RIVERITI LOR SIGNORI
(
La Pasquèla ma Scavlein )
di Domenico Bartoli
A partém da Rémin s'una nèbia ch'la t'mètt
madòs un frèd d'l 'òstchia, mè, la Lidia e Nino ch'u n'è ancóra gnènca al
dò dè' dop-mezdé, perchè ac sèm dét l'apuntameint sa tóta la banda d'l'
UVA GRISA per al trè me' lègh d'Andruš. Andèm tótt tré sla machina ‘d Nino
e uj è la su rašoun : s'un guida ló ui fa mèl la machina e dòp ui vein da
vumitè ènca s't’e’ fé stè da sdé davènti e alóra lascia pó che guida ló.
Quant a fèm 'sta strèda ( che sarìa pó la
marecchiese o sa la vlèm tchiamè s'un numèr Strada Statale n. 258 )
per mè e per Nino l'è cume arturnè burdèll perchè la c'arpòrta dó ch'a sèm
nét : ló mala Vélla d'Avrótch e mè te' Mercatein che già da un gran bèl
pèz un s'tchièma pió 'csé, mò Novafeltria e che sa v'ho da dì la verità mu
mè un m'è mai piaciut. E pó l'è la strèda ch'la c'ha vést andè avènti e
indrìa ma tótt dó fina Rémin, quant a sérmi ragazétt pió o mènch dla stèsa
età, pèr mjèra ad vòlti, l'è la strèda ch'la c'ha vést a crèscia e dvintè
grand e ch'la c'è arvènza dreinta.
Lòng ala strèda a tchiacarèm de' pió e de'
mènch e quant a sèm mala Vélla Nino u c'insègna, cume seimpri, dó ch'l'è
nèt e dó ch'l'è 'ndèt a scòla, mò ècco che dòp ch'èm pas la salita sóra e'
pount d'Avrótch, a l'impruvisa la nèbia la sparésc e e’ scapa fura 'na
giurnèta ch'la fa vòja, s'un sól ch'un pèr gnènca che sia i cinch ad g-nèr
! Sla dèstra só in èlt us véd Scurghéta e pió vènti, gió in bas, uc si
slèrga e' fjóm, e' Marètchia, ch'l'ha un'aqua tchièra cmè d'istèta. Un pò
pió in só, sóra un gingoun guasi te' mèz de' fjóm, la fa un gran spéch la
tchisa dla Madòna ad Sajèn sa la su tòra da chènt, ch'j ha mèss a pòst da
pòch e pó, guardand me' mount alé sóra us véd è' castèl ad Mountbèl pròpi
só in cima se' bósch tótt datònda.
Pasèt Pitraguda e sóbti dòp e' pount ad
Santa Maria Madaleina, da tla pièna preima d'antrè a Stchin ècco ch'us
cmeinza a vdé a mèn drétta la sagòma de' Pinz e invéci da cl'èlt chènt e’
spunta fura preima al dò punti dla Bifórca e pó la Ròca ad Majlètt e ad
dria e pió da lòngh e' castèl ad San Lia. Da lé arvé te' Mercatein l'è un
sbrésc, mò noun andèm avènti e ènca se la valèta la cmeinza a strèng-si mu
mè um pèr ch'la sia seimpri bèla, fórsi ènca perchè ai sò nèt e aj ho pas
j an pió bèll dla mi vita. Dòp e' pount ‘d Bufoun arvèm me' pount dla
Preina, da lé a tajèm só per Macin e tl'ultmi a girèm vérs Suan e a sèm
sóbti se' lègh d'Andruš.
Se' piazèl datònda me' lègh uj è sno la
machina ad Pierluigi ( ch'u s'è pòrt dria la Lorella, Alberto e e’ su
padrègn Luciano sla su mòj ), mò pièn-pièn j ariva só tótt : Gualtiero sl'Angela
e Lucio, l'Emanuela insein sa Antonio, Mirco, la Stefania, Julko e
Venturelli ch'u s'è pòrt dria e' viulein da bataglia. E da qué
arpartém sal machin tótt insein per cminzè l'avèntura dla pasquèla
ma Scavlein, un paisètt andó ch'ui sarà arvènz trèceint persóni tra sé e
nò, mò che 'na vòlta ( te' mélla e quatriceint o gió da lé ) l'éra una
contea e pó l'è dveint un principato, il Principato di
Scavolino sotto la dominazione dei Conti di Carpegna, s'na storia
impurtènta che adès la sarìa tròpa lònga da racuntè.
A lascèm al machin tla piaza granda (
piazza S. Gaetano ) e meintri che ac mitèm só al caparèli e i nòst caplac,
la geinta la c'guèrda dria seinza capì bein quèll che sucéd. Una vòlta,
parétch an fa, ènca quasó i paséva a cantè la Pasquèla, mò adès niscioun i
s'l'aspitéva e noun l'è pròpi quèl ch'a vlémi. St'an sa noun un gn'è
Gianni sla su fisarmonica, mò in cumpeins avèm l'Emanuela sa l'ucareina e
Antonio se' trumboun ch'un è ròba da tótt i dé e pó uj è ènca Nino ch'uc
dà una mèna a cantè e ló dla vócia ui n'ha da vènda.
Seinza stè tènt a spitè a sunèm e' campanèl
d'una dal chèsi sòta che bèl lugièt de' mélla-siceint andó che una vòlta i
féva i marchét, e a cminzèm sa Mirco che taca a tóta bérra :
" Rivveriti o lor signori ...... "
La geinta la s'fa datònda a stè da sintì e
dòp avéc sbatut al mèni, quant a smitèm la vò sapé da dó ch'avném, mò
intènt i padroun d'chèsa j ha tirét già fura dò bòtchi ad vein e i pasa a
dè da bé ma tótt. L'è quèl ch'ui vléva per Gualtiero e per Julko che, cum
us sa, s'in bé un gucètt in gni la fa a tchiapè e' via, mò a dì la verità
un pò d'vein e’ fa pro ma tótt perchè l'è véra ch'uj è e' sól, mò l'è ènca
véra che qué a sèm a pió ad sètceint métri, e de' Carpègna, ch'ai l'èmm
dria la schina, e’ vein gió 'na burièna ch'la fa bublé. E adès sòta s'un
valzartein per fè balè stal geinti ch'al sta datònda ! Venturelli ui dà
ch'u si sbracia se' valzer Dolci speranze insein sl'Emanuela
ch'l'ai dà 'na mèna sl'ucareina e Mirco e Julko ch'ij bat e' teimp sal
chitari, par no parlè ad Pierluigi che fa da cuntrabas se' su bidoun e
Antonio che se' trumboun il seint fina la Pènna. La Stefania, l'Angela, la
Lorella e Nino is dà da fè a balè mò ancóra la geinta la n’s'bótta ; la
Lidia la tein e' cèst ch'l'è svuid e Luciano un pò pió da lòngh e’ fa ‘l
riprési sla su video-camera.
