructus et olera magis magisque in dies minuantur cum in agris multa sata apibus inseminentur.

Nicolaus Sarkozy, Francogallorum praeses nuperrime creatus, quasdam leges laturus est quibus magis composita Francogallica institutio efficiatur. Ludorum enim omnium generum graduumque discipuli carmen Francogallorum patrium quod "Massiliense" nominatur canere poterunt, non "Tu" sed "Vos" in alloquendis magistris, quod item magistri in discipulos quoque facient, semper dicere debebunt! ( C. Consoli )

Brundisii, nuntiata a valetudinarii medicis morte matris, filii statim pompam funebrem parandam curaverunt. Insequenti die vero ipsi non modo parentis cadaver in cella mortuaria non invenerunt, sed etiam matrem esse vivam compererunt. Nunc vero pecuniam repetunt ab valetudinarii moderatoribus, quod mercedem libitinario solvere debuerunt nullo funere facto. ( I. Marcellinus )

Benedictus XVI pontifex dixit non tacenda esse dolores et iniurias quae, in evangelizanda America Latina, indigenae ab Europaeis colonis passi sunt. ( C. Consoli )

................................
Nuntii Latini Italici
die 18 mensis Mai anno 2007

Nonnulli viri docti hispanica lingua loquentes eos qui animalium iuribus favent ira incenderunt cum ab internationali instituto ONU nomine petivissent ut tauromachia comune omnium hominum bonum ediceretur. Inter auctores sunt Marius Vargas Llosa et Carolus Fuentes qui tauromachiam ritum esse praeclarum censent. Luis Sepulveda vero adfirmat tauromachiam, in hodierna hominum societate ad humanitatem informata, nullam habere excusationem. ( Carciottto )

In Columbia in urbe Bogota circiter 50.000 (quinquaginta milia ) discipulorum discipularumque manibus implexis suam indignationem contra violentiam atque arma ostenderunt. Quae quidem iuvenum series longa erat ad 25 chilometra. Tali enim mirabili modo contra innumera facinora, quae cottidie illic fiunt, iuvenes aperte reclamitaverunt. ( Marcellinus )

Sunt qui dicant homines pingues feliciores esse quam ceteros homines. Talia scripta enim in actis diurnis Theotiscis "Bild" quae inscribuntur hac hebdomade nobis licuit legere. Nam indagatione facta satis constat homines pingues animi defectione rarius affici solere quam homines tenues. Quod vero accidit quia corpore hominum pinguium producitur hormon "seretonina" vocatus, qui laetos facit pingues! ( Marcellinus )

Patavi scortorum in viis reclamitantium agmen factum est; eorum enim lucrum dimidia ex parte minutum est ex quo syndacus decreto imperavit ut ii qui cum iis convenire solent pecunia multarentur cum in autocinetis ad operae pretium paciscendum morantur. Complures urbis viae, syndaci quidem et multorum civium sententia, turpi ac inverecundo scortorum et transexualium spectaculo deformantur. ( Consoli )

In Irania birota mulieribus accomodata brevi conficietur, cella quadam ad corpus muliebre fere totum contegendum instructa. Mulieres primae birotis uti ausae, 15 circiter annos abhinc, aggressionibus ac contumeliis affectae sunt; in hortis tantum ubi ad hoc curricula sint nunc birotis vehi mulieribus licet. ( Consoli )


............
Nuntii Latini Italici
die 11 mensis Maii anno 2007.
Comitiis in Francogallia habitis, Iacobo Chirac rei publicae praesidi nunc demum Nicolaus Sarkozy successit. Ei tres et quinquaginta Francogallorum civium centesimae partes suffragatae sunt, rerum conservandarum ordinisque publici studiosae, quae partes "néogaulliste" nominantur. ( Consoli )

Italici moderatores quam primum, ut promiserant, legem rogabunt qua concursus privatorum commodorum et communis omnium utilitatis temperetur. In Italia enim, aliter ac in aliis Europae civitatibus, homines in republica exercitati conductores quoque esse possunt. Silvius Berlusconi qui sic habet, timet ne hac lege detrimentum accipiat. Romanus Prodi autem, summi rei publicae consilii princeps, adfirmavit italicos moderatores quemquam punire nolle sed ad exemplum Europae civitatum se accommodare velle. ( Carciotto )

Primum gladiatorum coemeterium Ephesi in Turcia est inventum ab investigatoribus Academiae Vindobonensis. Mox licebit plura scire de certaminibus gladiatoriis deque eorum vulneribus letalibus. Hoc coemeterio 67 corpora continentur. ( Marcellinus )

Georgius W. Bush, foederatarum Americae civitatum praeses, cum Elisabeth altera Angliae regina Vasingtoniam visendi causa nuperrime venisset, eam anno 1772 iam Americam lustravisse dixit. Angli reginam aetate tam provectam sibi esse numquam putaverant. ( Consoli )

Bruxellis magnae tabulae affixae sunt, quibus Tania Derveaux nudata fotographice redditur. Quae quidem mulier asseverat se auxilio venturam esse quater centenis milibus (400000) hominum opus quaerentium, qui Belgicam incolunt.. Haec vero mulier non artis pornograficae artifex scaenica est, sed civis deputata quae Senatum Bruxellensem petit. ( Marcellinus )

-..................................................
Nuntii Latini Italici
die 4 mensis Maii anno 2007

Panormi, abhinc viginti quinque annos, Pius La Torre, Siciliae communistarum sectae administer, qui audacter nocentium factioni quae ‘mafia’ vocatur adversabatur, una cum suo autoraedario, a perditis hominibus occisus est. Inter conventum ad hunc virum celebrandum Panormi habitum, rei publicae princeps adfirmavit scelestos homines vinci posse, dummodo cives doctrina praediti et bono animo essent. Investigatio vero in quodam lyceo panormitano facta ostendit fere omnes discipulos censere scelestam factionem ‘cosa nostra’ nomine republica esse validiorem. ( Carciotto )

Pro Terra nobis planeta subsidiarius fortasse praebetur. Siderum spectatores in Libra planetam invenerunt Terrae similem spatio itineris quod lux intra triennium facit distantem. Qui planeta, quinquiplo maior quam Terra, suam orbitam conficit circum solem quendam multo minus ardentem quam hunc nostrum, quare planetae calor intra nullum et quadragesimum gradum continetur. Indagatores itaque aera et aquam fluentem illic inveniri posse censent. ( Consoli )

Disputatio de eorum qui una vivunt iuribus animos moresque profecto haud probandos praebuit. Ad archiepiscopum Bagnasco, Concilii episcoporum Italicorum praesidem, qui iuribus quae supra diximus strenue obstat, tubulum displodentem in involucro perlatum est. Omnes tota Italia indignationem suam de hoc facinore et praesuli consentionem una voce dixerunt. ( Consoli )

Romae viatrix Mediolanensis quadraginta annos nata se nudavit vestemque in fontem " Trevi " nuncupatum iecit. Cum in fontem intrasset natare coepit omnibus praesentibus mirantibus, quorum alteri plaudebant alteri vero sibilabant illo spectaculo minime contenti. Custodibus publicis interrogantibus cur hoc fecisset mulier respondit "aquam esse rem omnium". Nunc vero periculum est ne de obscaenis publice factis damnetur. ( Marcellinus )

In California vir et mulier eius in deversorio iucundam noctem agere cupientes coeperunt concertare nudi armatique. Mulier vero e cubiculo suo egressa per hortum deversorii discurrit arma ferens. Custodes publici ab deversorii moderatore arcessiti amantes iusserunt arma deponere. Neque amantes paruerunt iussui custodum publicorum neque custodes publici eos domare potuerunt. Necesse fuit, pro dolor!, ambos amantes sclopetis interficere. ( Marcellinus )


.............................................................................................................................
Nuntii Latini Italici
die 27 mensis Aprilis anno 2007.

