GIOVANNI MINI'
POETA (1918- 2000)
Vissuto a Genova, per motivi di lavoro, ha pubblicato nel 1993, all'età di 75 anni, la sua unica raccolta di poesie in lingua italiana e in vernacolo.
In esse l'autore esprime il suo struggimento per il paese lontano e tratta anche temi più universali, con un linguaggio semplice, ma efficace.
LU ME PAISI
A Santu Stefanu Cuschina sugnu natu
Megliu vi fazzu signu cu lu jitu
E' di quattru muntagni atturniatu
La strata naziunali c'è d'aiutu
Di li surgenti d'acqua si abbunnatu
E li so' terri intorno un ribbuschitu
La terra pi lu granu duna aiutu
Ca lu paisi lu pani ci ha datu.
Lu paisi e li so' punti cardinali
Scurrinu d'acqua li so' brivaturi
Lu Carminu, Santu Onofriu, e Santu Vitu,
e lu Capu Favara numinatu.
Lu Capu Favara dava acqua a tri mulina
Abbrivirava l'orti a la Suttana
Cuntinuannu sempri li jardina
Finu a li so' cunfini cu Bivona.
La Hadira l'oliviti e lu summaccu
Di frunti c'è lu Munti San Filippu
A Muntivernu cci duna la schina
Lu Munti San Caloriu suprana.
Su terri pi pasturi e pi burgisi
Di maistranzi pocu cu rimasi
Genti li cchiù forti risisteru la crisi
E li genti cchiù scarsi senza casi.
C'è la Cuschina locu di rimiti
E ogni annu dda ca fistiggiati
Li paisani e stranii viditi
Tanti mancammu, semmu l'emigrati
La brivatura a lu Casteddu infini
Ca beddi su' li so' vaschi e funtani
Ogniunu ca li visita cu veni
Tantu meravigliatu ci rimani
Paisi beddu chinu di ntillettu
Ca li tò genti assai t'ammu onoratu
Si lu bevaiu è l'arca di la scienza
Di li tò figli chi ci ha rigalatu
Ricchi di scienza e granni professura
Avvucati, medici e pirìti
Ingegneri, architetti e maggistrati
E chistu è Santu Stefanu sapiti.
Cu dda rimani ci auguru furtuna
Tanti partemmu lassammu cu pena
Tanti emigrati in cerca di furtuna
Ci vannu a Ferragustu quannu sona
Stu paiseddu picciulu e civili
Ca l'abbitanti tò ti dannu onuri
La terra unni nascisti nun tradiri
Vidica tu facisti un granni erruri
Lu sai unni si natu e no unni mori
Ama cu t'ama e dunacci lu cori
Unni ti trovi nun aviri timuri
Cussì sulu cent'anni pò campari.
San Giordano Ansalone - Santo | Peppuccio Reina- Scrittore | Antonino Poggio- Fotografo | |
Giuseppe Guggino - Storico | Beatrice Laura Guggino - Poetessa | ||
Vincenzo Rizzo - Pittore | Lorenzo Panepinto - Martire Socialista | ||
Ignazio Attardi - Medico | Luigi Abella- Arciprete | INDEX |