" Ringraziam questa famiglia ..... " , l'artaca
Mirco che intènt u s'è cés 'na zigarèta, e meintri ch'a stèm per andè via
ècco che la padrouna ad chèsa la c’mètt te' cèst cinch òvi e mu mè um pèr
d'arturnè indrìa ad cinquènt'an : l'éra un pèz che un s'avdéva pió agl'òvi
tla Pasquèla !
A guèrd ma l'arlòg e l'è sól al quatri e un
quèrt : " Forza burdèll ch'èm peina cmeinz, andèmma avènti ! "
Gualtiero us dà da fè a sunè i campanèll,
mò at parètch chèsi un gn'è niscioun e noun a trèm avènti. Am guèrd ad
dria per avdé dó ch'l'è pas Nino e al vègh gió in bas che vein só pièn :
ènca ló l'ha la caparèla ( uj ha impristèt la sua vètchia Pierluigi ch’us
n’è fat fè una nòva ligìra ch'la n’pésa gnint ) mò la n’è nira cmè al
nòsti : la è d'un culór maruncein mèrda-d-gat che fa pèri se' su capèl
maroun ènca quèll, mò adès ch'ai guèrd bein pió che un pasqualòt um pèr un
fatór ‘d campagna che va a ‘rscòta dai cuntadein per count de' padroun. D'ògni
tènt l’arvènza un pò indrìa, e’ tchiapa al distènzi perchè ( cum um sucéd
dal vòlti ènca mu mè ) l'ha un problema :
meteorismo, l'ha bsògn ‘d scurgè e de' rèst se un l'ha 'stè disturb
un pudrà miga stchiupè !!
" Adès a mèn mènca uj è un slèrgh e davènti
cla chèsa uj è dla geinta,
andèmma là burdèll ! "
Ac truvèm t'un spiaz sa dò-trè chèsi e se'
Carpegna pròpi lé davènti ch'ui bat e' sól countra e che pèr ch'uc casca
madòs ; apéna ch'a cminzèm a cantè e’ scapa fura dò burdèli ad tré-quatr'an
e e' padroun ‘d chèsa che, sicoum ch'un ha de' vein, uc dmanda sa vlèm tò
un cafè.
Intènt la Lidia la ha studghiét ad mètta
te' cèst trè-quatri chèrti da diš e da cinch mélla dal sua per invujè la
geinta e difati pòch dòp la vein avènti la mòj e la c’lascia trè-quatri
chèrti da méll frénch, mò preima d'andè via la c’dmanda sai cantèm
Romagna mia : Vut dij ad nò ?
Lé d’avcein, sóra e' tèraz dla chèsa, uj è
dò dòni sóli ch'al sbat al mèni e alóra ènca ma lór ai cantèm 'na mèza
Pasquèla. Una dal dò la scènd gió, la buga te' pulèr e la scapa sóbti fura
sa cinch òvi ancóra chèldi da mètta te' cèst.
" Ed ogni bene il Ciel vi dia e l'anno
nuovo .... " a salutèm e a continuèm la strèda : davènti la pòrta ad chèsa
uj è 'na vètchia ch'la s'apògia m'un bastoun, noun ac firmèm sl'intènzioun
ad cantè, mò lia la n’vò savè d'òstchi e alóra a trèm drétt e andèm
davènti un'ènta chèsa andó chi tira fura da bé e preima d'andè via ic mètt
una bòtchia e cinch méla frénch dreinta e' cèst.
" A cminzèm a garavlè chicòsa ènca da bé,
mò cagl'òvi adès, Lidia, bsugnarìa che tal gupléss tla chèrta se nò li n'ariva
sèni ma chèsa ! "
Davènti ma 'sta chèsa a cantèm, a cantèm mò
un vein fura niscioun :
" Nata rozza capannella, da una pura verginella ... " ah, ècco la è scapa
fura in cima mala schèla è la c’guèrda seinza dì gnint e sla facia un pò
stranita una dòna si stènt'an ch'la è ènca un pò stralòtchia. Us capésc
sóbit ch'l'è una dòna sóla e un è e' chès d'antrè at chèsa perchè s'un gn'è
pròpi la mòrta ( cum u m'è vnut détt mu mè par sbaj ), un gn'è gnènca
tènt'aligria. Ai dèm e’ Bon An e lia, seimpri seinza zcòra, la scènd gió
pèr la schèla e la c’mètt méll frénch dreinta e' cèst... Intènt i ragazétt
de' paés, che ic vein dria si muturein, j ha pasèt la vócia ch'a sèm in
gir a cantè la Pasquèla e adès i cmeinza a tchiamèc. Uj è un anzièn s'un
britein tla tèsta e s'una facia ròssa e pina d'grécci ch'uc fa sègn d'andè
da ló ch'l'è férmi te' mèz d'una piazètta; e’ pòrta un pèra ‘d utchiél sa
dal leinti gròsi cmè dó cul ‘d bitchìr e quant a sèm a lé uc fa sóbit al
presèntazioun :
" Io ho avuto un infarto, una paralisi e una trumbósa, mò adesso sto
benissimo ; a stagh mèj
che prima ! "
L'è cunteint cume 'na Pasqua, e’ rid e e’
sbat al mèni apéna ch'èm fnit ‘d cantè e pó uc dmanda s'ai sunèm un
valzer, mò no un valzer pursìa, e’ vò ch'ai sunèmma e' valzer
Maraviglioso ch'l'è la su pasioun. Gnènca a fèl apòsta 'stè valzer l'è
pròpi un caval ‘d bataglia ad Venturelli ch'u ni pèr e' véra ad sunèl
meintri che noun ac dèmm da fè a balèl. Quant e’ fnésc e' valzer dala
cuntantezza us tchiapa la facia tra 'l dò mèni e e’ tira un mòcli sèc ch'u
c’fa piscé madòs dala sgrégna :
" Porca M..... ! Maraviglioso, quèst l'è e' valzri, èlt che li òstchi !!
"
Adès a sèm arvét guasi ma gl'ultmi chèsi e
bsugnarà giré a mèn mènca per arturnè indrìa, mò preima pruvèmma andè véda
ma sta chèsa andó ch'uj è ancóra stal luci culurèti fura dla pòrta.