Septuagesimo sexto aetatis suae anno supremum diem obiit Boris Eltsin qui,solutis civitatibus foederatis sovieticis, primos infirmos gradus Russiae democraticae duxit. Militibus res novare conantibus prospere obstitit at plerique eum incusant quod quaestuosas societates publicas minimo pretio vendiderit ut, fere omnibus Russicis egestate laborantibus, perpauci ditissimi facti sint. ( Consoli )

Lusionis pilearis societas Inter nominata, cum quinque contentiones nondum sustinuit, decimam quintam in pilae certamine palmam tandem consecuta est. Maximo gaudio affecti iure exultaverunt fautores; agnoscendum equidem est Inter societati ausilio fuisse quod nonnullae clarae societates ex arbitrorum corruptis moribus praeterito certamine exeunte detectis multatae sunt. Attamen macte virtute,Inter! ( Consoli )

Ecclesia catholica tabulas in vulgus edidit quibus limbum, incertum locum quo animi infantium et hominum sine baptismate mortuorum ire dicebantur, non esse affirmavit. Divus Augustinus vero, divus Thomas et Dantes Alagherius hunc locum semper fuisse confirmaverunt. Sed nunc nobis quaerere liceat quo eant omnes qui baptisma non acceperint. ( Carciotto )

Navis Batava " mulieres in undis " quae vocatur abhinc aliquot annos idcirco est exstructa ut occasio abortum faciendi daretur mulieribus incolentibus regiones ubi lex prohibet abortum facere. Hanc navem vero abhinc tres annos obsederunt! Hodie tandem navi abortis faciendis denuo per leges licet navigare ad maiorem libertatem toto orbe divulgandam. ( Marcellinus )

........................................................................................................................................Nuntii Latini Italici
die 20 mensis Aprilis anno 2007.

V.Putin praesidis regimen speciem suam fere tyrannicam rursus detexit. Mosquae enim civium libertatem maiorem petentium quietus conventus a custodibus publicis oppugnatus est et ducenti fere participes comprehensi, in quibus ille Kasparov qui primas partes in latrunculorum ludo quondam tulit. Idem postridie in urbe Sancti Petri accidit. Plerique Russi tamen Putin praesidi favere videntur. ( Consoli )

Pugna inter custodes publicos et e Sinis advenas Mediolani facta est in urbis regione circa viam Pauli Sarpi nomine inscriptam ubi plurimi Sinenses incolunt mercaturam plerumque exercentes. Quindecim custodes male mulcati sunt. Tumultum excitavit mercatrix Sinensis quaedam a custode multata. Duces Sinensium qui Mediolani habitant, cum pugnam deprecati essent tamen potestates urbis inique cum Sinensibus uti questi sunt. At illae suis decretis omnibus civibus aeque obtemperandum esse edixerunt. ( Consoli )

In urbe Neapoli, abhinc aliquot dies, iudex quidam multam quinque iuvenibus, qui motoriam birotam sine casside duxerant, sustulit. Affirmaverant enim se casside uti non posse cum animi defectione afficerentur. Urbis custodes nunc timent ne omnes eadem ratione se gerant. ( Carciotto)

In Italia quotannis multi opifices moriuntur, dum in officinis structoriis opus faciunt, quoniam non convenienter proteguntur. Georgius Napolitanus, rei publicae princeps, admonuit publicum consilium ut quam primum legem iuberet qua denique opifices in tuto a periculis essent. ( Carciotto)

Joshua Bell fidicen nobilissimus Vasingtoniae in ferriviae subterraneae statione psallit. Quamvis hominum frequentia maxima esset, paene omnes viatores eum non agnoverunt et undis cogitationum involuti transierunt. Joshua Bell per dodrantem psallens a viatoribus 30 nummis Americanis est donatus. Una mulier tantum eum agnovit! Homines quo plura habent officia, eo plura oblectamenta neglegunt. ( Marcellinus )

...........................................................................
Nuntii Latini Italici
die 13 mensis Aprilis anno 2007
De bello quod Iraniani committere missilibus possunt verba proferri in dies pro dolor saepius audimus. Nunc demum Jaap de Hoop Scheffer, societatis militaris quam Nato appellant praefectus, nuntiavit Italiam, Graeciam Turciamque a missilibus Iranianis defendi non posse societatis missilibus. Quae civitates igitur oportere contendit ipsae per se ad defensionem suam consulant. (Consoli)

Tota Italia canes plures in dies subripiuntur. Quorum ingentia corpora sunt, suspicio oritur eos subripi ut alios ferociorum generum canes exerceant ad pugnas quae sponsionum causa clam fiunt. Possessores igitur maxima diligentia suos quadrupedes amicos custodiant ne crudelissimae mortis periculum obeant. ( Consoli)

Parvulus psittacus Iaponicus e cavea sua evolavit et paucis post diebus in eandem caveam rediit. Nam volucris loquens, quae iam diu passim volitaverat, pediti cuidam suam inscriptionem cursualem rettulit auxilium petens. Pedes statim psittacum domum portavit. Hoc factum est in oppido quodam insulae "Shikoku" nomine. (Marcellinus)

In vico ‘Besana Brianza’ nomine, prope Mediolanum, die quaque dominica, decem homines, quamvis structores non sint, domos aedificant quas a mense decembri habitabunt. Huius rei faciendae auctor fuit ad tenuioris condicionis cives adiuvandos, sodalium coetus ‘Arcoiris’ nomine una cum istituto quod domibus populo aedificandis operam dat. Cives qui die domenica laborant domos rediment 350 eurones in singulos menses solvendo. ( Carciotto)
.......................................................
Nuntii Latini Italici
die 30 mensis Martii anno 2007
Daniel Mastrogiacomo, diurnarius Italicus quem in Afganistania bellatores ‘talibani’ nomine corripuerant, post quindecim dies consociationis ‘Emergency’ nomine auxilio dimissus est. In insidias autoraedarius quoque et interpres inciderunt, quorum alter occisus, alter correptus est. Ut diurnarius dimitteretur, civitatis Afganae moderatores quinque captivos vinculis liberaverunt. Hoc foederatae Americae civitates et aliae Europae civitates aegre tulerunt cum timerent ne ‘talibani’’ alios posthac corriperent. ( Carciotto)

Machinarius quidam, senex octoginta quinque annorum qui die vicesimo tertio mensis Martii, feriis peractis, domum redibat, in tramine ex improviso mortuus est. Cum tramen Augustam Taurinorum pervenisset, rursus profectum est et Savonem, unde abierat, rediit. Nec viatores nec traminis ministri rem animadverterant. ( Carciotto)

Abellini bini nummi Europaei sunt solvendi cuiusdam technicarum artium scholae discipulis, ut loca secreta possint petere. Eugenius Fortini enim scholae praeses statuit ut pecunia dicipulorum ad requisita naturae proficiscentium loca secreta reficerentur. Discipuli autem indignatione moti reclamitant ova proicientes! (Marcellinus)

Vasingtoniae Arthur Pierce, vir unum et triginta annos natus, inter cladem viariam necavit Chelsi Gregory, iuvenem 17 annos natum. Iudex statuit ut in homicidae aedibus poneretur magna imago picta iuvenis interfecti. Sub hac imagine hanc sententiam scribendam esse statuit iudex: " Doleo quod te necavi". Iudicis sententia vero nobis admirationem movet. ( Marcellinus)

.................................................................................
................................................................................

Nuntii Latini Italici die 23 mensis Martii anno 2007.

