'); newWindow.document.write('
'); newWindow.document.write('Click screen to close'); newWindow.document.write('
'); newWindow.document.close(); newWindow.focus(); } } //-->

A NEGAZIONE 

Nta l'ura suprema

timuri e spaventu

attassamu i cori 

di to'megghiu amici.

Petru, l'apostulu

amatu, pibberu

ti nea pi tri boti,

scassannu u tò pettu.

Ti lassanu tutti,

o duci Signuri

chi sulu l'amuri

canusci e u dilettu.

 

Ritornello : Signuri amurusu e putenti

Tu chiami l'apostuli amici.

li pasci d'amuri e li crisci

dunannu la bona Parola.

T'aspetti fidili rispettu,

amuri sinceru e divotu,

curaggiu ee furtizza di fidi

di niautri to' figghi pi grazia.

 

Tradivi u tò amuri

piccannu, o' Signuri,

tradivi la fidi

circannu cunfortu

'nte l'occhi di spassu

divianza e piccatu,

pi viriri l'acqua

cchiù spurca du munnu.

Tradivi la vita

scigliennu la morti,

mittennu di latu

lu Santu Vangelu.

 

Gesù, lu tò beni

iò vogghiu siguiri

la liggi di Diu

mai chiù abbannunari.

A chiesa, me Matri,

iò vogghiu ascutari,

e viviri sempri

di figghiu di Diu.

Si tu mi voi dari

sta grazia, Signuri,

martiriu, turmentu,

nun fannu spaventu.

 

Poesia tratta dal libro di Francesco Miccichè : CANTIAMO I MISTERI - Edizioni il Pozzo di Giacobbe - 2003

 

Foto  Beppino Tartaro

© 2004 - Beppino Tartaro