" Antonio, sòna e' trumboun ch'a c’fèmm
sintì ch'arvèm ! " Da sdé sóra 'na scarana e tachèta mi vétri dla finestra
uj è 'na spósa ch'la c’fa sègn d' antrè, e noun, dato che intènt us
cmeinza a fè scur e che l'è seimpri pió frèdd, an ce fèm dì dò vòlti e sa
Mirco in tèsta a tachèm a cantè e a bughèmm dreinta tótt quant a sèm e pó
andèm avènti tótt in pid datònda mala tèvla. L'è una stènza ch'la fa da
cucina e da salòt s'una tèvla te' mèz, ad sfiènch i furnèll a gas e e'
scafoun per lavè i piat, ad dria dla tèvla una bèla stufa smaltèta ad
biènch ad quèlli d'una vòlta e a mèn drétta in fònd un divèn e sóra ma
quèll, tachèt só ma la paréta, un quèdri se' Sacro Cuore e ad
frounta me' divèn la tèlèvisioun.
Da quant a sèm antrét la padrouna ad chèsa
la n’s'è mòsa da sóra la scarana e adès, dòp ch'èm fnit ‘d cantè, ac ni
dèm tótt che la sta da sdé perchè la n’s'pò mòva. Intènt che me' marit
l’al cmanda d'andè tò da bé, la c’racounta la su sgrèzia, mò la c’dic
sóbit ch'la è cunteinta staséra perchè a sèm pas ènca da lia quante ormai
la s'éra mèssa e' còr in pècia e pròpi per quèst la j ha j òtch lócid. L'è
una bèla dòna che adès la s’mòv sno sla caruzèla perchè uj è tchiap la
sclerosi multipla pòch an dòp ch'la s'éra spusèta e ch'l'éva vut 'na
fiòla che adès la j avrà disèt-zdòt an : a pinsèi bein l'è un gran bèl pò
ch'la pòrta la su crócia, mò adès l'ariva e' marit sa dò bòtchi d'vein e
l'è mèj ch'a c’tnèmma só ! Mirco staséra e’ pèr ch'un abia òsi a bé, mò
ènca Gualtiero e Julko in s'tira indrìa. Mè e Nino a stèm d'ateinti perchè
se no andèmm te' paloun, Venturelli e Pierluigi is difènd e al dòni li bé
pòch o gnint. A garavlèm una bòtchia ad spumènt e dišméla frénch e
sopratótt, sa che’ caldein ch'uj éra dreinta cla chèsa, a scapèm fura ch'a
c’sèmm arfat agl'òsi.
Adès, però, un pò per e' scur, un pò per e'
vein che cmeinza a fè e' su efèt, a tchiapèm 'na strèda ch'la n’c'pòrta da
nisciouna pèrta, mò per fortuna l'ariva dò dòni ( l'è dò surèli ) a
tchiamèc e noun a c'avièm sóbit mal su chèsi. Mala preima a cantèm la
Pasquèla e la c’pòrta cinch-si òvi e mala sgònda ai fèmm sintì In
questa santa notte dell'Oriente che sa v'ho da dì la verità la c’vein
fata pròpi bein ; preima d'andè via a buschèm un salèm e sperèmma ch'un
ariva d’jélt.
Adès uc s'è fat dria 'na bèla ardóta ad
geinta e meintri ch'a camnèm a cuntinuèm a sunè e a cantè. Uj è un de'
paés ch'u c’vein dria s'una brètta ad lèna tla tèsta e s'un libri tal mèni
dó ch'uj è scrétt la storia ad Scavlein e che d'ògni tènt uc ni racounta
un pèz, mò uj è snò la Lidia ch'l'al sta da sintì. Uc dà, però, ènca un'ènta
nutizia ch'la c'intèrèsa : a Scavlein uj è ènca un cért Pierino che vein
da Bèlaria e alóra ma quèst bsògna pròpi andèl a truvè per cantèj la
Pasquèla.
" Da lontano abbiam saputo, che il baghino
l'avete ammazzato ..... " sé, t’è vòja a cantè, a qué e’ pèr che e'
baghin un l'abia mazèt niscioun perchè ancóra un è scap fura gnènca un
budèll ‘d suncéccia. Antrèm dreinta ‘na chèsa ad dó vitchiétt ch'i c’stapa
sóbti 'na bòtchia, mò meintri ch'a sèm dria a bé, Mirco e’ véd sèt o òt
furmaj sóra 'na ménsola e e’ cmeinza a fèj al luntanènzi, sichè ala fein
dla vèdghia la padrouna ad chèsa la c’ni slònga un da mètta te' cèst.
Mò adès bsògna truvè 'stè Pierino ad
Bèlaria e ac fèm cumpagnè sòta chèsa sua ch'la è t'una palazeina ad tri
pién. Intènt che Antonio e’ fa scapè fura la geinta da t'chèsa sa dò-trè
strumbazèti, Gualtiero us taca me' campanèl ad 'stè Pierino che quant e’
seint a cantè e’ vein fura dala finestra : e’ sta tla mansarda e apéna
l'ha capit ch'a sèm dria a cantè la Pasquèla e’ scènd gió e uc fa 'na gran
fèsta e uc dic che un rigal pió gròs an gne pudémi fè. E vria ch'andèsmi
só tótt at chèsa sua, mò uj è tròp schèli da fè e alóra e’ vein gió s'un
panetoun e 'na bòtchia. Intènt ma Alberto e ma Lucio uj è tchiap fèma
perchè l'è bèla al sia e bsògna dì che 'sti burdèll j è stét ènca tròp
brév fina adès. Pierino uj invita andè só at chèsa per dèj chicosa da
magnè : Alberto e’ va só sla Lorella, Lucio e’ fa un pò ‘d stòri mò pó us
dècid e e’ va só ènca ló sl'Angela.
Mirco intènt l'ha dutchièt 'na bèla spósa
ma una dal finèstri gió da bas e alóra us bótta lé sòta e e’ cmeinza a fè
'na serenèta :
" Aprite la finestra un sol momento .... "
Apéna ch'l'ha fnit, la spósa laj sbat al
mèni e laj slònga gió ènca 'na bòtchia e ormai 'stè cèst e’ cmeinza a bsè
parètch e bsugnarà che qualcadoun uj daga 'na mèna mala Lidia se no la n’gni
la fa pió. Gualtiero e’ vò fè balè la geinta ch'la è scapa fura e l'ordina
ma Venturelli ad sunè la " vinchia " e pó ènca un valzer sichè at 'sta
piazètta sòta chèsa ad Pierino l'è pròpi fèsta.