Nescimus utrum aliorum hominum subtilis calliditas an stulta simplicitas aliorum nobis magis admiranda sit. Sinensis quidam in sede interretiali solum lunae uno et triginta euronibus pro quaternis iugeris vendidit; triginta verum homines a toto orbe, incredibile auditu, fortasse turbidas terrestres sordes aufugituri emerunt. Sinensis in ius tractus est. (Consoli)

De iuribus eorum qui una vivunt disputatio acrior in dies fit. Mathematica opinionum investigatio nuper patefecit dimidiam Italicorum partem iis favere, quadraginta centesimas partes autem obstare. Paucis mensibus post priorem investigationem faventium numerum decem centesimis partibus deminutum constat. Hoc, multorum sententia, effecerunt crebri Ecclesiae Catholicae potestatum monitus in dies firmiores ad familiae institutum tuendum. Plerique Italici tamen arbitrantur populares delegati ex animi sententia legem faciant oportere. (Consoli)

Carale (= Cagliari) in insula Sardinia Denise puella quartum annum agens 60 chilogrammata pondo pendit. Eius enim pondus in dies singulos maxime augetur, quamquam parvula puella tenui victu utatur. Medici vero nesciunt quo morbo Denise afficiatur. (Marcellinus)

In Brasilia aeroplanum quoddam pecuniam ferens de caelo in terram cecidit. Et aeroplani duces et ministri mortui sunt, sed tanta pecunia homines illic habitantes beatos fecit. 120 incolae enim brevi paene vicies centena milia nummorum Europeorum arripuerunt. Interdum pecunia de caelo cadit! (Marcellinus)

Gerardus Colombo unus ex iudicibus, qui abhinc aliquot annos quaestionem “manus mundae” nomine instituerant, inopinanter commeatum a causis petivit. Declaravit enim in italia iudices haud facile hominum corruptorum fraudes et privilegia tollere posse. Affirmavit quoqe se extrinsecus niti velle pro legis auctoritate restituenda. (Carciotto)



...........................................................................................................



Nuntii Latini Italici die 16 mensis Martii anno 2007.

In conventu Bruxellis habito de caeli temperatura in peius mutata Europae civitatum rectores statuerunt, ad rerum statum meliorem reddendum, emissiones gasorum, quae clausi vitrei effectum gignunt, viginti centesimis minuendas esse et vim depromptam a fontibus qui renovari possunt viginti centesimis quoque augendam esse. (Carciotto)

Publicorum studiorum administratio Italicorum magistrorum maiorem partem quinquaginta annos transgressos esse patefecit. Hoc munere multae mulieres sed pauci viri ac iuvenes funguntur. Aliae Europae civitates contra magno numero iuvenum confidere possunt. (Carciotto)

Agricola Catinensis, ne cuiusdam pastoris pecus in suo agro pasceret, veneno interfecit centum pecudes. Post enim sescenta iurgia iste agricola sui agri herbam venenavit illas oves pascuales necandi causa. Permoleste ferimus animalia interfici propter hominum stultitiam. (Marcellinus)

Virgo Indica amasi sui decessu angens, priusquam corpus ureretur, voluit matrimonium facere. Corpus mortuum enim prope ignem in subsellio sedens positum est et nuptiis celebratis crematum est. Adeo virum suum adamabat haec virgo, ut illas singulares nuptias inire voluerit. (Marcellinus)






............................................................................................................




Nuntii Latini Italici die 9 mensis Martii anno 2007

Simon Cristicchi cantor in cantorum certamine quod in Sancti Remi oppido quotannis efficitur palmam adeptus est cum cantiunculam de quodam mente capto, quae “Tibi rosam donabo” inscribitur, cecinisset. Cuius carminis de excellentia iudicare nostrum non est, quod tamen hominis insani sensus omnium mentibus propositi sint valde laetamur. (Consoli)

Non a discipulo sed ab ipsis eius parentibus praeses quidam scholae Barii tam male mulcatus est ut in valetudinarium medicandus abductus sit. Cum Fioroni, a publica institutione administro, profitente nobis civilis convictus maximum defectum adesse omnino consentiendum est. (Consoli)

In Batavia in oppido Heteren aperta est nova palaestra, in qua viri et mulieres nudati corpus suum exercere poterunt. At dominus huius palaestrae prohibet quominus participes, qui iam sunt sexaginta, impudice illic se gerant. Nam statim expellentur qui amori potius quam palaestrae operam dederint. (Marcellinus)

Conradus Augias, diurnarius Italicus et Maurus Pesce, libris divinis doctus, librum qui inscribitur “De Iesu investigatione” conscripserunt. Scriptores ad historiae fidem Iesum effingere conati sunt, ea quae ad fidem et theologiam pertinent omittentes. In acroasi abhinc aliquot dies in Vaticano habita, dominus Romanus Penna, Christianae doctrinae scriptor dixit Iesum omnino inttelegi non posse, nisi fides adhiberetur. (Carciotto)


.................................................................................



Nuntii Latini Italici die 2 mensis Martii anno 2007.

Quibusdam nuntiis a vicini Orientis regionibus vehementer perturbamur: Iraniani scientifici se primum missile in spatium caeleste prospere coniecisse nuntiaverunt, dum, clamitantibus et monentibus plerisque gentibus ac civitatibus, materiem ad globos atomicos efficiendos parare pergunt. Israeliani moderatores interea a Civitatum Americae Foederatarum regimine viam per aera Iraquiana petiverunt ut illas fabricas glandibus ignivomis de aeroplanis diruere possent. ( Consoli)

Die vicesimo primo mensis Februarii in Italica curia, rebus exteris praefecti relatio suffragiorum maiorem partem adepta non est, qua de causa Italicum regimen in discrimen adductum est. Romanus Prodi, administrorum praeses, munus deposuit et rei publicae moderatorem adiit, cuius est quid sit faciendum statuere. Die vicesimo quarto rei publicae moderator statuit administris omnibus in cospectum publici consilii veniendum esse, ut populares legati suffragiis ostenderent fidemne in iis haberent. (Carciotto)

George Gates discipulus Peruvianus, cum a matre punitus esset propter neglegentiam in studiis, sua proposita omnino mutavit. Paucis enim annis duodecim linguas didicit suo computatorio usus. Neque vero tot linguarum notitia ei satis est: nam in animo habet quinque et viginti linguas peregrinas callere! Interdum punitiones iuvant! (Marcellinus)

At aliquando punitiones turpissimae fiunt! Mediolani enim ludi magistra puero loquaci forfice linguam secuit! Puer perterritus mox in valetudinarium deductus est, ibique medici oras vulneris suturis commiserunt! Certe ista nequissima magistra consecuta est id quod sibi proposuerat: iam enim non loquitur miser puer os sauciatus. (Marcellinus)

.................................................................................................

Nuntii Latini Italici die 23 mensis Frebuarii anno 2007.

Discipuli lycaei in oppido quod Alghero nominatur anniversario die Jordani Bruno supplicii nuntium funebrem in diurnis edendum curaverunt. Philosophus ille enim abhinc septem et quadringentos annos in rogum impositus est Sacri Concilii iudicum contra haeresim iussu quia scientiae atque intellectus libertatem a religionis potestatum inquisitionibus profitebatur. (Consoli)

Benedictus decimus sextus pontifex potentium sodalitatum actiones vehementer denuntiavit, quae omnibus modis operam dant ut familiae institutum destruatur. Pontifex vero quod divortia, matrimonia civilia convictusque plura in dies fiant et nimis adulteriis indulgeatur valde questus est. (Consoli)


Qui voluerit artem bene sepeliendi perdiscere, in Angliam cursum teneat oportebit. Novum enim curriculum academicum libitinariis instituendis nuper est ortum in oppido Bath. Illi discipuli ratione et via docebuntur quomodo sit parandus et reponendus mortuus et quomodo sit instituenda pompa funebris. (Marcellinus)

At non semper fiunt pompae funebres! Augustae in Italia per tres annos cadaver in frigidario mansit. Caietanus Sivieri enim patris cadaver in suo frigidario reposuit ibique per tres annos celavit, ut beneficum patri tributum exigere posset. Nepoti perterrito avi cadaver invenire contigit.(Marcellinus)

Die tertio ante nonas Apriles Romae exhibitio incipiet in qua Cupidinis variae facies apud Graecos et Romanos ostendentur. Maximi momenti opera exponentur quae monstrent quantum apud deos et homines Cupido valuerit. (Carciotto)

...........................................................................................................


