RUBRICA 2004

Fatterelli e misfatterelli...

_{Per sorridere di noi ...}                       

Chi cci facissitu a Saddam Hussè?

Lu giurnalista tuttu cuntenti

dissi ca lu 'ncagliaru a 'ddu delinguenti

era 'ntanatu comu un surci di fogna

cu tantu di varvazza e senza vrigogna

nt'un pirtusu umitu e fitusu

(atru ca li seggi d'oru c'avìa in usu).

A lu circulu di li zicchinittari

cci fu quarcunu ca vozi parlari

e jittà 'na proposta ca mali nun è:

- Chi cci facissitu a Saddam Ussè?

Si fici avanti don Filippeddu

- Ji cci tagliassi subbitu l'a........

- Comu curriti, cumpari Filì, ji vi canusciu, dicicitila tutta,

ca cci tagliassivu puru lu sutta!

Vatri fascisti siti bravi cu la giustizia

siddu 'un c'è nuddu ca v'avi amicizia!

Dissi l'atru: -Vali pi li Curdi chi sterminà

e pi piaciri, finemmula ccà...

- Ah, si parlassiru 'dd'ossa d'Ebbrè

ca natri cci passammu vidè...

Ntirvinni Peppi, dittu Cumpagnuni

ca sidiva e ascusdava di l'agnuni:

Pi 'na vota sugnu d'accordu cu 'stu fascistazzu:

fussi cosa di tagliaricci lu c........

Vali pi li Sciiti ca 'nfussunà,

macari cci nni tagliammu 'na mità.

E lu primu: -E bravu a Peppi Stalin rinatu

ca un miliuni di gintuzzi à stirminatu...!

Sapiti chi vi dicu, amici beddi,

giustizieri di viteddi,

cu semmu 'natri pi giudicari a 'stu sanguinariu?

Ccà cci volissi lu vitrinariju

ca cci tagliassi subbitu lu coddu...

e scusati si la fici ammoddru:

su' situazioni troppu  aggruvigliati

OMINI SEMMU:

tutti avemmu curpa e tutti semmu avvocati!

-------------------------------------------------------------------------------------------

                                  Annata 2002                                    _{ANNATA 2003}              

INDEX