Adès però bsògna risòlva 'stè probléma :
Venturelli e’ vò 'rturnè chèsa !
" Burdèll aj éva prumèss mala mi mòj ch'arturnéva a chèsa al sia e mèz, um
tòca andè via ! "
Par furtouna Pierluigi uj fa cambié idea e uj dà e' tèlèfunein acsé e’ pò
zcòra sla su mòj per dij ch'l'arivarà pió tèrd. E noun andèm avènti.
Dòp d'avè cantèt trè-quatri stròfi dla
Pasquèla davènti ma 'sta chèsa, ècco che la padrouna la s’dècid ad fèc
antrè e sóbti dòp l'ariva e' marit che pòrta da bé e ènca qué dreinta
Gualtiero l'ha e’ curag ad fè balè una manfreina ma tótt dó : Nino e’ bala
sla mòj e la Lidia se’ su marit e quant andèm via ic rigala un furmajèt. A
sèm arvét dria la tchisa e dala pòrta pérta d'una chèsa iluminéta, marit e
mòj ic fa sègn d'antrè :
" In questa casa c'è una sposa, bianca e rossa come una rosa ..... "
Noun a bughèmm dreinta e a truvèm sla tèvla una tvaja pina ad tajadèli
prounti da buté gió tla pgnata : guasi, guasi ac firmarésmi per magnèn un
pò, mò us capésc sóbit che quèlli agl'è prounti per dmein a mèzdé. Sla
tèvla uj è ènca dl'èlta ròba : salèm, parsciótt e furmaj e alóra a cminzèm
a pizghé e sóra adès uj sta bein ènca un bitchiaròt ad vein. Cért che s'andèm
avènti a bé dò déti ad vein ma tòtt al chèsi a nè sò se dòp ai la farém a
'rturnè chèsa seinza andè a fnì t'un fòs !
A stèm per arturnè tla piaza da dó ch'a
sérmi partit, mò uj è ancóra quatri o cinch chèsi andó ch'us pò andè.
" Dai Antonio, sòna e' trumboun sè no in c’seint ! Ecco chi présc la
pòrta, dai Mirco, taca ! "
" Tre Re Magi dall'Oriente, con gran cuore e fede ardente .... "
Adès uj è dla geinta ch'la vein dria e la c’dic d'andè ad d’jélt pòst, mò
a ne sò saj la farém .
E' padroun ‘d chèsa se’ su fiùl j ha stapèt
dò bòtchi d'vein ch'l'è la fin de' mònd e l'è pròpi un pchèt a nu bél !
Alé Venturelli sòna e’ valzer ‘d Balsimelli ! Nino l'ha imbranchèt 'na
bacana gagia cmè ló e u la fa prilé ad brótt, l'Angela la bala se’ padroun
‘d chèsa e la Lidia la s’dà da fè se' fjùl che però l'è tròp gióvni per
balè e' valzer e la fa fadiga a strasc-nél.
"Chi ca fèm burdèll, andèm a fè l'ultma
Pasquèla te' circòl ACLI e pó andèm a
chèsa ? Mò cum us fa andè via ch'it tchièma ancóra da tótt al pèrti ! L'ha
rašoun Gualtiero, un s'pò andè via ancóra e alóra andèmma pó là ma cla
chèsa, dai !"
" Oi ad chèsa arvój cla pòrta, che ad fura uj è la mòrta, e ad chèsa l'aligrìa
e Bona Pasqua e Pifania ... " la pòrta i la présc sóbit e sla tèvla j ha
già prèparèt dal fètti ad panetoun e ad pandoro mò Gualtiero preima ad
tachè a magnè e’ vò fè balè la geinta e alóra via sla manfreina ! Balét pó,
burdèll, mò mu mè adès um tòca andè fè 'na psciéta se no um stchiòpa la
psciga !
Am mètt da sdé d’avcein mala tèvla par sintì un pzul ad panetoun e a vègh
ch'l'è antrèt ènca Maraviglioso ch'l'ha già e' bitchìr tal mèni.
Ènca ló us mètt da sdé tachèt mu mè e pó, guardand ma l'Emanuela ch'la è
ad frounta ma ló um dic :
" Mò la sarà bèla ! " e mè aj arspònd : " Sè, sè la è bèla e pó cum la
sòna ! " e ló sóbit prount :
" Ah, al sò ènca mè, acsé giovna tròp ch'l'an sòna lia !! ".
Adès a sèm a cantè davènti m'una chèsa s'un
gran tèraz che dà sla strèda :
" Noi vogliamo il padron di casa, che ci venga a rivedere .... " us fa un
pò desiderè 'stè padroun ad chèsa, mò pó dòp uc pòrta una dišeina ad
budèll ‘d suncéccia e una bòtchia ‘d vein.
Da 'sta chèsa in avènti a pruvèm a sunè d’jélt dó-tré campanèll, mò un
arspònd niscioun e alóra noun a bughèm tè circòl ACLI ch'l'è l'ultma tapa.
A qué, burdèll, i s'è dèt la vócia e l'è
pin ad geinta. Uj è quéj chi giòca a chèrti, mò apéna ch'antrèm noun i
smètt sóbit per stè da sintì :
"Andaremé da Parsótè ch'l'ha un salam ch'ul dà ma tóte ...... "
Insein sa noun dreinta e' circòl l'è antrèt
parètchia geinta e ènca 'l dòni ch'li ha vòja ‘d balè e acsé an ce fèm dì
dò vòlti e dòp ch'èm dmand da bé sla Pasquèla, a tachèmm preima s'un
valzer e pó s’na manzurca e via andare ! E' barésta, che intènt u c'ha
mèss dó tiròun e 'na bòtchia ad spumènt dreinta e' cèst, non sól u c'ha
prèparèt da bé, mò sóra un tavlein u c'ha fat truvè ènca un bèl piat ‘d
grasciùl ch'j è propi boun. Ac butèm a balè un pò tótt e cla spósa gagia
la va a circhè ma Nino perchè la vò balè ancóra sa ló e la j ha rašoun
perchè Nino l'è pròpi un balarein fnit. Tra un bal e cl'èlt a dèm l'asalto
ma chi grasciùl che cum us sa i dà 'na gran séta e alóra i bitchìr d'vein
i cmeinza andè gió cmè i giurameint féls.
Adès però u s'è fat tèrd, l'è guasi al nòv
e noun èm urdinèt la cena pròpi per 'st'óra, mò bsògna arvé te' Mercatein
e uj vò guasi mèz'óra andè gió.