Nuntii Latini Italici die 16 mensis Februarii anno 2007.


Italici moderatores, multarum Europae civitatum exemplum sequentes, legem rogabunt ad iura tuenda eorum qui, quamvis matrimonio coniuncti non sint, tamen una habitant. Catholica Ecclesia huic legis scripto valde repugnat, quia timet ne familiae institutum detrimentum accipiat. (Carciotto)

Continuae naturae calamitates, terraemotus praesertim, mare Mediterraneum oppresserunt saeculo IV p.Ch.n. exeunte, urbes deleverunt quae postea numquam refectae sunt et imperi Romani finem maturaverunt. Hoc recentes effosiones ostendunt. (Carciotto)

Indagatores Americani et Theotisci se novissimum apparatum ex iis qui “scanner” nominantur paravisse nuntiaverunt, qui in hominis cerebro voluntatem simplices motus faciendi, exempli causa alterutrum brachium movendi inspicere posset. Amovebiturne igitur supremum nostrae libertatis et occultarum cogitationum praesidium? (Consoli)

Iulianus Amato, ab internis negotiis minister, decrevit ut pilae certamina in iis stadiis quibus securitatis condiciones desint sine spectatoribus efficerentur. Quam ob rem pedilusoriae societates et civitatum curatores stadia ad ministri decretum quam primum accomodare properant ne lucro vel spectaculis careant. Si Pisanu administer tam acer in iis rebus quas imperasset curandis quondam fuisset, factane essent scelesta illa apud stadium Catinense facinora? (Consoli)


In Nova Zelandia canem momordit fur! Custodum enim publicorum canis invenit furem in dumis absconditum! At, incredibile dictu, iste fur momordit canis collum! Miser canis autem furem mordacem remordit! (Marcellinus)


.........................................................................................................
Nuntii Latini Catinenses die 9 mensis Februarii anno 2007.

Post nefaria facta quae Catinae pilae certamen inter gregem Catinensem et Panormitanum secuta sunt omnium bonorum indagnationem, si fieri potest, maiorem movet in Placentiae, Labronis Bononiaeque muris sententias scriptas esse quibus Philippi Raciti, publicae securitatis inspectoris, indigna nex laudibus effertur. Consternatio et stupor excitantur quod ii qui civium securitatem suo periculo tuentur pro respectu et gratia merita odium tam scelestum quam insanum patiantur. (Consoli)

In diurnis Sun quae appellantur patefactum est Anglici regiminis consilium occultum ut ab infantibus appetitio ad fumicationem et medicamina stimulosa seri insitione averteretur. Incertum utrum de animoso et provido incepto an de intolerabili intercessione in suarum cuiusque capitis rerum fines agatur. (Consoli)

Cum in Italia opera atque artificia plurima sint, ea protegere difficillimum est; nam multa ex eis contra leges exportantur et a museorum moderatoribus emuntur. Reipublicae administer italicarum artium operibus praepositus, Franciscus Rutelli nomine, iam dudum ea expetiit sed usque adhuc pauca tantum reddita sunt. (Carciotto)

De hereditate ambigebatur abhinc 28 annos, cum vir quidam litem propinquo suo intendit. At post 28 annos nondum est dicta sententia! Hoc fit Tridenti in Italia! Decursu temporum iam et advocatus et partes mortui sunt! Gratulamur iudicibus tribunalis Tridentini, qui tam cito causam considerarunt! (Marcellinus)


...........................................................................................................

Nuntii Latini Catinenses die 2 mensis Februarii anno 2007.

Silvius Berlusconi, quondam Italici regiminis moderator, cum in spectaculo televisifico hospes verba nimis amatoria quibusdam venustis mulieribus protulisset, iram Veronicae Lario suae uxoris movit. Quae a pristina verecundia desistens, epistula edenda ad Rem Publicam diurna missa, postulavit ut vir veniam sibi publice peteret quod suum decus offendisset. Vir autem, nescimus an libens, properavit epistulam in diurnis edere qua veniam ab uxore petit, amorem erga eam vehementer profitetur, suum ingenium nimis iocosum arguitur... (Consoli)

Non omnes pecunia iuvat. Mulierculam quamdam pauperem in Russia trecenta milia euronum forte inventa sponte reddidisse profecto laudandum est, sed dubitare nobis liceat an prudenter fecerit quod praemium quindecim milium euronum recusavit contenta euronibus quinquaginta tantum, cum tres liberos et virum nullum opus facientem haberet.(Consoli)

Albertus Piazza,genetices professor in universitate taurinensi, affirmat genus italicum non esse. Nam in codice genetico italicae gentis inveniri possunt vestigia antiquissimi hominis qui in Europam ab Africa pervenit abhinc quadraginta milia annorum vel vestigia orientis gentium quae recentioribus temporibus ad terras occidentem versus sitas migraverunt vel vestigia Graecorum qui, octavo saeculo a.Ch. natum, colonias in Italia ad meridiem spectante constituerunt. (Carciotto)

Aliquando accidit ut viri non modo suas uxores sed etiam ipsa dulcia officia coniugalia ( i.e. res venereas) neglegant! Quod enim factum est Frusinone in media Italia, ubi vir officiorum et curarum undis involutus coepit se abstinere coitu. Quapropter uxor voluit mariti ardorem concitare. Duas enim viagrae pilulas liquefecit in vini poculo, quod marito ignaro tradidit potandum. At hoc medicamentum excitatorium causa fuit infarctus! Nunc autem, marito aegrotante, mulierem facti pudet! (Marcellinus)

......................................................................................................

Nuntii Latini Catinenses die 26 mensis Ianuarii anno 2007.

Impedimenta rursus cum Mahometanis; nunc demum in Anglia. Mulier quaedam Mahometana, cum disciplinam muneris custodis publici complevisset, ne publicae securitati praefecti manum comprehenderet recusavit, propterea quod religionis Mahometanae de moribus praecepta vetant ne cuius viri corpus, marito vel cognato excepto, attingatur vel minime. Controversia dirempta demum est; potestates tamen sollicitae secum quaerunt quid ea mulier, si quem virum in custodis publicis muneribus exercendis tangere debeat, factura sit. (Consoli)

Lacrimas vehementibus affectibus, id est laetitia vel dolore, genitas semper creditum est. A quibus principiis autem constarent, rerum inquisitores Ohio studiorum Universitatis nuperrime invenerunt atque earum usum cognoverunt. Eas enim magno usui oculorum munditiae esse ferunt, quippe quae sordes cellulasque mortuas amoveant; ptaeterea superficiem lubricantes oculorum motus expediunt. Quarum egests, morbus siccorum oculorum vulgo nominata, incommoda vel graviora plurimis hominibus toto orbe parit. (Consoli)


Vasingtoniae miraculum est factum. Joshua Hanson in deversorium post immodicam potationem reversus, dum e sui cubiculi fenestra prospectat, lapsus est. Hunc autem virum de septimo decimo tabulato procidentem magnum velum ad aedificii frontem religatum morti eripuit. Nunc quamvis vulneribus confectus tamen in valetudinario vivus versatur. (Marcellinus)

Quae sit omnium potissima inventio ab anno 1840 facta patet ex percontationibus, quas faciendas curaverunt ministri actorum periodicorum “Gb Bmj” quae vocantur. Maior pars hominum sententiam interrogatorum ex omnibus optimam inventionem esse loca secreta domestica dixerunt! Omnes enim gaudemus nostris in aedibus talia exstare loca, quibus sordidae expellantur et purae potabilesque ministrentur aquae! (Marcellinus)

Mox in italica populari legatione lex rogabitur qua ius familiare mutabitur. Nam cum hoc tempore filii nomen a patre accipiant, ex hac lege parentes statuent utrum patris an matris an amborum parentum filiis nomen dent. Si parentes non consenserint, filiis amborum parentum nomina tribuentur ex litterarum ordine. (Carciotto)

.....................................................................................................................

