| | | | | | | | Li pizzarieddi
Car'Achitecchia ci li pizzarieddi
uè sai comu si fannu a casa mia
iù ti lu ticu, ma li piatticeddi
l'anchiri curmi curmi a menzatia,
ci noni, qua, li agnuni cannaruti,
ca pi li cosi bueni so'ngurdiusi,
si fòttunu ogni cosa a do minuti,
si llèccunu li piatti e… tu li musi.
Tre piònuri ti cruessu sitazzatu
sobb'alla mattra minti a muntirroni.
Nu cuencu fani a mienzu, sunnazzatu,
cu l'inchi t'acqua piepita ti soli.
Tempra la pasta cu na manu sola,
cu tutti toi la skani, puei, ti carbu
e, ci iè tosta, minti l'arsola
nu picca t'acqua … chianu, senza sgarbu.
Scapuzzini nu picca e stinnicchiata
la faci a pizzarieddi curti e mazzi.
Quannu t'ha fatta l'urtima caàta
iè buenu cu li ccùji e li sitazzi.
Spuma lu ueju, fallu gnuricari
e minti na cutècchia ti cipodda.
Li pummitori zicca a spuragnari …
Ota lu brotu cu no mmisca e ncodda.
E quannu la quatara già sta fervi
li pizzarieddi cala, assutti e tosti.
Cajarda fani l'ampa, comu servi,
e, ci ti brusci, mintiti ti costi.
Minti lu sali ca scannàji tuni,
scàzzica tuttu e lassa cu si coci
fittantu ca no zicca a fa' balluni.
Ssàggia lu brotu cu no sia iè doci.
E quannu l'ha' pruati e so' tinienti
li cacci, li miniestri e puei li cuenzi
cu casuricotta mota. Ce sta sienti?
Minti lu brotu e no pinzari a nienzi.
Uè, sientimi, Achitè, sièntimi giustu:
tra pèttuli, purpetti, fai, scarceddi
e nt'alli cosi ti lu meju custu,
sai ce mi piaci a mei? Li pizzarieddi!
Pasquale Spina
| | | | |
| | | | | | | | | Li pizzarieddi
Cara "Achitecchia" se vuoi sapere come si fanno "li pizzarieddi" a casa mia,
io te lo dico, ma i piatti
devi riempirli colmi a mezzogiorno,
altrimenti, i bambini, golosi,
che per i buoni piatti sono ingordi,
si mangiano ogni cosa in due minuti,
si leccano i piatti e… tu le labbra.
Tre manciate di "cruessu 1"
mettilo sulla "mattra2" a muntirroni.
Fai una fossa al centro,
Per riempirlo di acqua tiepida.
Impasta con una mano sola,
e lavorala con tutte e due le mani,
poi con garbo, se è dura, aggiungi un po' d'acqua … piano piano.
Spezzane un poco e stendila, dopo
tagliala a "pizzarieddi" corti e sottili.
Quando hai terminato li "pizzarieddi"
raccoglili e setacciali.
Soffriggi l'olio e fallo imbrunire
e aggiungi un po' di cipolla affettata.
Comincia a spremere i pomodori …
Gira il sugo per non farlo attaccare.
E quando comincia a bollire l'acqua nella pentola
versa li "pizzarieddi" , asciutti e duri.
gagliarda fai la fiamma, quanto serve,
e, se ti scotti, mettiti di lato.
Aggiungi il sali secondo i tuoi gusti,
gira e lascia che cuocia
fino a quando non comincia a bollire.
Assaggia il sugo per vedere se è insipido.
E quando li hai assaggiati e sono al dente,
li coli, "li miniestri3"e poi aggiungi molta cacioricotta. Mi stai ascoltando?
Metti il sugo e non pensare a niente.
Ehi, ascoltami, "Achitè", sentimi bene:
tra "pèttuli4", polpette, fave, "scarceddi5" e tra le buone cose,
sai cosa mi piace di più?
Li "pizzarieddi"!
1 farina con la crusca
2 tavola per fare la pasta e/o il pane
3 aggiungere poco sugo e girarli con un cucchiaio, generalmente di legno
4 dolci fritti di Natale, preparti il giorno dell'immacolata (8 dicembre)
5 dolce tipico di Pasquetta | | | | |
|