" Ed ogni bene il ciel vi dia e l'anno nuovo e così sia .... "
Maraviglioso uc vein a saluté e uc dic ch'èm d'arturnè ènca st'altr'an, mò
ch'èm d'arvé ala mateina e che pó ic prèpararà lór da magnè. Quèst u s'avdrà,
mò intènt dèmma un'utchièta per véda cum i sta j òmni dl'Uva Grisa.
Mè e Nino a sèm a pòst perchè avrém but dó
bitchìr, dó bitchir e mèz tra sé e no ; Pierluigi l'avrà but prèsapòch
cume noun dó e pó ló um pèr ch'ul tènga bein e' vein ; Gualtiero i só
tré-quatri bitchiaròt u si è fat fura, mò um pèr che ancóra e’ tènga bòta
; Julko um pèr ch'l'abia già la lèngua impastèta e l'è da vèsa già un bèl
pèz in là, mò a stè da sintì ma ló quant l'ha but dic che guida mèj e
quindi un gn'è pèricòl ; l'è Mirco ch'um fa stè in pansìr, staséra, perchè
l'ha but ad brótt e sicòm ch'l'ha da guidé la machina a nè sò cum u s’la
cavarà e alóra aj dégh mala Stefania ( ch'la viagia in machina sa ló )
ch'la l’ cunvincia a fèla guidè ma lia.
A scapèm ad fura sla piaza e Venturelli e’
saluta ala svélta ma tótt e e’ tchiapa via ad cursa. A stèm a spitè quéj
chi s'è férmi ancóra dreinta e' circòl : Julko, Mirco e Pierluigi che,
stuzghét da ch’jélt dó, l'ha tachèt a cantè Era di maggio e adès
bsògna lasceila fnì. A fòrza ad dèj ai la fèm a strasc-néj ad fura e
finalmeint a sèm prount a partì. Adès l'è tèrd e i c'aspèta per dèc da
magnè ma La quercia Mafalda, mò preima d'andè gió lascém dì che mu
mè um pèr che quèsta la sia stèta una dal pió bèl pasquèli ch'ultmameint
èmma fat sa l'Uva Grisa.
At 'sti pòst mala geinta d'na cérta età la
Pasquèla laj è arvènza dreinta e in s’la pò zcurdè perchè la è alghéta
m'un fil d'na tradizioun ch'la vein da lòngh una gran masa e che te’ preim
la vléva arcurdè agl'almi di nòst pòri murt, e da che mònd l'è mònd us sa
che mi murt u si è seimpri dèt 'na gran impurtènza.
15 gennaio 1998
“ RIVERITI LOR SIGNORI "
( La Pasquella a Scavolino )
di Domenico Bartoli
Partiamo da Rimini con una nebbia che ti
mette addosso un freddo dell’ostia, io, la Lidia e Nino che non sono
ancora le due del pomeriggio, perché ci siamo dati l’appuntamento con
tutta la banda dell’UVA GRISA per le tre al lago di Andreuccio. Andiamo
tutti tre con la macchina di Nino e c’è la sua ragione : se non guida lui
gli fa male la macchina e poi gli viene da vomitare anche se lo fai stare
davanti e allora lascia pure che guidi lui.
Quando facciamo questa strada (che sarebbe
poi la marecchiese o se la vogliamo chiamare con un numero, Strada
Statale n. 258) per me e per Nino è come tornare bambini, perché ci
riporta dove siamo nati : lui a Villa Verucchio e io a Mercatino che già
da un gran bel po’ non si chiama più così, ma Novafeltria e che se vi devo
dire la verità a me non è mai piaciuto. E poi è la strada che ci ha visto
andare avanti e indietro a tutti due fino a Rimini, quando eravamo
ragazzini più o meno della stessa età, per migliaia di volte, è la strada
che ci ha visto crescere e diventare grandi e che ci è rimasta dentro.
Lungo la strada chiacchieriamo del più e del
meno e quando siamo alla Villa, Nino c’insegna, come sempre, dov’è nato e
dov’è andato a scuola, ma ecco che dopo che abbiamo superato la salita
sopra Ponte Verucchio, all’improvviso la nebbia sparisce ed esce fuori una
giornata che fa voglia, con un sole che non sembra nemmeno che sia il
cinque di gennaio ! Sulla destra, su in alto si vede Torriana e più
avanti, giù in basso, ci appare il fiume, il Marecchia, che ha un’acqua
chiara come d’estate. Un po’ più in su, sopra una roccia quasi in mezzo al
fiume, spicca la chiesa della Madonna di Saiano con accanto la sua torre,
che hanno messo a posto da poco e poi, guardando il monte lì sopra si vede
il castello di Montebello proprio sulla cima, con il bosco tutt’attorno.
Passata Pietracuta e subito dopo il Ponte
Santa Maria Maddalena, dalla piana prima d’entrare a Secchiano, ecco che
comincia a vedersi a destra la sagoma del Pincio e invece dall’altra parte
spuntano fuori prima le due punte della Biforca e poi la Rocca di
Majoletto e dietro e più lontano il castello di San Leo. Da lì arrivare a
Mercatino è un attimo, ma noi andiamo avanti e anche se la vallata
comincia a stringersi, a me sembra che sia sempre bella, forse anche
perché ci sono nato e ci ho passato gli anni più belli della mia vita.
Dopo il Ponte Baffoni arriviamo al ponte della Prena, di lì tagliamo su
per Maciano e alla fine giriamo verso Soanne e siamo subito sul lago di
Andreuccio.
Sul piazzale attorno al lago c’è solo la
macchina di Pierluigi (che si è portato dietro la Lorella, Alberto e suo
suocero Luciano con sua moglie), ma piano piano arrivano sù tutti :
Gualtiero con l’Angela e Lucio, l’Emanuela assieme ad Antonio, Mirco, la
Stefania, Julko e Venturelli che si è portato dietro il violino da
battaglia. E di qui partiamo con le macchine tutti assieme per
iniziare l’avventura della pasquella a Scavolino, un paesetto dove
saranno rimaste 300 persone tra sì e no, ma che una volta (nel 1400 o giù
di lì) era una contea e poi è diventato un principato, il
Principato di Scavolino sotto la dominazione dei Conti di Carpegna, con
una storia importante che ora sarebbe troppo lunga da raccontare.
Lasciamo le macchine nella piazza grande
(piazza S.Gaetano) e mentre indossiamo le capparelle e i nostri capellacci,
la gente ci guarda dietro senza capire bene quello che succede. Una volta,
parecchi anni fa, anche quassù passavano a cantare la Pasquella, ma ora
nessuno se l’aspettava e noi è proprio quello che volevamo. Quest’anno con
noi non c’è Gianni con la sua fisarmonica, ma in compenso abbiamo
l’Emanuela con l’ocarina e Antonio con il trombone che non è roba da tutti
i giorni e poi c’è anche Nino che ci dà una mano a cantare e lui di voce
ne3 ha da vendere.