Nuntii Latini Catinenses die 19 mensis Ianuarii anno 2007.

Abhinc aliquot annos viri docti animalia non cogitare sed naturali impetu agere affirmabant. Sed nunc ethologi aliter sentiunt. Investigationes ostenderunt quaedam animalia fere aeque ac homines cogitare. Acta periodica francogallica “Nouvel observateur” nomine, aliquot ante dies edita, referunt iaponicos investigatores ostendisse columbos clarorum pictorum tabulas agnoscere posse.

Et suibus Beethoven, Mozart et Schubert placet! Quod quidem asseverat Nguyen Chi Cong porculator Vietnamiensis, qui magnum lucrum ex porculatione fecit! Ille enim abhinc sex annos, ut suos operarios laborantes recrearet, megaphona in suili collocanda curavit, quibus emitteretur musica classica. Mox autem et sues eadem musicae emissione recreari animadvertit, quandoquidem istae bestiae tuburcinari et saginari magis quam antea coeperant.

Hodie in Batavia aperitur farmacopolium ubi venum dabunt marijuanam ad usum therapeuticum.
Quam autem modo aegrotantibus, quibus medicus hanc valetudinis curationem perscripserit, per leges licebit ibi emere.

Abhinc aliquot dies parochus ecclesiae sitae in parva sicula urbe Acireale nomine duos iuvenes vidit qui claustra ianuae ecclesiae solvere conabantur. Hi sperabant se nocturno tempore iterum ingredi et sacram supellectilem furari posse.Fugientes ianuae clavem arripuerunt.Parochus animo non deficit et parochianorum nocturnam vigiliam instituit dum claustra substituerentur.



.......................................................................................................


Nuntii Latini Catinenses die 12 mensis Ianuarii anno 2007.

Et bestiae mentiuntur. Tennessee studiorum Universitatis rerum naturae inquisitores demonstraverunt pisces et aves et insecta mores fallaces adhibere ut competitores amoverent. Papiliones non venenati enim, signis in alis positis mortiferos imitantur ut hostibus pavorem iniciant. Aves quoque quae averlae nominantur ceteras procul retinent, voces quibus praedatores nuntiantur imitatae, ne pastus eas participes faciant. Ut quidem inter homines fieri solet, ita bestiae quae congregatae vitam degunt, procliviores ad mendacia quam solingae sunt


In Nepalia, post sex menses quam apparere desierat, rursus inventus est immobilis manens in arbore cava puer ille decem annorum qui tali modo nec pransus nec potus sex menses prius manserat; Buddham illum enim imitatus est qui sex annos ita vitam degit sexto saeculo a. Ch. n..Non modo hominum multa milia eum videndi causa admiratione admoti, sed etiam rerum naturae inquisitores ab Academia Regia quae Catmandi sedem habet ad tale factum vix credibile investigandum venerunt.


A praesentis anni kalendis Ianuariis Bulgaria Daciaque in Europae civitatibus foederatis numerantur, quarum numerus ad septem et viginti auctus est. Ab illo die Bulgariae Daciaeque civibus in Italiam intrare et ex ea proficisci libere licet. At numero civitatum Europae foederatarum sic aucto iura legesque foederationis commutanda erunt; eius consilia enim consensu omnium iam capi non poterunt.

Suspendium Saddam Hussein, quondam Iraquiae dictatoris, non modo vehementes et diversos affectus in Iraquia movit, verum etiam de poena capitali adhibenda disputationes ubique redintegravit. Marcus Pannella delegatus popularis cibi potusque intermissione consecutus est ut Italiae regimen ab universali gentium consociatione, quae O. N. U. appellatur, suppliciorum sine die dilationem toto orbe postularet.

...............................................................................................
Nuntii Latini Catinenses die 22 mensis Decembris anno 2006.

Fideles auditores et auditrices, vos omnes salvere iubet Alexandra Iacono et Iosephus Marcellinus. Nuntii Latini Catinenses, qui hodie eduntur, paulo solito leviores esse videntur, propterea quod his diebus festis nolumus tristia narrare.

Ecce nuntius de Patre illo Natali:
Pater Natalis navicula velifera vectus Barium attigit dona ferens pueris et puellis, qui ex morbo “leucemia” vocato evaserunt. Praeterea iuveni cuidam unum et viginti annos nato donavit subnotationem, qua veli ludum colere posset. Quam consulto quidem Pater Natalis donavit, ut hic iuvenis ipse demonstraret omnes homines e tali morbo recreatos vitam communem agere posse.

En nuntius ad pacem consequendam pertinens:
Muhammed Yunus, Indicus argentarius, ante aliquot dies praemium “Nobel” pro pace percepit. Anno 1983 argentariam “Grameen bank” vocatam instituit, quae pauperibus sine fenore expensas pecunias fert. Cum debitores semper pecuniam solvant, haec argentaria prospere succedit. Yunus dicere solet pacem adipiscendam esse paupertatem estirpando potius quam bella gerendo.

Ecce nuntius de arboribus nataliciis:
Tempore natalicio ubique sescentae abietis arbores evelluntur, ut in nostris aedibus ponantur. Eodem tempore multa arborum furta fiunt; nam fures ex hortis publicis necnon privatis abietes deferunt. Ne hoc accidat in urbe Novo Eboraco sive New York abietes asperguntur liquore, qui redolet urinam. Tali modo verisimiliter arbores non iam eradicabuntur, siquidem nemo vult suam domum foetere.

Circuli Latini Catinensis moderatores et sodales omnibus suis auditoribus et auditricibus ex imo corde exoptant felicem Natalem. Valete multum.


..................................................................................

Nuntii Latini Catinenses die 15 mensis Decembris anno 2006.

Civitatis rectores promissum servant et affirmant se intra mensem Ianuarium legem laturos quae iura paribus extra matrimonium concedat .Dexterae partes et catholica ecclesia ira incensae sunt quod paribus, quae matrimonio coniuncta non sint, adversantur.

Die septimo mensis Decembris drama musicum ‘Aida’nomine feliciter in theatro Mediolanensi ‘la scala’ vocato actum est. Sed ante theatrum collegii socii libellos manu tollentes reclamitabant quod, cum multi in angustiis versarentur, essent qui ad unum melodramma spectandum plurimam pecuniam impenderent.

Mulier Anglica, cuius nomen taceamus oportet, miro quidem modo pro stupri consuetudine viri sui cum quadam amica poenas repetivit. Cum enim adulterium detexisset, ut omnibus crimen patefieret, ingentissimam ad praeconium tabulam in medio Londinio sitam conduxit in qua maximis notis, nominibus scaelestorum apertissime additis, scripsit indignissimum viri et amicae facinus sibi notum esse nec quemquam iis turpiorem unquam cognovisse. Res viri impensis ita perfecta est ut eius peculium in argentaria positum omnino consumptum sit. Quod uxor fecerat universae Anglicae mulieres maximis laudibus extulerunt.

