L'ATRA MATEN-NA A SON PASA' AN V. VOLTURNO
L'atra maten-na a son pasà an via Volturno
J'ho vist Enrico el panatè cu giugava co'l balon.
U m'ha nent salutà..
La zia ad Gino Pane la parlava con so surèla,
I m'hon nent salutà.
Lavinia la butiera, la stava bitinda
del caseti 'd persu davanti u so negosi.
U m'ha nent salutà.
Artemio u drughè, al puliva la vedren-na
con in foj ad giurnal.
U m'ha nent salutà.
Pipu 'l prichè u discutiva con mé ziu.
I m'hon nent salutà.
A son entrà ant'la purtineta au numer 17*
e u j'era in fanciuten ch'al fava
in aquilone con me Papà.
Ai son andacc auzen, ma me Papà
u m'ha nonc uardà.
El fanciuten l'era girà 'd spali,
um smiava d'avejli za vist e,
apena ch'u s'e vutà dala me part
a j'hò subit capì;
J'era me, se j'era me
Sinquont'ani fa.
Gianni Regalzi