Senza star tanto ad aspettare suoniamo il
campanello di una dlle case sotto quel bel loggiato del 1600 dove una
volta facevano il mercato, e cominciamo con Mirco che attacca a tutta
birra :
“Rivveriti o lor signori …. “
La gente si fa attorno per ascoltare e dopo averci applaudito, quando
smettiamo vuol sapere da dove veniamo, ma intanto i padroni di casa hanno
tirato fuori già due bottiglie di vino e passano a dar da bere a tutti. E'
quello che ci voleva per Gualtiero e per Julko che, come si sa, se non
bevno un gocceto non riescono a prendere il via, ma veramente un po’ di
vino fa bene a tutti perché è vero che c’è il sole, ma è anche vero che
che qui siamo a più di 700 metri e dal Carpegna, che abbiamo dietro la
schiena, viene giù una buriana che fa bubbolare. E adesso sotto con un
valzerino per far ballare la gente che sta attorno ! Venturelli ci dà che
si sbraccia con il valzer Dolci speranze, insieme all’Emanuela che
gli dà una mano con l’ocarina e Mirco e Julko che gli battono il tempo con
le chitarre, per non parlare di Pierluigi che fa da contrabbasso con il
suo bidone e Antonio che con il trombone lo sentono fino a Pennabilli. La
Stefania, l’Angela, la Lorella e Nino si dan da fare a ballare ma ancora
la gente non si butta ; la Lidia tiene il paniere che è vuoto e Luciano un
po’ più lontano fa le riprese con la sua video-camera.
“Ringraziam questa famiglia …. “, riattacca
Mirco che nel frattempo si è acceso una sigaretta, e mentre stiamo per
andar via, ecco che la padrona di casa ci mette nel paniere cinque uova e
a me sembra di tornare indietro di 50 anni : era un po’ che non si
vedevano le uova nella Pasquella !
Guardo l’orologio e sono solo le quattro e
un quarto : “ Forza ragazzi che abbiamo appena iniziato, andiamo avanti !
“
Gualtiero si dà da fare a suonare i campanelli, ma in parecchie case non
c’è nessuno e noi tiriamo avanti. Mi guardo dietro per vedere dov’è
passato Nino e lo vedo giù in basso che vien su piano : anche lui ha la
capparella (gli ha prestato la sua, vecchia, Pierluigi, che se n’è fatta
fare una nuova, leggera che non pesa niente), ma non è nera come le nostre
: è di un colore marroncino merda-di-gatto, che fa pari con il suo
cappello marrone anche quello, ma adesso che lo guardo bene più che un
pasqualotto mi sembra un fattore di campagna che va a riscuotere dai
contadini per conto del padrone. Ogni tanto rimane un ppo’indietro e
prende le distanze perché (come succede a volte pure a me) ha un problema
: meteorismo, ha bisogno di scoreggiare e del resto se uno ha
questo disturbo non potrà mica scoppiare !!
“ Adesso a sinistra c’è uno slargo e davanti quella casa c’è della gente,
andiamo là ragazzi ! “
Ci troviamo in uno spiazzo con due-tre case
e con il Carpegna proprio lì davanti che ci batte il sole contro e che
sembra ci caschi addosso ; appena cominciamo a cantare escono fuori due
bambine di tre-quattro anni e il padrone di casa che, siccome non ha del
vino, ci chiede se vogliamo un caffè.
Intanto la Lidia ha studiato di mettere nel
cesto tre-quattro carte da dieci e da cinque mila lire delle sue per
invogliare la gente e difatti poco dopo viene avanti la moglie e ci lascia
tre-quattro carte da mille lire, ma prima d’andar via ci chiede se le
cantiamo Romagna mia : vuoi dirle di no ?
Lì vicino, sopra il terrazzo di casa, ci
sono due donne sole che battono le mani e allora anche a loro cantiamo una
mezza Pasquella. Una delle due scende giù, s’infila nel pollaio ed esce
fuori con cinque uova ancora calde da mettere nel paniere.
“ Ed ogni bene il Ciel vi dia e l’anno nuovo
…. “, salutiamo e continuiamo la strada : davanti alla porta di casa c’è
una vecchia che s’appoggia ad un bastone, noi ci fermiamo con l’intenzione
di cantare, ma lei non ne vuole sapere e allora tiriamo dritto e andiamo
davanti un’altra casa dove tirano fuori da bere e prima d’andar via ci
mettono una bottiglia e cinquemila lire dentro il paniere.
“ Cominciamo a rimediare qualcosa anche da
bere, ma quelle uova adesso, Lidia, bisognerebbe che tu le avvolgessi
nella carta se no non arrivano sane a casa ! “
Davanti a questa casa cantiamo, cantiamo ma
non vien fuori nessuno : “ Nata rozza capannella, da una pura verginella
…. “ ah, ecco, è scappata fuori in cima alla scala e ci guarda senza
parlare e con la faccia un p’ò stranita, una donna sui settant’anni che è
anche un po’ strabica. Si capisce subito che è una donna sola e non è il
caso d’entrare in casa perché se non c’è proprio la morte (come mi è
venuto detto per sbaglio), non c’è neanche tanta allegria. Le diamo il
Buon Anno e lei, sempre senza parlare, scende giù per la scala e ci mette
mille lire dentro il paniere ……..
Intanto i ragazzetti del paese, che ci seguono con i motorini, hanno
passato la voce che siamo in giro a cantare la Pasquella e adesso
cominciano a chiamarci. C’è un anziano con un berrettino in testa e con
una faccia rossa e piena di rughe che ci fa cenno d’andare da lui che è
fermo in mezzo ad una piazzetta ; porta un paio d’occhiali con delle lenti
grosse come due fondi di bicchiere e quando siamo lì ci fa subito le
presentazioni : “ Io ho avuto un infarto, una paralisi e una trumbosa, mo
adesso sto benissimo ; sto meglio di prima ! “
E’ contento come una Pasqua, ride e sbatte le mani appena abbiamo finito
di cantare e poi ci chiede se gli suoniamo un valzer, ma non un valzer
qualunque, vuole che gli suoniamo il valzer
Maraviglioso che è la sua passione. Nemmeno a farlo apposta questo
valzer è proprio un cavallo di battaglia di Venturelli che non gli par
vero di suonarlo, mentre noi ci diamo da fare a ballarlo. Quando finisce
il valzer dalla contentezza si prende la faccia fra le due mani e tira un
moccolo secco che ci fa scompisciare dalle risate : “ Porca M….. !