Iam sunt viginti anni cum Universitatum discipuli Europaei coeperunt per aliquot menses patriam suam relinquere ut peregre studia sua colerent. Nam ab anno 1987 viget inter Universitates Europaeas foedus, quod Erasmus appellatur! Iam plus quam quindecies centena milia (id est unus milio et dimidius) discipulorum studuerunt in peregrinarum regionum Universitatibus.

Catinae, in platea Victorio Emmanueli dicata, ad statuam equinam, quam sculpsit Franciscus Messina, magna abietis arbor religata est. Quod quidem consulto fecerunt, ne equi pudenda conspicerentur! Paucis ante annis aliqui cives donarunt hanc statuam brachis e ferro, ne sensus communis turbaretur tali visione obscaena quam dicunt. At isti cives Catinenses severissimi indigni hoc opere mirifico nobis videntur.
...........................................................................................................................


Nuntii Latini Catinenses die 8 mensis Decembris anno 2006

Quidam Italici naturae rerum inquisitores ingentissimum, ex quo homines in terris apparuerunt, aestuantis maris motum abhinc octo milia annorum factum esse contendunt. Tunc enim, eorum sententia, montis Aetnae declivia orientalia ex terrae motu aut eruptione aliqua ita in mare corruerunt ut fluctus gigneretur, qui, postquam Siciliae orientalis oras primum vastavit, omnia Libyae Aegypti Syriae Asiae Graeciaeque litora post tres vel quattuor horas invasit. Hominum neolithicorum sedes ubique deletae sunt.

Novum turpe ac saevum facinus in schola aliqua Catinensi evenisse nuper cognovimus. Aliqui discipulus enim in quendam situm interretialem videotransmissionem immisit, qua discipulus quidam, postquam in schola ex armario ubi ludens latuerat a magistro extractus est, ab eo calceis et concussionibus male mulcari redditur. Indignationem maxime movit quod multa milia spectatorum ea visione obscaena delectati sunt antequam res magistratibus denuntiata esset. Investigationes nunc fiunt ad actionis personas nomine cognoscendas.

Al Gore, ex quo a Georgio Bush anno 2000 in suffragiis victus est, animum suum ad orbem terrarum defendendum applicat. Nuper pelliculam cinematographicam quae ‘incommoda veritas’ inscribitur perfecit. Incommoda veritas ad caeli mutationes effectus pertinet. Gore affirmat enim, nisi hominum mentis conversio sit in opibus administrandis et in gasis edendis, intra decennium inundationes et loca deserta magis magisque auctum iri.

In insula Bastoey, prope Osloam, carcer est qui exemplum sumi potest. Qui custodia tenentur domunculas habitant quarum claves habent. Cotidie ab hora secunda usque ad horam nonam laborant, postea vacant. Birota vehuntur, folle pedibus ludunt, legunt et computatro utuntur. Carceris moderator eos tali modo bonos cives futuros putat.

In Sicilia Aetna mons ignivomus aliquot detrimenta peregrinatoribus infert! Nam ex hoc monte evomuntur cineres, prae quibus noctu in aeriportum Catinensem appellere aeroplanis non licet! Attamen omnia aeroplana nocturno tempore appellunt Panormum et autoraedis longis facile est quoquoversus ire!


......................................................................................................................

Nuntii Latini Catinenses die 1 mensis Decembris anno 2006.

Intra paucos dies duae delectae legibus ferendis, Marianne Thieme et Esther Ouwehand nomine, vacca vectae, in batavam curiam ingredientur. In Batavia enim totius orbis terrarum prima animalium factio orta est quae in comitiis nuper habitis prospere successit. Gandhi et Tolstoj auctores sequitur et contendit, quemadmodum servi, opifices et mulieres liberati sunt, ita animalia quoque liberanda esse.

Quae sperent nunc demum plurimae mahometanae feminae habent a quibus ipsis minime quidam exspectabant. Eminentissimi enim sapientium mahometanorum, Ulema nominati, qui Cairum nuper in concilium convenerunt, exsectiones genitales, quibus feminae mahometanae a puellis saepissime afficiuntur nec a Maometho propheta praescriptas esse nec a Corano praecipi sed legibus mahometanis externas esse professi sunt. Aliud enim gentium morem antiquum,aliud cultus praeceptum esse affirmaverunt.

Poli septentrionalis glacies propter caeli nimium calorem liquescere non intermittunt, quare albi ursi quasi confusi et hebetes vivunt. In Ciukotka, Siberiae regione quae inter septentrionem et orientem solem spectat, ad viginti plantigradi in vicis cibum quaerentes prospecti sunt. Opus alterum caeli mutationis in Siberia centrali effectum est, ubi calor solito multo maior efficit ut ursi fusci vagentur fame laborantes et soporem differire cogantur.

In oppido Genua Elisabetha et Emmanuel, amantes 17 annos nati, dum in limine sui lycei inter se osculantur, deprehensi sunt a severissima praeside, quae nunc eis vult interdicere schola per aliquot dies. Eorum condiscipuli autem in androne quinque horas steterunt, ut suum stomachum aperirent, quod praeses pudicam et innocentem saviationem iniuste vellet punire. Quantum abit operandi modo ista praeses ab illa profestrice Mediolanensi, quae obscaena suis cum discipulis in classe nuper commisit. At istae profestrices utrimque finem et modum transire videntur!

Renatus Zero cantor Italus dixit se multis ante annis homosexualem esse simulasse,
ut militiae munere vacaret. At consociatio "arcigay" nomine cum eo valde stomachatur, quod suam naturam neget! Haec consociatio nobis interdicere velle videtur ne dicamus cum quae velimus tum quae sentiamus!

.........................................................................................................

Nuntii Latini die 24 mensis Novembris anno MMVI.

Rector Vaticanae Civitatis actorum diurnorum, quae “Observator Romanus” inscribuntur et Benedicti XVI ab epistulis acerbe questi sunt, quod Pontifex et quidam eminentissimi Cardinales imagunculis pictis et televisificis spectaculis ut stulti ac mente capti viri saepius derisi essent. Deridendi facultati enim, quae propria saturae scriptorum et histrionum est, non licet, eorum sententia, sensum religiosum nec Catholicorum nec alias religiones profitentium offendere. Paucos ante menses Mahometi prophetae imagunculae pictae Mahometanorum iram cruentam iam apud multas gentes moverunt.

Viri docti lupam capitolinam signum esse antiquum semper existimaverunt cum inter omnes constaret geminos fratres anno 1471 additos esse. Anno 1997 huius signi refectio ostendit id media aetate conflatum esse. Nam antiqui fictores non methodo ‘una fusura’ vocata, qua lupa capitolina conflata est, utebantur sed varias signi partes inter se coniungebant.

Italicae mulieres anno 1948 suffragium ferre coeperunt. Ex eo tempore res valde mutatae sunt. Nam mulieres fere omnia munera exercent sed paucae rem publicam attingunt. Ex populi legatis mulieres tantum sedecim centesimae partes sunt. Rei publicae princeps inter conventum de mulierum iuribus partes hortatus est ne impediant quominus eae ad publica munera eligantur.

Quotannis in Sinis, in Thailandia, in Philippinis et in Corea vicies centena milia (id est duo miliones) canum et felium interficiuntur, ut creentur vestes pellitae et pupuli pilosi, qui in Europa venum ire solent. At Unio Europaea mox proponet leges quibus talium rerum commercium prohibeatur.

Nunc primum Dantis Alighieri opus maximum in Iaponiae theatris recitabitur: Locos enim Divinae Comediae nonnullos ab histrione fabulae actionis quae Kabuki nominatur spectatores recitari audient. Mensem per totum enim variorum generum artifices spectaculis et exhibitionibus efficient ut Italicus clarissimus poeta commemoretur et a Iaponensibus amplius cognoscatur. Divina Comoedia anno millesimo nongentesimo octavo Iaponice versa primum est.