Maraviglioso, questo è il valzer, altro che storie !! “
Adesso siamo arrivati quasi alle ultime case
e bisognerebbe girare a sinistra per tornare indietro, ma prima proviamo
andare a vedere a questa casa dove ci sono ancora questa luci colorate
fuori della porta.
“ Antonio, suona il
trombone che ci facciamo sentire che arriviamo ! “
Seduta su di una sedia e attaccata ai vetri della finestra c’è una sposa
che fa segno d’entrare e noi, dato che intanto comincia a far buio e che è
sempre più freddo, non ce lo facciamo dire due volte e con Mirco in testa
attacchiamoa cantare ed entriamo dentro tutti quanti siamo e poi andiamo
tutti in piedi attorno alla tavola. E’ una stanza che fa da cucina e da
salotto con una tavola in mezzo, di fianco i fornelli a gas e l’acquaio
per lavare i piatti, dietro la tavola una bella stufa smaltata di bianco
di quelle di una volta e a destra in fondo un divano e sopra quello,
attaccato alla parete, un quadro con il Sacro Cuore e di fronte al
divano il televisore.
Da quando siamo entrati la padrona di casa non si è mossa da sopra la
sedia e ora, dopo che abbiam finito di cantare, ci accorgiamo che sta
seduta perché non si può muovere. Intanto che al marito lo comanda d’andar
a prendere da bere, ci racconta la sua disgrazia, ma ci dice subito che è
contenta stasera perché siamo passati anche da lei quando ormai s’era
messa il cuore in pace e proprio per questo ha gli occhi lucidi. E’ una
bella donna che adesso si muove solo con la carrozzella perché le è presa
la sclerosi multipla pochi anni dopo che si era sposata e che aveva
avuto una figlia che adesso avrà diciassette-diciotto anni : a pensarci
bene è un gran bel po’ che porta la sua croce, ma ora arriva il marito con
due bottiglie di vino ed è meglio che ci teniamo su ! Mirco stasera sembra
che non abbia ossa a bere, ma anche Gualtiero e Julko non si tirano
indietro. Io e Nino stiamo attenti perché se no andiamo “nel pallone”,
Venturelli e Pierluigi si difendono e le donne bevono poco o niente.
Rimediamo una bottiglia di spumante e diecimila lire e soprattutto, con
quel caldino che c’era dentro quella casa, usciamo fuori che ci siamo0
rifatte le ossa.
Ora però, un
po’ per il buio e un po’ per il vino che comincia a fare i suoi effetti,
prendiamo una strada che non ci porta da nessuna parte, ma per fortuna
arrivano due donne (sono due sorelle) a chiamarci e noi ci avviamo subito
alle loro case. Alla prima cantiamo la Pasquella e ci porta cinque-sei
uova e alla seconda facciamo sentire In questa santa notte dell’Oriente,
che se devo dirvi la verità, ci viene fatta proprio bene ; prima d’andar
via guadagnamo un salame e speriamo che ne arrivino altri.
Adesso ci si
è radunata dietro un bel po’ di gente e mentre camminiamo continuiamo a
suonare e a cantare. C’è uno del paese che ci segue con una berretta di
lana in testa e un libro in mano dove è scritta la storia di Scavolino e
che ogni tanto ce ne racconta un pezzo, ma c’è solo la Lidia che lo sta ad
ascoltare. Ci dà, però, anche un’altra notizia che c’interessa : a
Scavolino c’è anche un certo Pierino che viene da Bellaria e allora a
questo bisogna proprio andare a trovarlo per cantargli la Pasquella.
“ Da lontano abbiam
saputo, che il baghino l’avete ammazzato …. “, sì, hai voglia a cantare,
qui sembra che il maiale non l’abbia ammazzato nessuno perché ancora non
è uscito fuori neanche un budello di salciccia. Entriamo dentro una casa
di due vecchietti che ci stappano subito una bottiglia, ma mentre stiamo
bevendo, Mirco vede sette-otto formaggi sopra una mensola e comincia a
“farci le lontananze”, cosicchè alla fine la padrona di casa ce ne allunga
una da mettere nel paniere. Intanto ad Alberto e Lucio è preso fame perché
sono quasi le sei e bisogna dire che questi bambini sono stati anche
troppo bravi finora. Pierino li invita a salire su in casa per dargli
qualcosa da mangiare : Alberto sale con la Lorella, Lucio fa un po’ di
storie, ma poi si decide e sale anche lui con l’Angela.
Mirco intanto ha
adocchiato una bella sposa ad una delle finestre giù in basso e allora si
butta lì sotto e comincia a fare una serenata :
“
Aprite la finestra un sol
momento …. “
Appena ha finito, la
sposa gli batte le mani e gli allunga giù anche una bottiglia e ormai
questo paniere comincia a pesare parecchio e bisognerà che qualcuno le dia
una mano alla Lidia se no non ce la fa più. Gualtiero vuol far ballare la
gente che è uscita fuori e ordina a Venturelli di suonare la “vinchia” e
poi anche un valzer, sicchè in questa piazzetta sotto casa di Pierino è
proprio festa.
Adesso però bisogna
risolvere questo problema : Venturelli vuol tornare a casa !
“ Ragazzi, avevo promesso
a mia moglie che tornavo a casa alle sei e mezzo, mi tocca andar via !
Per fortuna Pierluigi gli
fa cambiare idea e gli dà il telefonino così può parlare con sua moglie
per dirle che arriverà più tardi. E noi andiamo avanti.
Dopo aver
cantato tre-quattro strofe della Pasquella davanti a questa casa, ecco che
la padrona si decide a farci entrare e subito dopo arriva il marito che
porta da bere e anche qui dentro Gualtiero ha il coraggio di far ballare
una manfrina a tutti due : Nino balla con la moglie e la Lidia con suo
marito e quando ce ne andiamo ci regalano un formaggio.
Siamo arrivati vicino
alla chiesa e dalla porta aperta di una casa illuminata, marito e moglie
ci fan segno d’entrare :
“ In questa casa c’è una
sposa, bianca e rossa come una rosa …. “
Noi entriamo dentro e
troviamo sulla tavola una tovaglia piena di tagliatelle pronte da buttare
giù nella pignatta : quasi, quasi, ci fermeremmo per mangiarne un po’, ma
si capisce subito che quelle sono pronte per domani a mezzogiorno. Sulla
tavola c’è anche dell’altra roba : salame, prosciutto e formaggio e allora
cominciamo a pizzicare e sopra adesso ci sta bene anche un bicchierotto di
vino. Certo che se andiamo avanti a bere due dita di vino a tutte le case
non lo so dopo se ce la faremo a tornare a casa senza andare a finire in
un fosso !