....................................................................................................................
Nuntii Latini Catinenses die 17 mensis novembris anno MMVI

Consociatio ‘Vividown’ nomine denuntiavit in quodam situ interretiali videotransmissionem conspici posse quae discipulos in ludo pulsantes condiscipulum gravi deminutione mentis et corporis affectum ostendebat. Iudices hanc videotransmissionem in sequestro deponi et noxios comprehendi iusserunt.

Oportet pueri aegroti ,in valetudinariis, laetis vitae condicionibus fruantur ut maestitiam et animi defectionem depellant. Hanc doctrinam secuti, quidam puerorum medici qui in valetudinario catinensi ‘Policlinico’ nomine operam dant, pupulorum spectacula instrui permiserunt. Horum spectaculorum partes datae sunt pueris aegrotis qui meliore valetudine esse coeperunt.

Claudius Lippi, quem identidem muliebri veste indutum et mediocria necnon sordida in emissionibus televisificis dicentem nobis Italis contigit spectare, proposuit ut die dominica exstingueremus televisoria per quoddam temporis intervallum ad nostram indignationem proclamandam, quod cottidie multae sordes per emissiones televisificas eduntur. At Lippi loqui non audet de suis ipsius sordibus, quae nobis spectatoribus abundanter et diu administratae sunt.

Mediolani quinque discipuli duodecim tredecimve annos nati non modo mathematicorum sed etiam Veneris initia a sua profestrice discunt! Nam quaedam profestrix libidinosa voluptate capta deprehensa est dum in ipsa classe commercium sexuale habet suis cum discipulis! Nunc autem cum scholae praeses discipulorumque parentes indignantur, tum ipsi discipuli valde gloriantur.
....................................................................................

Nuntii Latini Catinenses die X mensis Novembris anno 2006.

Saddam Hussein, quondam Iraquiae dictator, ab illius gentis iudicibus capitis multatus est suspendio, quod cuiusdam vici ubi insidiae ei paratae essent incolas plus quam centum octoginta occidi iussisset. Priusquam tamen supplicio afficiatur, iudicium ex appellatione dicendum est. Praeterea Saddam reus internecionis est gentis quae Curdorum appellatur. Sententia iram eorum qui Sunnitae dicuntur in Iraquia movit, sed in Occidentis quoque gentibus reclamationes audiuntur eorum qui poenae capitali vel tam saevi dictatoris obstant.

In Civitatibus Americae Foederatis, comitiis utroque populari concilio partim renovando habitis, partes democraticae nunc demum duodecim post annos praevalet legatorum numero et in Senatu et in concilio altero quod Congressus dicitur. Cives enim aegre ferunt multos milites bello Iraquiano adhuc occidi et incertum esse belli exitum. Itaque Bush praeses rem publicam per biennium quod muneris ei superest haud facile reget.

Elisabetha Gardini, civis deputata partium “Forza Italia” nomine, impedire conata est quominus Vladimirus Luxuria, civis deputata partium “Rifondazione comunista” nomine, in loca secreta muliebria legationis popularis intraret quod “transexualis” esset. Ea res magnam admirationem excitavit. Praeses quoque legationis popularis omnes ad indulgentiam adhibendam hortatus est.

Helena Grimaud,clara clavicina, musicam et lupos simul adamat. Ex quo , in America, puerili aetate, lupae occurrit et amicitiam cum ea iunxit, semper hoc genus animalium adiuvat et protegit. Prope Novum Eboracum refugium “Wolf conservation centre” nomine condidit. Affirmat erga lupos eadem disciplina utendum esse ac erga musicam et in utraque re reverentiam, humilitatem, animi intentionem, rationem una cum perceptione adhibendas esse.

A die 17 usque ad diem 19 mensis Novembris Romae habebitur conventus, quo renovatur sodalitas in mafianam consociationem. Iam plus quam 2500 hominum se esse participaturos aperte dixerunt.

Si doletis capite, nullum iam medicamentum est sumendum! Nam Americani ad hunc communem atque molestissimum dolorem extinguendum creaverunt machinulam quandam, cuius vi electrica capitis dolor evanescit. Hae machinulae intra annum et dimidium verisimiliter venum ibunt!


........................................................................................
Nuntii Latini Catinenses die III mensis Novembris anno MMVI


Coreae septentrionalis regimen, quod duas ante hebdomades primum globi atomici direptionis experimentum perfecerat, nuntiavit se ad negotium agendum esse paratum, eo consilio ut concessiones commodaque oeconomica sibi consequeretur, si ab armis atomicis parandis renuntiavisset. Georgius W. Bush, civitatum Americae foederatarum praeses, hoc Coreae moderatorum consilio se valde laetari dixit.

Archiepiscopus Cantuariensis, cum ex Sinis in patriam revertisset, de velo Macometano benevole est locutus. Quae quidem verba post iter Sinense protulit, propterea quod viderat quid esset factum in illis Sinarum regionibus, ubi omni libertate cum politica tum religiosa cives spoliati essent.

Balaenae quoque canunt. Rogerus Payne, biologiae peritus Americanus, qui totum se ad balaenas servandas dedidit, suis investigationibus haec animalia canere ostendit. Earum cantus per semihoram extenduntur et postea iterantur.Hi cantus, qui magno intervallo audiri possunt, quotannis mutantur et secundum anni tempora alterae notae adiunguntur et alterae tolluntur.

Publicae institutioni praepositi vehementer perturbantur quod in annos magis magisque minuitur iuvenum multitudo qui ad universitates Italicas se adscribunt ut disciplinarum mathematicarum studio incumbant. Cum praeteritis annis dimidio numerus eorum qui ad arithmeticas facultates se adscripserunt iam defecisset, nunc demum minuitur numerus eorum qui ad doctrinas machinarias se dediderunt. Publicae institutioni praepositi consilium, cui Aloisius Berlinguer praefectus est, huius rei causas investigaturum instituerunt.

In media urbe Catina ab occasu ad ortum usque solis nonnullae meretrices viis frequentibus obambulant, ut corpora sua venumdent. Nemo autem auxilio venit his miseris mulieribus, quae in ipsa via "Corso Sicilia" nuncupata pudicitiam suam prostituere invite coguntur.

Syndicus vici prope Messanam cui nomen est Librizzi, inter funus vetulum quendam animadvertit clamantem propter sacculum abreptum. Cum autocinetum conscendisset, publico ministro adiuvante, fures, qui autocineto fugerant, insecutus est, eos comprehendit et sacculum abreptum recuperavit.



.........................................................................................................................


Nuntii Latini Catinenses die XXVII mensis octobris anno MMVI.

Salvete multum auditores et auditrices. Ego sum Franciscus Carciotto et prope me
adest Alexandra Iacono. Audite nuntios Latinos Catinenses.

Multos iam annos in Iraquia nullum tale scelus factum est: mulier quaedam
viginti et duorum annorum lapidibus obruta est quia adulterium fecerat. Quae
lapidatio chilometris trecentis a Baghdad facta est a quibusdam hominibus qui
terroristarum sectam al Qaida nominatam persequi dicuntur.

Cotidie in valetudinariis Italicis ad nonaginta aegroti propter medicorum vitia
et neglegentias moriuntur. Quod medicorum tumores curantium sodalicium
denuntiat. Decessus variis de causis fiunt; exempli gratia morbis leviter
cognitis vel tabulis clinicis confusis vel medicamentis similiter nominatis;
praeterea aegroti aliquando ad impensas minuendas festinantissime dimittuntur.
Artus valens prorsus interdum reciditur et sanus pro aegroto secatur.