Stiamo
per tornare nella piazza da dove siamo partiti, ma ci sono ancora quattro
o cinque case dove si può andare.
“ Dai, Antonio, suona il
trombone se no non ci sentono ! Ecco che aprono la porta, dai Mirco,
attacca ! “
“ Tre Re Magi
dall’Oriente, con gran cuore e fede ardente ….”
Ora c’è della gente che
ci segue e ci dice d’andare in altri posti, ma non so se ce la faremo.
Il
padron di casa con i suoi figli ha stappato due bottiglie di vino che è la
fine del mondo ed è proprio un peccato non berlo ! Alé Venturelli, suona
il valzer di Balsimelli ! Nino ha abbrancato una tardona rossa di capelli
come lui e la fa prillare di brutto, l’Angela balla con il padrone di casa
e la Lidia si dà da fare con il figlio che però è troppo giovane per
ballare il valzer e fa fatica a trascinarlo.
“ Cosa
facciamo ragazzi, andiamo a fare l’ultima Pasquella nel circolo ACLI e poi
andiamo a casa ? Ma come si fa ad andar via che ci chiamano ancora da
tutte le parti ! Ha ragione Gualtiero, non si può andar via ancora e
allora andiamo a quella casa, dai ! “
“ Oi ad chèsa arvój ch’la
pòrta, che ad fura uj è la morta e ad chèsa l’aligrìa e Bona Pasqua e
Pifania …. “, la porta la aprono subito e sulla tavola hanno già preparato
delle fette di panettone e di pandoro, ma Gualtiero prima di attaccare a
mangiare vuol far ballare la gente e allora via con la manfrina ! Ballate
pure, ragazzi, ma ora io devo andare a fare una pisciata se no mi scoppia
la vescica ! Mi metto seduto vicino alla tavola per sentire un pezzo di
panettone e vedo che è entrato anche Maraviglioso che ha ha già il
bicchiere in mano. Anche lui si siede accanto a me e poi, guardando
l’Emanuela che è di fronte a lui, mi dice :
“ Ma sarà bella ! “ e io
gli rispondo : “ Sì, sì, è bella e poi come suona ! “ e lui subito pronto
: “ Ah, lo so anch’io, così giovane troppi ne suona lei !! “
Adesso
siamo a cantare davanti una casa con un gran terrazzo che dà verso la
strada :
“ Noi vogliamo il padron
di casa, che ci venga a rivedere …. “, si fa un po’ desiderare questo
padrone di casa, ma dopo poi ci porta una decina di budelli di salciccia e
una bottiglia di vino. Da questa casa in avanti proviamo a suonare altri
due-tre campanelli, ma non risponde nessuno e allora c’infiliamo nel
circolo ACLI che è l’ultima tappa.
Qui, ragazzi, si son dati
la voce ed è pieno di gente. Ci sono quelli che giocano a carte, ma appena
entriamo noi smettono subito per stare a sentire :
“ Amdaremé da Parsóte
ch’l’ha un salam ch’ul dà ma tóte …. “
Assieme a noi dentro il
circolo è entrata parecchia gente e anche le donne che hanno voglia di
ballare e così non ce lo facciamo dire due volte e dopo che abbiamo
chiesto da bere con la Pasquella, attacchiamo prima con un valzer e poi
con una manzurca e via andare ! Il barista, che frattanto ci ha messo due
torroni e una bottiglia di spumante nel paniere, non solo ci ha preparato
da bere, ma sopra un tavolo ci ha fatto trovare anche un bel piatto di
ciccioli che sono proprio buoni. Ci buttiamo a ballare un po’ tutti e
quella sposa coi capelli rossi va a cercare Nino perché vuol ballare
ancora con lui ed ha ragione perché Nino è proprio un ballerino bravo. Tra
un ballo e l’altro diamo l’assalto a quei ciccioli che come si sa danno
una gran sete e allora i bicchieri di vino cominciano ad andar giù come i
giuramenti falsi.
Ora però s’è fatto tardi,
sono quasi le nove e noi abbiamo ordinato la cena proprio per quest’ora,
ma bisogna arrivare a Mercatino e ci vuole quasi mezz’ora ad andar giù.
“ Ed ogni bene il Ciel vi
dia e l’anno nuovo e così sia …. “ Maraviglioso ci viene a salutare e ci
dice che dobbiamo tornare anche quest’altr’anno, ma che dobbiamo arrivare
la mattina e che poi ci prepareranno loro da mangiare. Questo si vedrà, ma
intanto diamo un’occhiata per vedere come stanno gli uomini dell’UVA
GRISA.
Io e Nino siamo a posto
perché avremo bevuto due bicchieri, due bicchieri e mezzo tra sì e no ;
Pierluigi avrà bevuto pressappoco come noi due e poi lui mi pare che lo
tenga bene il vino ; Gualtiero i suoi tre-quattro bicchierotti se li è
fatti fuori, ma mi pare che ancora regga ; Julko mi sa che abbia già la
lingua impastata e dev’essere già un bel pezzo in là, ma a sentir lui
quando ha bevuto dice che guida meglio e quindi non c’è pericolo ; è Mirco
che che mi fa stare in pensiero, stasera, perché ha bevuto di brutto e
siccome deve guidare la macchina, non so come se la caverà e allora dico
alla Stefania (che viaggia in macchina con lui) che lo convinca a far
guidare lei.
Scappiamo fuori sulla
piazza e Venturelli saluta alla svelta a tutti e prende via di corsa.
Stiamo ad aspettare quelli che si sono fermati ancora dentro il circolo :
Julko, Mirco e Pierluigi che, stuzzicati dagl’altri due, ha attaccato a
cantare Era di maggio e adesso bisogna lasciargliela finire. A
forza d’insistere ce la facciamo a trascinarli fuori e finalmente siamo
pronti a partire. Adesso è tardi e ci aspettano per darci da mangiare alla
Quercia Mafalda , ma prima di andar giù lasciatemi dire che a me
sembra che questa sia stata una delle più belle pasquelle che ultimamente
abbiamo fatto con l’UVA GRISA.
In questi posti alla
gente di una certa età la Pasquella è rimasta dentro e non se la possono
scordare perché è legata al filo di una tradizione che viene da molto
lontano e che all’inizio voleva ricordare le anime dei nostri morti, e da
che mondo è mondo si sa che ai morti si è data sempre una grande
importanza.
15 gennaio 1998