Ex indagatione, quam conficiendam curavit I.s.t.a.t, patet Italos eminere inter
omnes ferme Europaeos in longaevitate. At annus 2003 non salutaris praesertim
senibus fuisse videtur: nam propter aestum aestivum frigusque hiemale
586 milia italorum, ex quibus maior pars senes fuerunt,
extremum spiritum effuderunt.

Italicae urbes propter aerem inquinatum et purgamenta suffocantur. Hoc patefacit
investigatio a societate nomine “Legambiente” facta de valetudine urbium totius
Italiae. Omnium optima est Bauzanum cum Siciliae urbes pessimae sint. Catina,
ubi cives octigena chiliogrammata purgamentorum quotannis faciunt, ultima
aestimatur.

In Sicilia temperatura hac septimana 30 gradus Celsianos passim superat: adhuc
aestas adest! Sol fervidus suis radiis totam quasi Siciliam incendit! Interea
multi iuvenes et advenae oram maritimam petunt balneandi et apricandi causa.

............................................................................................

Nuntii Latini Catinenses die 20 mensis Octobris

Salvete multum auditores et auditrices. Audite Nuntios Latinos Catinenses.

Moshe Katzav, praeses rei publicae Israelianae, turpissimorum scelerum incusatus est, quod nonnullas mulieres sibi subiectas stupravisset, propinquos et familiares donavisset muneribus ex aerario emptis, colloquia telephonica iniuste audivisset. Postquam legati populares eum de honore tantum deiecerint, in ius vocari poterit. Katzav praeses tamen se abdicaturum si in crimen vocatus sit asseveravit.

His mensibus tonnae purgamentorum Neapoli proficiscuntur et ad portus et stationes ferriviarias totius Italiae perveniunt, ut deleantur. Duo milia tonnarum in Siciliam missa sunt sed in portu Catinae nonnulli reclamantes ante aliquot dies impedire conati sunt quominus purgamenta e
navibus educerentur.

In Sicilia numerus autocinetorum custodum illegitimorum in dies magis augeri videtur. Hac enim in regione suo quisque arbitratu viarum dominus fit! Nam si quis suum autocinetum in viis publicis deponere voluerit, istis contra leges custodibus stipem det oportebit, ne quicquam detrimenti autocineto necnon sibi ipsi inferant. Cum custodes publici desunt, tum maxime omnia multis sceleribus mafia regit.

Scriptor Neapolitanus Robertus Saviano postquam eius liber’ Gomorra’ nomine editus est, quo scelera factionis improborum ‘camorra’vocatae patefecit, in gravi discrimine versatur. Quapropter potestates statuerunt ei custodiam concedere.

Die 15 mensis Octobris Catinae in vico Pedara in purgamentorum theca inventus est sacculus ex plastica, quo continebatur infans. Pedes quidam illac deambulans vagitus audivit infantemque repperit, quae mox in valetudinarium est conducta. Nescitur quae sit mater et quare filiam suam reliquerit. Medici interea infanti nomen imposuerunt Teresa, cum inventa esset die sanctae Teresae.

Iosephus Mangano, decem annorum puer, fretum Siculum nando transiit. Nemo eo minor natu tantam rem perfecit. Parentes amicique laetantur cum athletam excellentem eum fore sperent, puerorum medici autem rem omnino damnant cum puerum eius aetatis tanto labori subicere valetudini periculosum censeant.

Valete optime


..................................................................................

Nuntii Latini Catinenses die XIII mensis Octobris anno 2006


Salvete domini et dominae quotquot estis una salute omnes!
Ego sum Iosephus Marcellinus et hic adest Alexandra Iacono.
Audite nostros nuntios.


In Coreae septentrionalis re publica experimentum subterraneum
globo atomico displodenti effectum est. Quod maximae sollicitudini
fuit omnibus orbis gentibus, praesertim proximis nationibus id est
Coreae meridionali et Iaponiae.


In Africa Asiaque nonnullos iam annos elephanti infestiores facti
sunt in homines: vicos enim totos adorti solo aequaverunt atrocissimas
clades efficientes. Qui ferarum mores describunt censent elephantos
maximam perturbationem passos esse, cum caedes suorum et structuras sociales
suas omnino deletas multos per annos ipsi spectavissent. Ea commotio, propter
praestantissimam memoriam qua praediti sunt, eos excitavit ad homines occidendos.


Diurnarius quidam programmatis televisifici "Ienae"quod vocatur
parlamenti Italici deputatos percontatus in ipsorum corporibus clam imposuit
fasciolam, qua probaret usine essent drogis. Quo ex probamento tertiam partem
legatorum probatorum drogas adhibuisse constitit. At censor nunc prohibet quominus
haec emissio televisifica divulgetur.


Rana ‘sannio’ vocata quod tergum tricolor habet, in magno discrimine versatur
et brevi tempore exstinguetur. Exstinguetur quod fungus, qui propter terrae
calefactionem feconde procreat, ut sudarium bestiolae se circumvolvit et impedit
quominus corporis foraminibus exsudet.


Hoc anno exeunte pontifex maximus Benedictus XVI nomen scripto subscribet quo
sacerdotes, in sacris faciendis,lingua Latina uti poterunt. Pontifex, vir litteris Latinis
doctus,concedet postulationibus ab episcopi Lefebvre sectatoribus factis qui latinae
linguae favent.




.................................................................................

Nuntii Latini Catinenses die VI mensis Octobris anno MMVI.

Salvete pariter auditores et auditrices!Nomen meum est Iosephus Marcellinus et sum moderator huius novae emissionis radiophonicae, quae « Nuntii Latini Catinenses » vocatur ! Prope me sedet locutrix Alexandra Iacono ! Hodie die 6 mensis Octobris per situm interretialem www.radiozammu.it primi Nuntii Latini Catinenses evulgantur. Nostri nuntii percipi possunt singulis septimanis die Veneris.

Decreto Benedicti XVI maximi pontificis Emmanuel Milingo episcopus a sacrorum communione prohibitus est cum quattuor sacerdotes qui uxores duxerant episcopos creavisset. Idem Milingo aliquot ante annos periculum ne a sacris prohibiretur adiit, quia quandam Mariam Sung uxorem duxerat, sed mox renuntiavit iussui Johannis Pauli II oboediens. Nunc tamen quidam timent ne sacerdotum matrimonio iunctorum scisma fiat.


Petrus Welbi, propter gravissimum ac insanabilem morbum maximis cruciatibus mortem obiturus, Giorgio Napoletano rei publicae Italicae praesidenti epistulam misit ab eo petens ut in parlamentum deliberationem de euthanasia promoveret. At rei publicae moderator respondit sibi hanc facultatem non esse quamquam eius casu vehementer commoveretur. Haec res tamen effecit ut quaestio illa cum difficillima tum maximi momenti omnium mentibus renovaretur.

Jacobus Hansen,NASAe climatologus, investigatione ostendit terrae temperaturam, propter silvas caesas et petroleum combustum, magis magisque augeri.Affirmavit quoque hoc saeculo exeunte homines terram dissimilem ac antea fuit habitaturos esse.Hoc non semper homines intellegunt quod societates commerciales et petroleariae, quae maximum quaestum e sumptuosis populi consuetudinibus faciunt, viros doctos et diurnarios pecunia corrumpunt qui terrae calefactionem negent.


Monna Lisa subridet quod modo peperit filium! Ecce secretum celeberrimae tabulae pictae Leonardi Da Vinci ! Post biennium perscrutationum scientificarum eandem opinionem habent doctores Concilii nationalis investigationum, Monnae Lisae vestem esse tenue velum, quod tunc temporis praegnantes et puerperae induere solebant.


Antonius Recca Universitatis Studiorum Catinensis rector creatus est.